أنا أبي أطلع رخصة قيادة بس عندي كم استفسار وأتمنى ألقى جوابها عندكم.
- أولاًًً بالنسبة للكشف الطبي، أبي أعرف هل أنا أروح المستشفى وأطلب منهم كشف رخصة؟ أو لازم أروح للمرور أول وآخذ منهم نموذج الكشف ثم أروح للمستشفى وأسويه؟ متلخبطة عليّ السالفة.
أيضاً شفت على هذا الرابط MOI Support أن جامعة الملك فهد من ضمن العيادات المعتمدة في نظام افادة، فهل هذا يعني إني أقدر أروح لهم ويسووا لي الكشف؟
- ثانياً بالنسبة للاجراءات أبي أعرف من اللي طلع رخصة من قبل وش هي الاجراءات من إلى وبالتفصيل الممل؟ أنا قرأت عن المتطلبات بس ودي أعرف أكثر.
- الشيء الأخير هل صحيح لازم أروح المرور في البداية وآخذ منهم نموذج أو شي زي كذا بعدين أروح لمدرسة القيادة؟
1- تروح المرور (هم نفسهم موجودين في مدرسة القيادة) تاخذ نموذج الفحص الطبي ونموذج ثاني تعبيه
٢- تروح عيادة الجامعة وتسوي الكشف
٣- ترجع للمرور اللي في مدرسة القيادة وتسلم كل اوراقك بدري (روح بين ٧ و٨ الصباح) لو تأخرت ما بياخذوا الاوراق
٤- لو تجديد رخصة بيعطوك الثانية خلال نص ساعة
٥- لو اصدار بيحولوك للمدرسة تخلصها بعدين تختبر ويعطوك الرخصة