السلام عليكم ورحمة الله وبركاته:
استفسار بسيط يا شباب بخصوص وظائف الحرس الوطني ومقابلاتهم.
متى بالعادة يردون لأني مسوي معهم مقابلة قبل العيد باسبوع تقريباً ولا لقيت منهم رد الى الآن… هل هم يردون بسرعة ولا يتأخرون ولا كيف وضعهم.
اذا احد عنده خلفية عن الموضوع ياليت يفيدنا
الوظايف كانت هندسة صناعية وكهربائية وميكانيكة على ما اعتقد ودبلوم معماري.
ودي اعرف كيف نظامهم علشان ما اجلس معلق في الاخير يسحبون.
وعليكم السلام ورحمة الله وبركاته
ما أعرف نظام الحرس الوطني لكن بأعطيك نصيحة عامة
لا تنتظر أحد حتى لو قالوا لك أنت مقبول وخلصت إجراءات التوظيف المبدئية
إذا وقعت العقد وحددت تاريخ المباشرة وقتها تقدر توقف البحث عن وظائف
غير كذا خلك دائما وبشكل مستمر تبحث وتقدم وتسوي مقابلات
وهذا الشيء حصل لي شخصيا ، أحد الجهات المرموقة قالوا لي أنت مقبول وباقي إجراءات نظامية بسيطة ما تأخذ أسبوع
بعد أسبوع ما حصلت منهم رد
بعد أسبوعين نفس الشيء ، اتصلت عليهم واستفسرت وقالوا الموضوع توقف مؤقتا لأسباب مالية وبتنحل قريب
وانتظرتهم لمدة شهرين وبدون فائدة
وقتها ضاعت علي فرصة وظيفية أخرى جاني فيها قبول والحمد لله على كل حال
وتخيل بعد 11 شهر جاني إيميل من الجهة بتفاصيل العرض الوظيفي !!
فأنا تعلمت الدرس زي ما يقولون the hard way 
طبعا سحبت عليهم لأني توظفت بوظيفة أفضل والحمد لله
فأتمنى أنك ما تخطئ نفس خطأي
الحرس الوطني يدرون بعد اسبوع على المقبولين
هذا كلامهم لي وقت ماسويت المقابلة
اذا ماردو عليك خلال شهر اتصل عليهم ممكن تكون في قائمة الانتظار
ممكن اعرف اي منطقة سويت المقابلة
موفق
وعليكم السلام ورحمه الله وبركاته
اسال الله لك التوفيق وفالك القبول ، لكن عندي استفسار كيف استعرضت الوظايف وكيف قدمت عليهم ؟
لانه بموقعهم معطلين خاصيه بناء السيرة والتقديم ومافي الا ايميل .
ولا عليك امر ياليت تفيدني كيف اقدم عليهم
ولا عليك امر ياليت تفيدني كيف اقدم عليهم !
انا زيك تخصصي هندسة كهربائية ولا ردوا علي الى الآن … ومع ذلك احاول اتصل عليهم مايردوا ما ادري ايش وضعي معاهم الآن اذا احد عنده خلفيه او ردوا عليه يا ليت يعلمنا … والله يوفق الجميع
شباب كيف طريقة التقديم على وظائف الحرس ؟
بالتوفييق لكم ي شباب
فتحوا التقديم على موقعهم تقريبا كان شهر ابريل وظائف على بند الصيانة والتشغيل
ممكن ترسل رابط ، ليتم متابعته والله يجزاك خير
نصيحة من ذهب اخي العزيز.
وبالفعل محد يضمن الشركات او الجهات الحكومية والمفروض محد ياخذ منهم كلمة ابد ابد الا بشي مكتوب وموضح بشكل رسمي.
احد الشباب وعدته شركه كبيرة بوظيفة بعد ما سوا عندهم مقابلتين, طبعاً خلال المقابلة الثانية قالوا له خلاص انت مقبول وتقدر تقدم استقالة في الشركة الحالية, وللأسف جلسوا يسحبون فيها ويتجاهلونه لفترة طويلة والمشكلة ما اخذ منهم لا عرض ولا شي رسمي.
اسال الله انه يوفقك
الحمدلله ردوا علي الاسبوع الماضي وطلبوا من احضار صور شخصية, بوافيكم بالجديد ان شاء الله.
المقابلة كانت في منطقة الرياض بالوزارة
الوظائف كانت معلنة على موقعهم قبل كم شهر وتقدم من خلال الموقع نفسه, اعتقد رابط التوظيف يقفل عند انتهاء فترة التقديم.
بيردون ان شاء الله بس هم يتاخرون بالرد, هم قالوا لي بعد اسبوع نرد وهذا هم ردوا علي بعد شهر وبعد ما غسلت يدي منهم.
والخيرة فيم اختاره الله ان شاء الله.
اذا صار فيه اعلان تقدم عن طريق موقعهم مباشرة من خلال بوابة التوظيف.
وياك يا عزيزي.
اشكركم على التجاوب وفالكم التوفيق يارب.
السلام عليكم اخوي هل انت قدمت عليهم من خلال برنامج الضباط الجامعيين. لاني نفس تخصصك وكيف اختار الاقسام لان عندهم كذا قسم ومنها الشئون الفنية وسلاح الاشارة وادارة المشاريع؟ هل سوو لك اختبارات لاني سمعت يعطونك اختبار على تخصصك
هذا التشغيل الذاتي للمستشفى. مب للعسكريين مضيع وملخبط بينهم يامهندس
هههه صحيح اشكرك ياباش مهندس