السلام عليكم ورحمة الله وبركاته
يا شباب الهيئة قبل شهر تقريبا فتحت برنامج لحديثي التخرج من الاقسام الهندسية عبارة عن برنامج تدريب صيفي مدته شهرين في الهيئة الملكية بينبع
انا حاب اسالكم هل في احد قد ادرب هناك وهل راح يفيدني كخريج او لا مع العلم اني متخرج قبل سنة وكم شهر
1 Like
ممكن ترسل لنا الرابط ؟؟
أول مرة أسمع عن شيء زي كذا
الرابط لا هنت
للعلم يا شباب
التسجيل انتهى واسماء المقبولين تم الاعلان عنها قبل كم يوم
الي مهتم بنشاطات الهيئة يتابعهم بتويتر
كل شي يسوونه يكتوبه بتويتر
حتى أنا انقبلت, ياليت أحد يفيدنا ي شباب بمدى قوة البرنامج وهل استفادوا اللي تدربوا قبل؟
ياليت اللي عنده علم عنها يفيدنا
السلام عليكم ورحمة الله وبركاته …
انا اخت التدريب الصيفي 2014 في الهيئة الملكية في ينبع حطوني مع شركة بارسونز في قسم المشاريع …" تعتبر هي المستشار الرئيسي للهيئة الملكية في الجبيل وينبع "
اعطوني جدول امشي عليه " اخت روتيشن على جميع الاقسام … Residential , ,Utility ,Industrial and Design …
التدريب كان جدا ممتاز …والجميع كان متساعد …فيه طلاب من جميع الجامعات …فيهم اللي اخد تدريب صيفي وفيهم اللي كان تعاوني …
كان موفرين لنا سكن … ومكافئة شهرية 2000 ريال …
الداوم من 7 الى 4 …
بالتوفيق للجميع
2 Likes
الإعلان نزل قبل فترة تقريبا قبل شهر ونص , على العموم هذي تفاصيل البرنامج مثل عدد ساعات التدريب و محتويات البرنامج
http://apps.saudieng.sa/Forms/Docs/برنامج%20تأهيل%20حديثي%20التخرج1.pdf
االبرنامج جدا ممتاز …
العام الماضي كان فيه نفس الاعلان … وكانت عليه رسوم …وغالي
السنة هدي مدعوم من الهيئة … خطوة ممتازة …
والساعات التدريبية كثيره … وان شاء الله الملتحقين بالبرنامج يكتسبون الفايدة منه …
صراحة برنامج جيد … فاتتنا للأسف
هل تقدم هيئة المهندسين دورات تدريبية زي هذا في غير الصيف ؟؟
اي فيه برامج تدريب و دورات
لكن مافي موعد معين للأعلان عنها فحاول تتابع حساب الهيئة على تويتر وتنضم للهيئة عشان تسنفيد.من مميزات العضوية
الانضمام ممكن للطالب ؟؟ … والا لازم يكون خريج ؟؟
كم تأخذ إجراءات العضوية ؟؟
لا…لازم يكون خريج …بالنسبة للعضوية تاخذ لها كم شهر عشان يتأكدوا من معلوماتك
اخوي مدري بس يمكن انت تقصد التدريب الصيفي المتطلب من الجامعة او الكلية عشان تتخرج …مو هذا البرنامج اللي احنا نتكلم عنه للخريجين… صح ولا لا؟ …لانه مافي احد اتكلم عن مكافأة او شي …واللي فهمناه ايضا … انه التدريب يكون في الكلية الصناعية او التقنية او المعهد الصناعي … مايكون داخل شركات… ياليت تأكد لنا الله يعافيك
صحيح انا تكلمت عن التدريب الصيفي المتطلب من الكلية عشان التخرج…
بالنسبة للبرنامج اللي تتكلم عنه …مختلف عن التدريب الصيفي …
هو عبارة عن برنامج تدريبي مكثف … مثل برنامج اعداد الخريجين …اللي تقدمه هيئة المهندسين …
لكن الجهه المنظمة راح تكون كلية ينبع الصناعية … وفي الغالب راح يعتمدون على المناهج اللي تدرس في الكلية الصناعية …بشكل مكثف
ان شاء الله يكون فيها شهادات معتمدة …
بالتوفيق للجميع
1 Like
بالنسبة للبرنامج … متوفر فقط في الصيف صح ؟؟
هل تقدم هيئة المهندسين برامج مشابهة في غير وقت الصيف (يعني في وقت الترم الأول مثل) ؟؟
اخوي المكافأة من هيئة المهندسين؟! لا باعلان البرنامج ماقالو اي شي عن المكافأة
سمعت من بعض الشباب ان البرنامج مره ممتاز وان شاء الله يكون لنا نصيب فيه
المشكلة انه لابد يكون في الصيف