السلام عليكم،
يعطيكم العافية جميعاً، عندي استفسار بخصوص هالشركة (Larsen & Toubro (L&T
حاولت ابحث عن معلومات عنها بس ما حصلت إلا موضوع واحد و للأسف مافيه معلومات كافية عن الشركة.
كيف مشاريعها و رواتبها ؟ هل عندهم اهتمام بتدريب الموظف و تطويره ؟
أتمنى إذا أحد يشتغل أو يعرف معلومات عن الشركة يشاركنا فيها.
يعطيكم العافية
عليكم السلام
كانت لي تجربة معهم قديمة نهاية 2014
وظيفة مهندس ميكانيكي
المقابلة كانو اثنين من الجنسية الهندية
الاسئلة بسيطة
اللي اذكر منها تكلم عن نفسك وبعض الاسئلة الحسابية البسيطة
وسألو عن قوانين الثيرمو داينمكس وعن قانون بيرنولي
هذا اللي اذكره
وقتها كنت حديث تخرج فكانت الاسئلة شبه عامة
الراتب كان ٩٥٠٠ مع سيارة والوظيفة بالسفانية على مشاريع محطات كهرباء
بالتوفيق
الله يجزاكم خير …
ننتظر المزيد من الردود
من بعد اذن صاحب الموضوع…
ياشباب ودنا نعرف شنو الأسئلة الي راح تطرح بالمقابلة للمهندس الكيميائي حديث التخرج.
شكراً
بفيدك باللي أعرفه, الجامعة سبق وأرسلت اعلان توظيف لهالشركة برواتب 10,500 ريال شهريا شامل البدلات للتخصصات الهندسية والمالية والمحاسبة وبالاعلان كان مذكور ان أول 12 شهر تكون متدرب والمسمى الوظيفي Graduate Engineer Trainee والتدريب داخل وخارج المملكة(مو شرط يكونون صادقين بهالنقطة لكن ذكروها بالاعلان). الشركة طبيعة عملها تصميم وانشاءات مصانع ومنشئات نفطية/كيميائية … الخ ومواقع العمل بر و بحر.
الشركة هندية.
ممكن طريقة التقديم؟
احد كيميكال سوا معاهم مقابله … ممكن ايش الاسىله …
طريقه التقديم عن طريق طاقات
السلام عليكم…
يا شباب عندي استفسار في أحد جاه اتصال اوعرض وظيفي من شركة.
وعليكم السلام
اخوي وصلني عرض عن طريق طاقات يوم الاربعاء الماضي وقبلته لكن ما وصلني منهم شي بعد كذا ابدا…لكن سؤالي لك يوم خلصت معاهم المقابلة في معهد صناعة الحياة الاحد الماضي هل طلبوا منك شي غير السي في ؟ انا ما طلبوا مني الا السي في.
وانا بعد جاني عرض من طاقات… وانا بعد CV بس
احد عنده خبر كم العدد اللي طالببينه ؟ اللي ارسلوا لهم المقابلة كانوا تقريبا 100 شخص في معهد صناعة الحياة
وقالوا انهم راح يكملون المقابلات في شركتهم خلال نفس الاسبوع.