السلام عليكم ورحمة الله وبركاته
دائماً اسمع ان رواتب تخصص الهندسة المدنية هي الاقل مقارنة بباقي التخصصات الهندسية!
هل فعلاً هذا الكلام صحيح؟
ماهو متوسط رواتب المهندسين المدنيين؟
أعتقد يعتمد على نوع البزنس و ليس المسمى الوظيفي.
الصحيح ان بنزنس ال(construction) عندنا في المنطقة رواتبه ضعيفة- ككل و ليس المهندس المدني فقط- ممكن عشان كذا سمعت ان الرواتب ضعيفة.
3 Likes
يعتمد عالشركة والمشروع(نفط وغاز، فلل سكنية، مترو … الخ) واحيانا المنصب(تصميم، موقع … الخ).
عموما الراتب لواحد توه متخرج بدون خبرة ممكن يكون ٧٠٠٠ وممكن ١٤،٠٠٠ (ما حطيت ارامكو وسابك وشلمبرجير بالحسبة) ولو برمي متوسط رواتب تقريبي بقول بين ٩ و١١ ألف لكن وضع السوق سيئ الان للجميع لكن تنفرج قريب ان شاء الله.
4 Likes
يعني أتجنب في المستقبل الـكونستركشن؟
طيب كثير تخرجو فرش براتب تقريباً 6000 أو 5500 !
بالوضع الحالي ممكن تلقى أقل من كذا لكن لا تبني تصورك على الوضع الحالي فقط, المقياس الصحيح انك تبني تصورك على الوضع العام والأقرب للديمومة.
حتى بالوضع الحالي رغم سوءه في طلاب سيفل جتهم عروض ب 10,000 وأعلى وفيه عروض بالرقم اللي أنت ذكرته.
أما بخصوص انك تتجنب الكونستركشن ترى الغالبية العظمى من طبيعة عمل السيفل كونستركشن ومش بالضرورة رواتبها قليلة يعتمد عالعوامل اللي ذكرتها لك سابقا بالاضافة لحجم المشروع.
الهندسة المدنية جزء لا يتجزأ من التنمية خصوصا بدولة مساحاتها شاسعة وغير مستغلة وينقصها الكثير من المشاريع الحيوية مثل المترو + وحدات سكنية + منشئات ومرافق عامة تخدم النسمة السكانية المتزايدة وقس على ذلك بقية المشاريع.
وقبل هذا كله لا تبني اختيارك للتخصص على الراتب فقط( اتفق انه عامل مهم لكن أغلب التخصصات الهندسية رواتب الفرش متقاربة الى حد ما) فشف ميولك + توجه الدولة بالاستثمار والتنمية والتخصصات المطلوبة لنجاح هالتنمية ومنها تقدر تتوقع احتياج سوق العمل للتخصص اللي بتدخله + طبيعة العمل(المهندس المدني خصوصا في بداياته يوقف تحت الشمس كثير لو اشتغل بموقع عكس مثلا التخصصات المالية والادارية).
2 Likes
لكن الرواتب الممتازة أو حتى المقبولة تكون في القطاع الخاص والقطاع الخاص ليس فيه غير بن لادن وأوجيه للمهندس المدني تقريباً!
الحكومي رواتبهم مسخرة …
Up
اتمنى من خريجي الهندسة المدنية أن يفيدوني , من ناحية فرص التوظيف والراتب؟ وهل يقتصر على القطاع الحكومي بشكل كبير؟
روح لقسم الهندسه المدنيه
انا مهندس مدني راتبي فوق الـ ١٠٠٠٠
هي تعتمد وين متوظف بشركة او مؤسسة حكومية او هيئة (لهم سلم رواتب خاص لكل جهة ) او وظايف الخدمة المدنية ( القطاع الحكومي … سلم الوظائف الحكومية العادي ) …الخ
انا من خوياي اللي تخرجوا معاي منهم اللي نفس راتبي ومنهم اللي اقل بكثير …
اهم شي يكون معدلك و لغتك كويسين
الله يوفقك … اي سؤال انا بالخدمه
1 Like
السلام عليكم ورحمة الله وبركاته …
حسب المكان اللي مقدم عليه … راجع مواضيعي كتبت فيها ارقام ان شاء الله تعجبك 