السلام عليكم ورحمة الله وبركاته ،،
جاني اتصال من مدينة الملك عبدالله
ولكني وللأسف خايف قليلًا ، حيث ان تخصصي هندسة مدنية ولكن تقريبًا شغلهم بيصير اقرب لتوليد الطاقة البديلة .
ف هذا شيء غير تخصصي وهذا اللي مخوفني ، والتوظيف عقد لمدة ٥ سنوات ، ولا اعلم كم رواتبهم ومميزاتهم
ف ياليت تنصحوني لاني في حيرة من امري وجزاكم الله الف خير
روح المقابلة وشد حيلك وأسالهم عن الشركة وعن مهامك الوظيفية وتطورك الوظيفي.
لا تخاف وتستعجل من البداية موضوع التوظيف فيه مقابلة وبعدها عرض وظيفي بالتفاصيل المالية وتقدر تقبل او ترفض
و عليكم السلام و رحمة الله و بركاته
بما انك مهندس مدني و كلموك فاكيد بيشغلونك في تخصصك او شي قريب من تخصصك.
طبعا بغض النظر عن نوع المحطات الي حيبنونها (شمسيه، نوويه…) اكيد حيكون في construction phase و الي هي شغل المهندس المدني و طبعا هذي المشاريع تاخذ فترة زمنيه طويله للمحطه الوحده، فما بالك اذا كانوا مخططين على عدة محطات.
ما اشوف ان فيه اي داعي للتخوف لان في النهايه القرار لك.
و بامكانك تستفسر عن هذي الشغلات في المقابله
الله يوفقك و يكتب لك الي فيه الخير ان شاء الله
الله يسعدكم جميعًا على الردود ،،
أنا سويت المقابلة وكان انطباعهم جيد الحمدلله، اختبرت اختبارين تبع إجراءات القبول.
اللي متخوف منه: الوظيفة عقد 5 سنوات + سنة ونصف دراسة خارج المملكة بتخصص مختلف.
الله يوفقك أن شاء الله. بس ابغى اسالك عن طريقة التقديم ؟
وياك ياحبيبنا ، التقديم عن طريق موقعهم
mتقريبا انا نفس حالتك.
وش الاختبارات الي اختبرتها ؟ انقليزي واختبار شخصيه ؟
هل كانوا فاتحين وظايف في موقعهم ولا بس رفعت السيفي حقك؟
دخلت موقعهم اكثر من مرة قبل فترة مالقيت وظايف
Eng. moh
بالضبط ايه
اعتقد يمديك ترفع السي في على موقعهم
…
يا شباب وش رايكم بالمدينه بشكل عام ؟ في النت ما اشوف الا اشياء سلبيه وعدد من التعاقدات
بالله الي يعرف معلومات عنها لا يبخل علينا
السلام عليكم
بخصوص اللي سووا الاختبارين انا وصلني اختبار كان عباره عن اسئلة شخصية وماث واسئلة لغوية
حبيت اسأل انتم نفس تسلل اختباري ؟ وكيف كان اختبار اللغة الانجليزية ؟
^
انا مثلك اختبار واحد ( اسئله شخصية ، ماث ، اسئله لغويه )
توني قاضي منه
الاختبارات كانت قبل او بعد المقابلة ؟
^
بعد المقابله
الله يسعدك بالنسبة لأختبار اللغة الانجليزية، هل الاختبار كان الايلتس او ELS وما هي الدرجة المحددة لأجتياز الاختبار …