السلام عليكم ورحمة الله وبركاتة حبيت افتح موضوع بخصوص (خريجي كليات التقنية بكالوريوس في الهندسة) وايضا التخصصات الاخرى في جميع انحاء المملكة وايضا (كلية المدربين التقنيين بالرياض). اتمنى ان شاء الله اننا نفيد ونستفيد من بعض لان مالقيت موضوع او منتدى يتكلم عن خريجي هالكليات. عشان مانطول نبدا على بركة الله في صلب الموضوع:
اولا انا خريج من كلية المدربيين التقنيين من الرياض بكالوريوس في قسم الهندسة الميكانيكية تخصص إنتاج والمسمى لنا ع حسب الهيئة السعودية للمهندسين انه (مهندس تقني).
ياليت اللي عنده خلفية او يعرف احد يجاوب على هالاسئلة اللي كل خريج من هالكليات يتمنى يلقى لها اجابات. 1- هل خريجي كلية المدربين التقنيين وكليات التقنية مطلوبين بالشركات وماهي اكثر الشركات اللي تطلبهم؟ 2- ماهو مسمى الموظف او الوظيفي من هالكليات في الشركات؟ 3-ماهي المميزات للموظف اللي شهادته من هالكليات هل يعامل مثل خريج الجامعات او يختلف؟ 4- على اي قريد يتم توظيف خريج هالكليات؟ 5- الراتب كم الاساسي + البدلات؟
هذا اللي في بالي الان واللي عنده اي استفسار او اسئلة ممكن يسال ويناقش واتمنى من لديه خلفية او اجابة عن هالموضوع يفيدنا وراح يفيد ناس كثيره مثلي محتارين والله يوفقكم ويوفقنا ويرزقنا وياكم
1- هل خريجي كلية المدربين التقنيين وكليات التقنية مطلوبين بالشركات وماهي اكثر الشركات اللي تطلبهم؟ نعم مطلوبين زيهم زي مهندسين العلوم 2- ماهو مسمى الموظف او الوظيفي من هالكليات في الشركات؟ مهندس 3-ماهي المميزات للموظف اللي شهادته من هالكليات هل يعامل مثل خريج الجامعات او يختلف؟ كل الشركات ماتفرق بين مهندس التقنية والعلوم عدى شركة شلمبرجير ماتوظف مهندس تقنية وشركة الكهرباء تعطي نفس قريد مهندس العلوم 48 لكن راتب اقل 4- على اي قريد يتم توظيف خريج هالكليات؟ حسب الشركة مثلاً شركات الكونتراكت مع ارامكو تعطيك مساعد مهندس قريد 10 5- الراتب كم الاساسي + البدلات؟ حسب الشركة
الاجابات للهندسة التقنية من كليات التقنية فقط اما كلية المدربين ماعندي علم …
أعتقد أنه عندكم فرصة جيدة لتعمل كمدرب في المؤسسة العامة للتدريب المهني (الكلية التقنية و المعهد الصناعي…الخ)
ورواتبهم ممتازة تقريبا 10000-12000 و هي وظيفة شبه حكومية
نحن كمهندسين كميائين ينطيق علينا وصف مهندس انتاج (production engineer) فلعل في الشركات تحسب كمهندس كيميائي
هلا اخوي way to aim بالنسبة لفرصة العمل كمدرب بالمؤسسة العامة للتدريب المهني صارت شويه فيها تعقيدات وصعوبة ومفاضلة بين المتقدمين مو اي احد يقدر يدخلها بسهولة مثل اول مع اني اتفق معك ان رواتبها مثل ماذكرت, الله يوفقك كونك مهندس كيميائي عندك فرص ان اشاء الله اكبر بالشركات الكبرى بالتوفيق لك
السلام عليكم
انا خريج كلية تقنية تخصص ميكانيكا انتاج، عملت عدة مقابلات والشركات ماكانت تدقق من وين متخرج بقدر حرصها على ادائك اثناء المقابلة(اللغة-والثقة في النفس) واذا كانت عندك خبرة هذي تزيد السيرة الذاتية مفعول سحري
انا انهيت الدراسة في كلية التقنية بكالوريوس الكترونيات وتحكم وحالياً اطبق في شركة من شركات سابك Instrument Engineer.و من ناحية المعاملة جميع من في الشركة يعاملوني كمهندس بدون تفرقة.
وفي بأحدى شركات سابك منجر خريج هندسة من تقنية الرياض لكن دفعة قديمة جداً,
على طاري التعقيد
كان لي طموح أني أكون مدرب في الكلية التقنية أو أي كليلة لاني أحب التدريس
فقدمت على المؤسسة العامة للتدريب المهني
و لكن ما تنطبق علي أحد الشروط و هي أن يكون حاصل على مرتبة الشرف تقدير جيد جدا ( المعدل الي أقل من 25% فقط هم من يحصلون عليه من جامعتنا -البترول-)
مع أن التوظيف كان على مدرب في سجن عرعر أو حائل فما أدري ليش طالبين مرتبة الشرف ؟؟
ماشاء الله اشكرك اخوي محمد ع الاضافه المفيده،، عندي بعد اذنك سؤال
وش طبيعه الاسئله في مقابلاتك الشخصيه مع الشركات اللي سويت فيها مقابله هل هي بس اسئله عامه او تكنكل في التخصص وهل المقابله بالانقلش ولا بالعربي؟
ي ليت تلخص لنا تجربتك مع اللي سويت معهم مقابلات من اسم الشركه نوع الاسئله التدقيق اللغه ومن هالقبيل ويكون مرجع لاي احد يبي يستفيد ومتخرج والله يرزقك ويوفقك ان شاء الله بالوظيفه اللي تتمنى
ماشاء الله تبارك الله الله يوفقك يبوسعود تستاهل الحمدلله انه مافي فرق بينا وبين المهندسين من جامعات اخرى ي ليت تطرح لنا تجربتك اخوي ابوسعود في المقابله الشخصيه مع سابك نوع الاسئله تكنكل ولا عامه ع السي في واللغه الله يوفقنا وياك وتكون ايضا مرجع للي حاب يستفيد والله يكتب اجرنا واجركم
الله ييسر امرك ان شاء الله لا توقف وصدقني خيره لك والله يوفقك بالوظيفه اللي افضل منها واتفق معك ان بعض الشروط تعجيزيه عشان الناس تتحطم وتكنسل الوظيفه لكن الرزق بيد الله وراح تلقى نصيبك بافضل منها ان شاء الله بالتوفيق لك
انا تخرجت في رمضان من الكليه التقنيه هندسه كهربائيه
وتطبيقي كان في شركه سابك
باقي ثقافه انو الكليه التقنيه اقل مرتبه من الجامعات ولكن انا الي شفت انو مخرجات الكليه التقنيه لا يستهان بها
شركه سابك هي الشركه الوحيده الي تعطي الكليه التقنيه حقها وتوظفهم وتساويهم بالجامعات.
في يوم المهنه السابق قدمت ع جهه حكوميه وناسيها والله قال لي الكليه التقنيه مانقبل لانو ماقد مرت علينا ولا نعرف نعرف سلمها الوظيفي
هذي هي المشكله انو المؤسسه العامه مهمله في ترويج هذي الشهاده والسبب الاكبر عدم االاعتراف بنا في وزاره التعليم
انا يوم طبقت في سابك واجهت اشخاص يقولون فيه بكالوريس في الكليه التقنيه؟؟
وهذا هو الحال في اغلب الشركات مع اني متخرج بممتاز مع مرتبه الشرف سويت مقابله في شركتين فقط
هذا ماحبيت اشارككم فيه وسلامة الجميع
واسال الله العظيم ان يوفقنا جميعاً ويرزقنا مانتمنى
السلام عليكم اشكر الاخ Turki1 على طرح الموضوع للاستفاده وفعلا محتاجين لمثل هالموضوع لحالتنا مع كليات التقنية وكلية المدربين بالرياض ولي رجعه ان شاء الله هنا ومتابع معكم التطورات واشكر الاخوان اللي افادونا بطرحهم
انا احد خريجي كلية المدربين الدفعه الاولى تخصص انتاج ميكانيكي، كنت اشتغل مدرب في الكلية التقنية و قدمت استقلتي من عندهم و رحت بعدها شركة يابانيه اسمها كابوتا اشتغلت شفت سوبرفايزر ، و بعدها طلعت من عندهم و رحت شركة الكهرباء و طلعت من عندهم و انا حاليا شغال في الهيئة الملكية، جاني عرض قبل فتره من صداره و لكني رفضته بسبب كرهت كثرة التنقلات و الحمدالله مرتاح بالهيئة الملكية، والراتب ماكان يفرق كثير.
انا اللي لاحضته اغلب الشركات اذا مو كلها يجهلون كلية المدربين التقنيين او بكالوريس الكلية التقنية و لا عندهم اي فكره عنها، و لهذا في اي مقابله شخصيه لازم تكون مجهز كلام عن الكلية الانهم راح يسألونك عنها. انا مالاحضت اي تفرقه بيني و بين خريجي الجامعات الثانيه، و حتى في شركة الكهرباء كنت على قريد 48 pdp و هو نفس قريد الجامعات الثانيه باختصار الشهاده تدخلك على مقابله شخصيه فقط ، و مهاراتك و معلوماتك هي اللي تخليك تجتاز المقابله او لا، و بما ان الشركات ما تعرف شهادتك لازم انت تروح بنفسك و بطريقتك تقنعهم يسون لك مقابله او تكون السيره الذاتيه مميزه.
الله يوفقك اخوي ostron اعجبتني ملاحظتك وكلامك (“باختصار الشهاده تدخلك على المقابله الشخصيه فقط، مهاراتك ومعلوماتك هي اللي تخليك تجتاز المقابله او لا”)
وايضا كلامك (" الشركات ماتعرف شهادتك لازم انت تروح بنفسك وبطريقتك تقنعهم يسون لك مقابله او تكون السيره الذاتيه مميزه")
فعلا اشكرك ع هالتنبيه
ماشاء الله تبارك الله،، الله يوفقك خريج من كليتنا ونفس التخصص وعندك خبره في كذا مجال انت كنز ومراح نخليك ههههه ي ليت لو سمحت ناخذ من وقتك شوي ونستفيد من تجاربك اللي مريت فيها ويكون مرجع للشباب الجدد الي تو تخرجوا
اسئلتي كالتالي
1- سبب استقالتك كمدرب من الكليه التقنية هل هي اسباب البيئة ام العمل او الراتب او المميزات او عدم وجود تطوير ودورات للمدرب اما اذاا كان السبب شخصي ف اعتذر ع السؤال؟
2- هل تنصح الخريجين يتجهوا الي التدريب سواء بالكليات التقنيه او بكليه المدربين بالرياض او يتجهوا الي الشركات؟
3- الهيئة الملكية كيف قدمت عليهم ويا ليت تذكر لنا المقابله الشخصيه الاسئله وش يركزون عليه تكنكل ولا عام هل الانقلش مطلوب ولا بالعربي وهل فيه موظفين كثير من كليتنا بالهيئة؟
واسف ع الاطاله والله يرزقك ويرزقنا جميع باللي نتمنى
1- سبب استقالتك كمدرب من الكليه التقنية هل هي اسباب البيئة ام العمل او الراتب او المميزات او عدم وجود تطوير ودورات للمدرب اما اذاا كان السبب شخصي ف اعتذر ع السؤال؟
لاسباب شخصيه, ثم المميزات و الراتب.
2- هل تنصح الخريجين يتجهوا الي التدريب سواء بالكليات التقنيه او بكليه المدربين بالرياض او يتجهوا الي الشركات؟
والله كل شخص حسب رغبته, انا اشوف ان العمل في الكليات التقنية فيه ميزه مهي موجوده باي مكان , اللي هي انك تكمل ماجستير و هذا الشي نادر تحصله بشركات و ان وجد راح يكون صعب , و لا تنسى كل الشركات الكبيرة من ارامكو و سابك و شركة الكهرباء , عندهم قسم تدريب ايضا هذي فرصه حلوه ان الواحد يشتغل في مجال التدريب في الشركات , و انا اعرف اثنين استقالو من الكلية التقنية و اشتغلو في مجال التدريب في الشركات… و العرض اللي جاني من صدارة كان في مجال التدريب تخصص ميكانكيا.
3- الهيئة الملكية كيف قدمت عليهم ويا ليت تذكر لنا المقابله الشخصيه الاسئله وش يركزون عليه تكنكل ولا عام هل الانقلش مطلوب ولا بالعربي وهل فيه موظفين كثير من كليتنا بالهيئة؟
انا قدمت عادي قبل تقريبا سنتين و نص, القسم اللي انا مقدم عليه هو نفسه اللي سوو معي مقابلة, و كانت مقابلتين و اختبار ورقي, المقابله الاولى تكنكل بحت , و اسالوني عن الميكانيكا بشكل عام و الاختبار الورقي كان اغلبه حسابات و تختار الاجابة الصحيحية , ما وجهت صعوبه بالاختبار حمد الله , و المقابله الثانيه كانت مع مدير ادارة القسم و كانت بسيطه عبارة عن اساله عامه مثل شنو طموحك ليش عندك اصرار ان تشتغل عندنا ( الاني ارسلت لهم ايميل اطلب على الاقل مقابله) … الخ.
بس الوضع الحين اختلف شوي , الان هيئة المهندسيين السعوديين هي اللي راح تكون مسئوله عن اعداد اختبارات القبول في الهيئة الملكية.
و معليش على التاخير برد بسبب انشغالي في السفر.
و بالاخير التوفيق من الله اولا ثم مجهود الشخص نفسه , عسى الله يوفقكم جميعا.
أشوف لو تسوي فيديو تعريفي بسيط تتكلم فيه عن الكلية وكم هي مخرجاتها توافق متطلبات السوق ومنها يكون عرض سريعة للغتك الإنجليزية وتقطع شوط كبير على موظف الموارد البشرية ، واذا عندك حساب بـ بيت.كوم راح تلقى خيار آخر الصفحة الشخصية فيه إمكانية ارفاق فيديو.
خريجو التقنية يواجهون تحدين:
1- تبعيتهم لوزارة العمل والتنمية
2-مستوى تدريس مادة اللغة الإنجليزية