السلام عليكم
انا حديث التخرج ونسبتي ان شاء الله تقدر تدخلني البترول وغيرها من الجامعات بس فيه شي شاغل مخي الي هو
هل فيه فرق بين شخص خرج بمعدل 3.5 من جامعة الملك فيصل وشخص تخرج ب2.75 من البترول من حيث التوظيف علما انهم في نفس التخصص وشي طبيعي ان الي فالبترول تقل نسبهم بسبب صعوبة الدراسة على عكس اغلب جامعات المملكة فهل كلامي صح ؟
ما فيه شي رسمي بس يبدو لي انه اذا كان في أحتياج بتخصص يكون التوجه في البدايه لجامعه البترول
وهي الشي تشوفه في اليوم المفتوح والوظائف الللي تشترط خريجي الجامعه بشكل خاص
بما إني موظف حالياَ وسبق وقدمت على الوظائف قبل وحضرت أيام المهنة أقدر اقولك أن المعدل هو يكون بالمرتبة الأولى ومن ثم اسم الجامعة الي متخرج منها
معلومة (برا الموضوع) :
معدل البترول من 4
معدل الجامعات السعودية الآخرى من 5
اذا تبي تحول المعدل من 5 الى 4 . , اضربه ب 0.8 او قسمه على 1.25
واذا تبي تحول المعدل من 4 ل 5 اضربه ب 1,25 او قسمه عل 0.8
يعني واحد ماخذ 4 من 5 في جامعة الملك فيصل ، يعتبر ماخذ 3.2 من 4 …
واللي ماخذ 3 من 4 (في البترول) ،
… يعتبر ماخذ 3.75 من 5.
واذا تبي تحولها لنسبة مئوية (البترول) اضرب معدلك ب 25
الجامعات السعودية الآخرى ب 20
ميزة البترول انه متماشي مع الجامعات الامريكية والكندية واغلب الجامعات الخارجية معدلها من 4 ولما تقدم عليهم يطلبون منكم إعادة تقييم المعدل (في شركات تسوي هالشي مقابل مبلغ مادي) بحيث يتماشى مع نظامهم ويكون المعدل من 4 بدلاً من 5
ياريت الاخوان يصححولي ان أخطأت.
اذا تبي ماستر ، خذلك الاضمن (المعدل)… وعندك فرصة الاعادة (تكون معيد) اكبر لانك غالبا بتنافس عدد اقل من المتفوقين عكس البترول…
التقديم للجهات الحكومية (المعدل)
غير هالحالات :
سؤالك اجابته نسبية… وتختلف من شخص لشخص …
انصحك تتطلع اكثر عل قسم الخريجين وتقرأ ردود وآراء الخريجين ، في اشخاص ذكروا انه المعدل لاقيمة له بعد أول يوم عمل.
انصحك تدرس قراراتك وكل الخيارات المتاحة… قبل اتخاذ الخطوة … اذا بتضاعف مجهوداتك قد تصل للمعدل الذي تطمح إليه .
اخوي التحويل من 4 الى 5 يكون باضافة 1
يعني لو معدلك 2.5/4 بيكون 3.5/5
والعكس لو كنت بتحول من 5 الى 4
يعني 4.5/5 = 3.5/4
تقدر تشوف ويكيبديا و تتأكد،
Grading systems by country - Wikipedia
ليش معقد السالفة ؟
اقسم الجزء ع الكل وتطلع لك النسبة وثم اضربها بالعدد الي تبغى النسبة عليه
مثلا 2.5/4= 0.625
0.625(5) = 3.125
الفرق بين المعدل من 5 و 4 , دائمًا اذا جيت تحول اطرح 1
مثال :
3.5/5 = 2.5/4
لأن الإف من خمسة تساوي 1 بينما من 4 تساوي صفر وقس عليها
اسم الجامعة له قيمته وسمعته بين عدد جيد من الشركات لكن كنسبة وتناسب , أغلب الشركات تعتمد على المعدل والمقابلات في فرز المتقدمين .
بعض الشركات تنسق مع الجامعة مباشرة لتوظيف الخريجين و غالبا ً المستفيد من هذا التنسيق هم أصحاب المعدلات العالية ( 2.75 وفوق ) وتلاحظ على اخر سمستر لك لو كان معدلك عالي راح توصلك اعلانات من الجامعة للتقديم على شركات معينة وعلى روابط خاصة بطلاب الجامعة بحيث الجامعة توصل بيانات الخريجين إلى الشركة مباشرة .
الخلاصة :
احرص على المعدل بدرجة أول وبنفس الدرجة احرص على الإستفادة العلمية لأن المعدل غالبا ً يرشحك للمقابلات واختبارات القبول لكن بعدها الموضوع يعتمد عليك وعلى ادائك في المقابلات والاختبارات وبكذا راح تسفيد من المعدل ومن اسم الجامعة بشكل نسبي و مثل مايقولوا راح تجمع بين بين الحسنين : معدل عالي + اسم الجامعة .
المعذرة منكم، كنت مخطئ
للتحويل من نظام 4 إلى 5 فقط زود 1
مثلًا 2.45/4 = 3.45/5
وقس على ذلك.
ما اعتقد هذي الحسبة صحيحة
الحسبة الصحيحة للتحويل من ٤ الى ٥ هي انك تضرب معدلك في ٥ وتقسمه على ٤
هذي طريقة التناسب الطردي اذا تذكرها من ايام القدرات والتحصيلي
بالنسبة لصاحب الموضوع
التفضيل مو ثابت احينا اسم الجامعة لها دور احينا المعدل . لكن الجامعات تتصنف كقروبات ، يعني مثلا البترول و سعود يعتبرون مثل بعض فصاحب المعدل الاعلى فرصته بالقبول اكثر.
احسب حسابك انه ممكن الشرط يجي سيئ للطرفين يعني التقديم الكتروني يقولون لك المعدل المطلوب كذا و انت ما تقدر تدخل بسبب انك تحت الشرط لكن غيرك من جامعه ضعيفه يقدر ، و بالنهاية يرفض بسبب ضعف اسم جامعته.
اما بخصوص الي يسأل عن التحويل ترى التحويل +١ أو -١
يعني الي معدله ٣.٥ بالبترول يكون معدلة ٤.٥ بسعود بسبب انه درجة F بسعود لها نقاط بالمعدل التراكمي ، هذي الطريق؛ الي تقيم عليها اغلب الجهات (اذكر مسك بس الي حاطة معادلة للتحويل و غلط عليهم)
اسم الجامعة له اهميته.