كنت اتقهوى مع واحد اماراتي شغال بشركة في الامارات مثل سابك لهم مكتب خارج الامارات
المهم تكلمنا عن المهندسين الوطنين ومن ضمنها الرواتب والمميزات في البلدين وجدت رواتبنا طفسات امام رواتب المهندس الاماراتي
بعدين ارجل قلي اقوا راتب خريج هندسة هو الحفار!
انا مااستوعبت!
قلت له ممكن الاماراتي يعطونه كذا علشان الدعم والتوطين
قال لا
واعطني امثلة ومن ضمنها مهندس من الدولة الشقيقة الكبرى مصر راتبه مثل الي بالعنوان ووميزات له ولاطفاله اعتقد الي بقريد 20 بارامكو ماياخذ ربع مميزاته
الباشا مهندس زعل
عيال زايد مازودوه ولا جنيه
يحلف الرجل ان الباشا قدم استقالة
وراح دولة ثانية خليجية
سؤالي موجه لكم بحكم انكم مكمن المعرفة بعلوم البترول
1.ايش اسامي الشركات الي بسعودية الي تطلب حفارين
2. ايش الدرجات الوظيفية الي يمر فيها الحفار حتى يصير مثلا مدير الحفارين لو مسمى اعلا قريد في الحفر
3.كم اقل راتب حفار في السعودية وكم اعلى راتب
لا تقارن رواتب السعودية بباقي دول الخليج والسبب ببساطة: نسبة الثروة الى المواطنين، الامارات نفطها اقل مننا لكن في المقابل مواطنيها ما يجوا ربع مواطنين الرياض. نفس الشي في قطر لكن غاز بدال ما هو بترول، والكويت عندهم ثاني أكبر حقل نفطي بالعالم ومواطنيهم مليون وميتين الف بس! آتوقع حي الصفا في جدة فيه أكثر.
طبعا مو تقليل من اخوانا الخليجيين، الله يزيدهم من خيره، لكن لازم نستوعب أن الشغلة مو كرم منهم أو بخل منا، الشغلة ديموغرافية طبيعية فقط! (نتساوى في كل المشاكل الثانية اللي تؤثر على دخل المواطن)
كلام صديقك غير منطقي اطلاقا … من المستحيل انه الحفار ياخذ هالمبلغ شهريا …
+
الحفار بالعادة تكون شهادته اقل من بكالريوس … يعني دبلوم او صاحب كفائة …
ممكن صاحبك يقصد drilling engineer …
وحتى لو كان drilling engineer اعتقد انه صعب جدا ياخذ هالمبلغ شهريا الا لو كان له باع طويل بحفر الابار وحطيت كل رواتبه بدلاته وبونصاته السنوية ويدل المعيشة وقسمتها على ١٢
الراتب المذكور مبالغ فيه و لكن ممكن مدير في مثل هالشركات يستلم هالمبلغ بما ان له مميزات خاصة و نسب أرباح … وظيفة الحفار لا تتطلب شهادة معينة حتى ابتدائي ممكن يشتغلها ما يهم هو اللغة الانجليزية و خبرته في مجال الحفر يعني يعرف كل شي من تحت الحفارة الى ما هو جالس فوق يعني لازم يمر بكل المسميات الوظيفية للحفر و يبدأ من الصفر الى أن يصل للحفار و ممكن أعلى و رواتبهم في السعودية تتراوح من 25 الف الى 50 الف و الله اعلم … الحفار مسؤولية كبيرة لأن اي غلط ممكن يفجر لك الرق و يعرض الآخرين للخطر
الزميل ابو خلدون
اختلف معك الموضوع اكبر من شماعة الديموغرافية ولا يتحمل هالمتصفح دخول في نقاش صريح عن الاسباب!
في زميل قبل شهر طرح موضوع طالب ماستر بالبترول كهرباء,محتار يشتغل بعرض وظيفي ب3500 ريال
لايكون سبب العرض عدد سكان غليل اكبر من ابوظبي!
لن تتجرء شركة او مؤسسة في الكويت الامارات قطر بتلويث كرامة شخص المهنية بعرض مهين!
وفي الجعبة حلول ونقد لكن اكتفي بهذا لأسباب!
ولك مني كل الود
توضيح
الي اقصدة بحفار, مهندس بترول يتخرج ويتعين في اعمال الحفر ويترقى في عملة ويأخذ دورات متخصصة في تكنولوجيا الحفر
مثل مهندس البترول الاماراتي يدخلونه في معهد متخصص ويكون له برمامج تدرج ومتابعة,يعني موب مثل دروشة شملجير في بعض الاقسام اجيب المهندس واخليه ينظف بحجة ان المهندس مايصير كبير مهندس محفرين الا بعد التنظيف
بخصوص 240 الف هذا له خبرة 20 سنة وشغلة موب حفار ابو شهادة ابتدائي الردجل مهندس ويملك خبرة
بخصوص الرواتب والمميزات انا مثلكم لم اصدق لكن بعد غربة سبع سنوات واحتكاك بشركات خليجية وانا ماقلت امريكية!
لهم مميزات خيالية
مثال شركة بروج الاماراتية
اذا انت شغال معهم في الصين مثلا وعندك طفل (5 الى18 سنة )يدفع رسوم سنوية ل التلميذ بما يبلغ مجموع رواتب مهندس جديدفي ارامكو لمدة سنة!
الي ابي اقوله في رواتب ومخصصات للمهندسين الخليجين خيالية
كل مافي الامر شركات الفلس وشركات المقاولات وغزارة مهندسي دول العالم الثالث عندنا خلتنا موب مستوعبين هالرواتب
اتفق معك تواجد شركات الفلس عندنا وتجرأها بعروضها التافهه عالمهندسين السعوديين دمر سوق العمل ،، وليت مهندسي العالم الثالث في راسهم شي ،، كل اللي تعلموه هنا وبالاحتكاك مو علم جامعه ،،
وبالنسبة لعذر المساحه فمثل ما قالوا الفلوس موجودة لكن ما من دبره
المهندس في قطر يستلم 60 الف وخبرته ولا شي
لكن شوف يستلم تقريبا بدل سكن سنوي 200 الف ريال قطري
لكن بالموت تجيب له سكن اجار الاسكان هناك السنوي حدود 220 الف ريال قطري
مش بس عدد المواطنين ترا المعيشه هناك من اجار وغيره اغلى بكثير من هنا
لا مبالغ فيه وبقوه حتى لو خبره 20 سنه
مافهمت عليك تقول حفار وبعدين تقول لا مهندس وبعدين تقول مهندس حفر
وللمعلومية ال Drilling engineer صعب وشبه مستحيل يوصل لهالراتب وخصوصا ان مهندس الحفر يعتبر ديزاين حاله حال اي مهندس ديزاين بأي تخصص بالعالم، شغله 8 ساعات على مكتب مع بعض الزيارات لموقع العمل
اتوقع انك تقصد انه حفار وهذا راتبه سنويا وبكذا معقول
ممكن لو قلنا company man ممكن، لكن يضل كثيييير الكومباني مان يخبره 20 سنه 230 الف دولار سنويا تعتبر كافيه جدا عليه، يعني يطلع ربع الراتب المذكور
برضو ممكن يكون directional driller يعني أخصائي حفر اتجاهي لكن برضو يعتبر الراتب كثير عليه ولا يحلم فيه
انت تقول 240 الف قاعد تتكلم عن 3 ملايين سنويا
وترا كلهم الكمبني مان عمله إشرافي فقط يعني ممكن يمشي الشغل من دونه
والحفار ومهندس الحفر مع احترامي ترا الحفر ماهو اختراع بالعكس شي بسيط لكن مو شرط سهل
يااخي وش عندها الإمارات مع احترامي رح شوف الشركات العالميه مثل Transocean ولا Ensco ولا Maersk Drilling النرويجيه أو sinopec الصينيه
شركات فيه منها اللي سوا معهد كامل عشان 20 موظف وفيه من هالشركات اللي شرا أسطول هليكوبترز عشان يوصلون الموظفين وطبيعي تطلع رحله عشان موظف واحد فقط!!
مع هذي القوه كلها ماوصلت رواتب موظفيها لهذي الأرقام ولا حتى النص لأنه اصلا الشغله ماتسوى كل هالراتب
لاتاخذ الموضوع شخصي لكني قريب من الوضع لكن المشكله اشوف شباب كأنهم اقتنعوا ودب الهم والغبنه بداخلهم وان بلدهم مايوفر لهم هالرواتب الضخمه
لو مسمى اعلا قريد في الحفر
