السلام عليكم ورحمة الله وبركاته،
في الحقيقة ياجماعة هذا المنتدى للأمانه فادني الكثير وكان سبب بعد الله ولله الحمد في حصولي على وظيفتي الحالية.
كتبت هذا الموضوع من باب شكر وعرفان للقائمين على هذا المنتدى واعضائه الكرام. أسأل الله الكريم ان يوفقكم لكل مايحب ويرضى.
وأيضاً كوني مهندس كيميائي حبيت اكتب هالموضوع لايضاح صور كثيرة وللمساعدة باذن الله في تسهيل الحصول على وظيفه لكم.
أولاً نتكلم عن سابك: التوظيف موقف من 2015 والى الان مكتفين وزياده بمبتعثينهم يعني من الاخير لاتتعب نفسك… هالكلام أكيد وصحيح 100٪ من خلال اسألتي لاصحاب المناصب في الشركة ومحاولتي شخصياً بشتى الطرق الحصول على وظيفة.
ثانياً: ارامكو السعودية: ارامكو للأمانه يعطون مقابلات ويوظفون والتقديم عن طريق الموقع.
ثالثاً: الشركة الوطنية للأنظمة الميكانيكية: الشركة يوظفون في الوقت الحالي كل اللي عليك تقدم على الموقع وباذن الله بتجيب مقابلة خلال شهر شهرين باذن الله.
رابعاً: ساتورب (الشركة اللي حصلت فيها على وظيفة): التقديم احيانا يفتحونه ويسكرونه فجاه مايطول عن يومين.
للأمانة هذي الثلاث شركات هي الوحيدة اللي شفتها توظف بعقود رسمية… الباقي كونتراكترز وللأمانه ارسلت لاكثر من 200 ايميل من الكونتراكترز ولا احد عطاني وجه هههه.
ملاحظة: لاحظت للاسف في اغلب الشركات اللي ذكرتها يبغون فقط!!! (طلاب مبتعثين او من البترول والمعادن) يعني لو معدلك 5/5 في جامعة الملك سعود، سيتم اسقاطك من المنافسة.
ملاحظة اخرى: اسمع كثير من الشباب يحط عذر اذا ما انقبل في المقابلة ان الشركة حاطين هالمقابلات مزهريه… وهالشي شفته في بعض الشباب الله يهديهم معي بالمقابلة كانو مستهترين… ولا جتهم الوظيفة للاسف.
نصيحتي للجميع: جهز نفسك للمقابلة، بيخلونك ترسم مشروع التخرج، تشرح بالتفصيل، تكلم عن نفسك، ليش نوظفك، وش تعرف عن الشركة، وش فرقك عن المتقدمين الاخرين، كل جواب من اجوبتك المفروض مايعدي دقيقة واحدة فقط!!! انتبهو. الهدف من المقابلة للشركات اللي بتعطيك تدريب هو التعرف على شخصيتك… يدرون انك تعرف الاساسيات وبيدربونك على التفاصيل فركز على ثقتك بنفسك. بالنسبة للشركات اللي مافيها خطة تدريبية بالعاده اسالتهم بالتخصص اصعب واكثر عمق.
(لا تكثر كلام في المقابلة، سؤال ورد غطاه بأقل من دقيقة ويشمل هذا سؤال تكلم عن نفسك)
سؤال تكلم عن نفسك: لاحظت كثير ناس مايفهمون وش يبي الاتش ار يسمع منك بهالسؤال… باختصار يبي تتكلم باختصار شديد عن اسمك الكامل، عمرك، دراستك، تخصصك، مشروعك، خبراتك. بشكل مختصر جدا جدا.
للأمانة الوظائف الان في غاية الصعوبة الحصول عليها، فنصيحتي لكم تتفرجون يوتيوب عن المقابلات وتكتبون بالنت اساله الاتش ار بيطلع لكم كثيير اجوبة. تدربو تدربو تدربو على المقابلة وخل عندك فكره عن الاسئلة اللي ممكن يسألونك اياها. 4 من الاسئلة التكنكال اللي سألوني اياها كنت متدرب عليها بالصدفة في النت الحمدلله.
طبعاً هالموضوع يخص المهندسين الكيميائيين فقط!!
أسأل الله ان يجعل هذا الموضوع فائدة وفاتحة خير للجميع
والسلام عليكم ورحمة الله وبركاته
)لكن كتواجد متواجدين من جامعات أخرى…
) ويختبر يوم الجمعة (صارتلي مرة وحدة 
وقبل اختم اتمنى تشوفون ذا الكتاب " اب غني اب فقير" " Rich Dad Poor Dad "