أنا باقي لي فصل واحد وأتخرج ان شاء الله (الفصل الأول القادم) , التخصص هندسة كهربائية “ساينس”
بما ان الوضع حالياّ سيء من ناحية التوظيف وقلة الوظائف
وأيضاّ التقديم على الشركات بياخذ وقت بالإضافة الى وقت انتظار صدور الوثيقة,
فـ ودي أبدا بهذا الموضوع بدري لأن محتاج اتوظف بأسرع مايمكن.
هل فيه مشكلة لو قدمت على الشركات خلال الفصل القادم (قبل التخرج) بشهر او شهرين ؟
وهل فيه حد سبق وجرب عمل هذه الحركة؟
+ بالسيفي …هل أضع معدلي الحالي ؟ او المعدل المتوقع عند التخرج ؟
اي قدم على الأقل قبل 3 شهر من التخرج ولا تشيل هم بخصوص الوثيقة صحيح هي مهمة وبعض الشركات تطلب منك ترفقها في طلب التوظيف لكن نفس الوقت فيه شركات ماتركز عليها او تطلبها في آخر مراحل التوظيف
اعرف بعض الشباب توظف وبعدها بشهرين طلبت الشركة منه الوثيقة .
&
اختلف مع k94 في نقطة موعد التخرج:
لا تخلي في Expected Graduation Date cv الا لو التقديم كان عن طريق الجامعة مثلا فيه تنسيق بين الجامعة والشركة او الشركة عارفة انك مابعد تتخرج .
انا خليت Expected Graduation Date وللأسف بعض الشركات سحبت على طلبي وتواصلت مع الشباب الي كتبوا انهم متخرجين بالرغم من معدلي كان اعلى وقدمنا مع بعض , فأنتبه لهذي النقطة .
حاول تستفيد من يوم المهنة صحيح الشركات المشاركة صارت اقل من السنوات الماضية لكن من تجربة : تقريبا سويت 5 مقابلات بعد التخرج وكلها كانت مع شركات قدمت عليها في يوم المهنة ونفس الشي مع بقية الشباب الي اعرفهم .
الشي الثاني , حاول تضبط ال cv , لأنها هي الي راح ترشحك للمقابلات .
الصراحة ما ادري شتخلي بالضبط ان شاء الله بقية الشباب يفيدونك .
لكن الي سويته : الشركات الي اجرائتها تأخذ وقت مثل ارامكو وشلمبرجير , خليت تاريخ التخرج بالضبط .
اما بقية الشركات كتبت في education كذا : 2012 - 2017 بدون ما احدد الشهر . بس في حالتك الأفضل تخلي التاريخ بالضبط ( Feb 2018 ) لأن لو خليت 2017 ممكن يفكرك متخرج العام الماضي .
بس على العموم لما تقدم على رابط وظيفة معينة او برنامج توظيف في شركة ويجيك سؤال بخصوص موعد التخرج , اكتب انك متخرج خاصة لما يكون باقي شهر او اقل على التخرج لأن ال hr لما يشوف الطلبات راح يفلترها على حسب التخصص , الخبرة , المتخرج , المتوقع تخرجه وغالبا ً المتوقع تخرجه راح يستبعده .