السلام عليكم
سويت مقابلة مع شركة اركاد وتخصصي علوم كمبيوتر، وانشالله انهم بيقبلوني قالو بيكلموني بعد كم اسبوع. وقال الي سوى معي المقابلة اني راح اتوظف في مقر الشركة هنا اسبوع وبعدين راح اروح لكامب عريعرة على طريق الرياض. السؤال كيف رواتبهم، وكيف الشغل في الكامب بما اني في قسم الاي تي؟؟ ومستغرب اني اي تي وبيودوني هناك.
شكرا
حياك الله
تبي نصيحتي
لا تفوت الفرصه الشركه هذي تعتبر قويه ولها اسمها بالسوق
وانت مثل تخصصي وترى الشغل بالشركات هذي بتعطيك خبره حلوه وبتكون قويه بالسي في ، واذا ماعندك خبره قبل حلو انك تبدا بشركه قويه مثل اركاد ، استخير رب العالمين ، وشوف عرضهم واكيد بيكون العرض كويس بحكم انك بتداوم بالكامب يعني في مسافه .
الله يوفقك وييسر لك امرك ويختار لك الي فيه الخير
1 Like
الله يوفقك و ييسر امرك … حبيت اعرف شلون قدمت عليهم؟ عن طريق الاميل ولا رحت لمقرهم ؟
و عليكم السلام
أخوي انا اعرف واحد مهندس ميكانيكي جا له عرض منهم قبل 6 شهور و كان في نفس المنطقة (عريعرة). الراتب اللي جاه فل بكج 10,800 ريال تقريبا, و الدوام 10ساعات في اليوم لمدة 6 ايام في الاسبوع و يوم الجمعة فقط الاجازة. لاكنه ما دخل معهم بسبب ظروفه الخاصة.
أتمنى اني افدتك
1 Like
طريقة التقديم لا هنت
ان شاء الله يقبلوك وتتوظف بس نصيحة لا تتحمس واستمر بالبحث عن وظايف يا كثر الي يقولو رح نتصل ويكلموك بحماس تحس انك خلاص توظفت وبعدين لا حس ولا خبر
1 Like
كلموني اليوم ورحتلهم، وعرضهم ٦٧٥٠ فل بكج من غير خصم التامينات، والوظيفة في الكامب ولا يعطوني سيارة معطيني بدل مواصلات. والدوام ١٠ ساعات وماعندي الا يوم الجمعة اوف. عرضهم مره قليل وبايخ. المهم اني وقعت على الاوفر عندهم وقبلته ولا كنت ادري اني اقولهم يعطوني فرصه افكر المهم الحين لو غيرت رايي اقدر اقولهم اني ماعاد ابي عرضكم. لني والله محتاار للحين وخايف مالقى عرض وظيفي ثاني لان لي سنه متخرج ولا وتوظفت محتتتتتتتتار الربده
كويس انك قبلت العرض لأنك ماراح تخسر شي اذا ماعندك فرصة غيرها…
عند بداية التوظيف راح يكون هناك فترة تجربة وتكون مدتها ثلاث شهور وبعض الشركات ستة شهور…
وفي خلال هذه الفترة تقدر تترك الشركة متى ماتبغى…
كويس انك قبلت العرض لاسباب:
1-ممكن تفتحلك باب اخر ماتعرف عنه شي
2-ممكن تكون علاقات
3-ممكن تكون خبرتها ممتازة لك( وبانسبة لي هذه اهم نقطة اذا فيه شغل حقيقي ويفيدك بخبرتك حاول انك ماتنظر للعرض المادي الى ان تاتيك فرصة افضل)
تحياتي
ارسلت على ايميلهم الي في الموقع، وبعدها رحت لهم ودخلت على قسم الاي تي و سالتهم اذا عندهم وظايف وعطيتهم السي في وبعد كم يوم كلموني وسويت المقابلة معهم
بس وانا اخوك اذا جلست معهم كم شهر وعقبها ما اعجبني الوضع اقدر اقدم استقالتي اي وقت ؟ وهل هذا بيضرني اذا جيت اسوي مقابلات مع شركة ثانيه او شيء يعني ماراح يسالوني ليه طلعت.
شف ي بطل
انا قبل فتره كنت عاطل وكنت اروح مقابلات واحس كانت تنقصني الثقه كثير …
وجاتني وظيفه براتب قليل جدا
لكن صرت ادخل مقابلات واحس الثقه زادت عندي كثير
خصوصا مع الشغل صرت بالمقابله اتفلسف عليهم وصارت عندي امور اقدر اتكلم فيها بالمقابله ،
نصيحه اخويه اقبل فيها الراتب هذا مقابل الخبره بالشركه افضل من الجلسه بالبيت . اسال نفسك جلسة البيت
مامنها اي فايده !
لكن لما تشتغل راح تعرف طبيعة العمل بالشركات وكل شهر تعدل بالسي في شوي وتضيف اشياء تشتغلها افضل .
صدقني من واقع تجربه الشركات تبحث عن الخبره اكثر من فهمك للتخصص . < وجهة نظري
استخير رب العالمين … ولما تجيك فرصه اقوى قدم استقالتك وتسهل
انا لما كنت عاطل راحت علي فرص كثير بسبب ان الراتب قليل
والحمدلله ع كل حال ، وكل شهر يمر عليك فهو يحسب خبره
الاستخاره قبل كل شيء
مبروك وعسى الله يوفقك
تقدر تقدم استقالتك في فترة التجربة في اي وقت…
راح يسالونك في المقابلات ليش تركت الشركة لكن برضه راح يسألونك ليش انت لك فوق سنة ما انت متوظف…
راح تنسأل عن هذه الفترة…
انا دائما اسأل نفسي ايش هي افضل فرصة لي في الوقت الحالي(اسأل نفسك هذا السؤال)…
بالنسبة لسؤالك هل اقدر اتركهم بعد ماوقعت العرض؟
ايه تقدر لان هذا يعتبر فقط عرض عمل وماهو عقد عمل. عقد العمل راح توقع عليه اذا باشرت العمل…
السلام عليكم
هلا اخوي انا جاني عرض من اركاد نفسك تقريباً بس الدبرتمنت يختلف انا procurement coordinator ووقعت على العقد وقالولي اسبوعين الى شهر بتدرب في الخبر وبعدها بتروح عريعره نفسك تقريباً و٦ ايام في الاسبوع دوام ، السؤال ياصاحبي كيف الكامب الي في عريعره كويس السكن فيه ؟ هل فادك من ناحية الخبره ؟ انا من سكان الحساء تنصح اسكن في الحساء ولا عريعره ؟ ابيك تعطيني انطباعك بشكل عام عن الكامب في عريعره لا هنت
1 Like