عرض من أرامكو - أرائكم

Career Aramco, Sabic
21

فعلا اشوف هذا الشي كثيييير … صديق لي خريج البترول بعد 9 سنين خبرة من شركتين ماشاء الله تبارك الله طلع على مناصب بروجكت منجر ب معادن :clap:
وصديق لي بسابك نفس الشي بروجكت منجر في فترة قياسية :clap:

بينما اخرون ب أرامكو خريجين البترول من حول 2002 والتحقوا ب أرامكو الى اليوم Sr.Project Engineer بعد مايوصلون بروجكت منجر (ماعرف اذا راجع لاجتهاد شخصي عشان تمسك منصب او سبونسر لك او نظام الشركة)

فالوضع ب ارامكو شوية يبغاله صبر … غير انه ممكن تمشي نفسك بالفاسيليتيز تبعهم بيييتش والبيت بالكامباوند وكذا امور تنعنش الواحد :clap: :clap: :clap:

1 Like
22

مدحدر بقووووة

يا واد انا زيك في سابك ، شركه متخبطه ، استراتيجيتها غير واضحه ، مالهم كلمه ( يقولون مالا يفعلون )

اطلع منها ، روح ارامكو احسلك

اذا ما تبغى ارامكو ، كلمهم قلهم فيه واحد يبغاها بدالي ( اللي هوا انا )

يعطوني نفس الراتب ، ما عندي مشكله

23

يبويا طيب وضحلنا ماذا قالوا ولم يفعلوا ؟ او مالذي قالوه ولم يفعلوه ؟ :clap: :clap: :clap:

مابدي اقلك عن اللي عندي اش بيخبصوا وبيعملوا اشياء فظيعة مو طبيعية سخيفة … اصبرلي اشرب قهوتي واصحصح واعطيك العلم هنا في رد تاني :muscle: :muscle: :muscle:

24

صحصحنا يبويا وجيناكم :clap: :clap: :clap:

خليني احكيكم عن الدحدرة ( في جدة مصطلح دحدرة يعبر عن المطارحات او السباقات او المقاومات … يعني دحدرة 40 و تلاتة بواري وادعس هههههههههههه) :clap: :clap: :clap:

حاليا احنا كونتراكتور معا ارامكو وححكيكم عن كمية الدحدرة … **طبعا احنا مو Oil n Gas احنا Construction Field وشركتنا كونسلتنت لكن عقدنا كونتراكتور مدري كيف هههههههههههههههههههه ** :clap: :clap: :clap:

اول شغلة اكلناها كنا نداوم 5 ايام وبعدين بقدرة قادر سرنا نداوم 6 ايام يعني السبت دوام لنا سنتين :rage: :rage: :rage:
التعليق : بالنسبة لنا ك أهل بلد عندنا مناسبات واهالينا والواحد يرتاح في هاليومين او زي حالتي اذا يبغى يسافر جدة يومين يشوف اصحابوا او اقاربوا وكدا … معانا شباب ابطال الديجيتال مستعدين يجوا يوم الجمعة بل بالعكس يشتغلوا 24/7 ماعندهم مشاكل بس عشان يوريك انو اوووه انا شغيييل حفييير كريييف مافي احد زيو سوبرمان خارق :clap: :clap: :clap: :clap:

تاني شغلة اكلناها احنا حاليا نمثل الكلاينت اللي هوا ارامكو ومابدي اقلكم على المعاملة ههههههههههههه … جات فترة نجي نوقف سياراتنا بالمواقف يخلونا نوقف تحت الشمس مايمدينا نوقف تحت المضلات وكان الوضع لاخواننا ال SMP زي العسل يمديهم يوقفوا تحت المضلة يعني احنا شمس وكل احد تاني بالمضلة :clap: :clap: :clap:
التعليق: اسخف من كدا مافي

تالت شغلة اكلناها عندنا البانتري يجيك فيها فطور جا يوم من الايام قفلوها علينا يقلك اذا اسمك مو موجود باللستة ماتمد يدك هههههههههههه يعني قمة في عدم الاحترام بطريقة مو طبيعية هذا واحنا نمثلهم و حسب العقد معاهم انهم ملزمين يوفرون لنا فطور لكن نعامل كمستضعفين :clap: :clap: :clap:

رابع شغلة طبيعي تلقى واحد قريد 11 من ارامكو PDP جالس يمسح البلاط بكل فن في اكبر منجر عندنا ومايقدر يفتح فمو بكلمة هههههههههههههههه :clap: :clap: :clap: :clap:
التعليق : Client Satisfaction :+1: :+1: :+1:

خامس شغلة كنوع من انواع الدحدرة مافي اي نوع من انواع الكورسات غير اونلاين :clap: :clap: :clap:

سادس شي مافي اسايمنت برا او محلي :clap: :clap: :clap:

سابعا وذا مضحك ممتنع يعني تضحك وتفرح معا بعض … طبيعي يجيك موظف ب ارامكو يخلي الشركة غصبا عن ام امها توظف اللي هوا يبغاه :clap: :clap: :clap:
التعليق: كلهم اخوان واصحاب لكن كحركة من موظف ارامكو يعتبر قتل الكفاءة :+1: :+1: :+1:

ثامنا التطوير حسب القسم يعني فيه اقسام دورك فيها كمزهرية تماما و فيه اقسام ماشاء الله تبارك الله تطلع بخبرة مو طبيعية :+1: :+1: :+1:

تاسعا تلقى المدراء يحترمون موظفين ارامكو ويحبوووونهم ويعاملونهم بطريقة مو طبيعية(كل احد خايف على الكرسي تبعو) و انت يعاملوك بطريقة مختلفة تماما( طبعا مو الكل كذا للامانة)

عاشرا الهدف من المشروع انك تشتغل بطريقة صح لكن الهدف حاد عن وجهته وصار الهدف انك ترضي الكلاينت وتعمل اللي يبغاه حتى اذا غلط

احدعشر الامان الوظيفي مايقارن بسابك و ارامكو

حقائق :

- في فئة معانا محترمة تماما واخلاق وذوق سواء ارامكو او شركتنا لكن الخير يخص والشر يعم
- هذا رأيي الشخصي وممكن مايعجب الكثير لكن جالس اوصف الواقع المرير
- ماتكلمنا عن المميزات
- اذا في سابك ماطلعت كورس برا السعودية ابتسم
-اذا بسابك صار الوضع روتيني اعرف انو بالمقابل في امان وظيفي
- لهجة جداوية بحتة يبوويا :+1:

وعلى الخير نلتقي :clap: :clap: :clap:

6 Likes
25

بأي Affiliate ؟

26

عز الله انك صادق في كل كلمه قلتها بخصوص الراتب و الراحه
من تجربه عشتها
وظيفتي الحاليه مرتاح فيها كثيييير من ناحيه طبيعه العمل و قرب المكان و البيئه الي انا فيها و الراتب الحمدلله كويس
جاني عرض ارامكو و نقول الحمدلله و شوفني رايح لهم لكن داخليا ماودي فيهم لان اعرف الشغل تعب و كرف و تصير مجرد اداه او اله و مع الوقت تتحول الى عاله على نفسك و اهلك
السبب الوحيد اللي خلاني اقبل عرضهم ان في مكاني الان مافي امان وظيفي يعني في اي لحظه يقول لك هذا اخر عقد لك و مع السلامه و يبلغك قبل تجديد العقد بشهرين او 3
لو الامان الوظيفي موجود اقسم بالله و جلاله ان ما افكر في ارامكو بتاتا خصوصا ان لي تجربه معاهم زمان
يا حبيبي ماكنت اشوف حد ولا اعرف الناس ولا الناس تعرفني حياتي كانت دوام بيت دوام

1 Like
27

انبسط من عرض تجاربكم شباب … ان شاء الله قريبا يسير لي تجربة معاهم واشارككم اياها :clap: :clap: :clap:

28

يعطيك العافية و يرزقك ربي بالوظيفة اللي تلبي طموحك و رغباتك … لكن ما ذكرت ايش هذي الشركة المتعاقدة مع أرامكو ؟؟؟

29

اللهم امين ويرزقنا اكثر من اللي نتمنى ويسهل امورنا ويكتبلنا الخير كلو :+1: :+1: :+1:

تيرنر العربية لإدارة المشاريع … الاسم العالمي Turner Construction “رافع صورة لها” شركة امريكية تقدم استشارات في المشاريع والانشاءات عندهم مشاريع حلوة كبيرة في الشرق الاوسط تقدر تشوف Turner City هيا مدينة تخيلية سنوية تجمع مشاريع الشركة في العالم كلو اللي خلصت في مكان واحد يطلع عليه Turner City مثلا تلقى برج خليفة و استاد رياضي بامريكا جمب بعض …
كل مشروع يدخلوه ب role مختلف مرات استشارات ومرات مقاولين زي حالتنا حاليا … واتفرج عاد على انواع الكلاينتس “بن لادن” “ارامكو” “اعمار” وخد معاملة محترمة من النوع اللي يعجبك يا لطيف بس :clap: :clap: :clap: :clap:

AAEAAQAAAAAAAAcOAAAAJGQxOTg3MjdhLTA5NDgtNGZiZi05MGFhLTMwNmM0MmY5NmE2Nw.jpg