معكم طالب خريج من جامعة الامير محمد بن فهد تخصص اتش ار مع مرتبة الشرف وكل دراستنا باللغة الانجليزيه …
سويت مقابلة مع ارامكو الاسبوع الماضي وكان هناك تجاوب مع الانترفيور وكل اجابة اقولها
يقول good حتى انه واحد منهم في الاخير قال وش رأيك توظفنا من جديد …
هالشي ايجابي وكنت في قمة التفائل حتى صدمتني رسالة اليوم من AutomationManager
هذا محتوى الرسالة :
It was a pleasure meeting you during the interview conducted with Gas Operations. We appreciate your time, effort and patience throughout the recruitment process. However, we regret to inform you that you have not been selected for the targeted position.
To ensure you are considered for future opportunities in Saudi Aramco, please update your application regularly on our website
هل يعني المقصد من هذي الرسالة عدم قبولي نهائيا في ارمكو …
أرجو منكم المساعد والرد ع استفساري لان في قمة الاستغراب من الي صاير …
حبيت اشارك هالموضوع في هذا المنتدى لما لمسته من الاعضاء من تفاعل في كل موضوع يخص ارامكو وسابك
وعليكم السلام
هذي الرسالة معناها رفض من القسم الي سويت معاه المقابلة مب رفض من ارامكو كلها .
الي عليك تسويه تحدث بياناتك بين فترة وفترة لأن ممكن تترشح لمقابلات ثانية ومع اقسام ثانية او حتى مع نفس القسم الي رفضك .
واحد من الشباب تقريبا ً اكثر من 3 مرات سوى مقابلة مع ارامكو وكلها رفض .
على العموم لا تشيل هم إن شاء الله انها خيرة ونفس الوقت ممكن يكون ادائك ممتاز لكن فيه أفضل منك ويكون هذا هو سبب الرفض . الأهم إنك تستمر في تحديث بياناتك ونصيحة لاتحصر نفسك في شركة او شركتين وما شاء الله تخصصك مطلوب في مجالات كثيرة فحاول تستمر في البحث عن الوظيفة وتقدم على كل الشركات وممكن تتوفر لك فرصة أفضل من ارامكو .
والله يوفقك .
وعليكم السلام ورحمة الله وبركاته
تصير اخوي بعض الاحيان تشعر بأن تقديمك جيد و وتجد تجاوب طيب من الشخص اللي امامك وفي النهاية يكون العكس والمقابلات بالعاده يقيمون الشخص مو ع اللغه فقط ، حركة اليدين وردة فعلك والاي كونتاكت واجوبتك وفي النهاية المفاضله مثل ماقال اخوي شدعوه على اية حال الفرصة مازلت موجوده وبعض اللي توظفوا في ارامكو تلقاهم مروا بمقابلة الى ثلاث مقابلات. حاول تشوف فرص اخرى خاصة ان تخصصك مقبول في شركات كثير وفي نفس الوقت طور من نفسك في الدورات
اولا يا خوي لاتتشائم وتوكل على ربك … وأعرف شي واحد اذا الله كاتبها لك فباذن الله هي من نصيبك .
ثانيا انا حصل لي نفس موقفك بالضبط عملت مقابلة ممتازة جدا … وبعد المقابلة بااسبوع ونصف جاتني نفس رسالتك بالضبط … صراحة تكدرت شوي … لكن بعد هذي الرسالة ب 4 أيام … بدت الرسايل والاتصالات تجيني من أرامكو اختبار اون لاين بعدها الفريفيكيشن وبعدها الفحص الطبي وبعدها ال kyc … فكانت رسالة الرفض تجي لجميع المتقدمين على الوظيفة سواء مقبول او مرفوض … ثمن تبدأ الرسايل توصل للي تم قبوله …
وبس هذا الي عندي …
طبعا انا سجلت في المنتدى عشانك يا خوي لإني صراحة شفت نفس الموقف الي صار لي صار لك
فحبيت اعطيك ولو تفاءل بسيط …
اخوي غامد حصل معي نفس اللي صار معك
عملت المقابله في 24 July بعدها باسبوع ارسلولي الاسسمنت بعد الاسسمنت(ماكلموني علي الفيرفكيشن) ارسلولي الفحص الطبي وخلصته بعدها بيومين جاتني هالرساله اللي جتك لكن نقول خير ان شاء الله
نشكر العضو عبدالله علي الطاقه الايجابيه