السلام عليكم
جاني عرض من ارامكو في شيبة
طبعا سمعت انها ريموت ايريا وبعيده
ياليت اللي جرب الشغل هناك يفيدني من ناحية طبيعة البدلات يعني كم توصل؟
والسكن هناك كيف بالنسبة للعزاب؟
والانترنت وتغطية الجوال هل هو قوي؟ وهل يمديني استخدم البليستيشن على شبكة انترنت ارامكو في السكن؟
أي معلومات اخرى ونصائح لا تبخلون فيها على اخوكم
مع العلم اني مع قسم gas operation
شكرا لكم مقدما
وعليكم السلام ورحمة الله،
الف مبروك واسال الله لك التوفيق والسداد 
تفضل هذا موضوع سابق *بس تاريخه قديم نوعا ما* بس ان شاء الله يفيدك.
مهندس كهربائي في حقل شيبة أرامكو
وكمان يالغالي اذا تسمح، ممكن كم الفترة اللي جلستها من التقديم حتى العرض الوظيفي.
يعني بالتواريخ اذا تقدر.
وفقك الله
الله يبارك فيك يارب
اطلعت على الموضوع سابقا فعلا فيه معلومات مهمه لكنه قديم…ودي بمعلومات جديدة
الله يعطيك العافية عالمساعدة
بخصوص العرض…
سويت المقابلة بيوم المهنه الماضي تاريخ ٢٧/٤/٢٠١٧
بعدها باسبوع الassessment test
بعدها باسبوعين الفرفيكيشن والKYC
واحد من اقسام الفرفيكيشن ما اجتزته فخلوني اعيده بعدها باسبوع.
بعدها بشهر اتصلوا علي وانا ادرس الصيفي قالوا ارفع الوثيقة في الموقع قلت لهم ما تخرجت قالوا ارفعها اول ما تتخرج
تخرجت في ٢٤ اغسطس الماضي واستلمت الوثيقة في ١٧ سبتمبر ورفعتها على طول
وتواصلوا معي اليوم بالعرض الحمدلله
الله يوفق الجميع
الف مبروك وتستاهل الخير … شيبة حلوة كبدلات توصل ل 50% اكثر او اقل على حسب الافر تايم
الدوام من السبت الى الاربعاء تقريبا 48 ساعة اسبوعيا (الخميس مخلينه اذا تبي تراجع دوائر حكومية…الخ)
السبت والاربعاء نص دوام والثلاث الايام الباقية 12 ساعة من 6 الصباح الى 6 المغرب
اكل شرب خدمات سكن كل شيء ببلاش
الدوام بطيارة توديك السبت الصباح وترجع الاربعاء الظهر
المنطقة ما تقدر توصل لها الا بطيارة ارامكو توي قبل كم شهر مشترين اسطول جديد (طيران مدني )
شكل gas operations شغالين توظيف جاني منهم عرض الاسبوع الماضي في حرض
سكن المناطق النائية في ارامكو مثل شيبة تناجيب حرض للعزاب فقط ولا ياخذوا بدل السكن
باختصار سكن دلع
كل الكلام هذا من عمي كان فيها السنتين اللي راحت
الله يعطيك العافية اخوي
معلومات قيمه شكرا لك
بانتظار معلومات اخرى من اصحاب الخبره
شباب انا عندي مقابله وودي اعرف ايش مضمونها. مع gas operation
وشكرا
في البداية اسئلة عامة عرف عن نفسك تدريبك مشروع تخرجك مدى قابليتك للعمل معهم
وبعد ذلك اغلب الاسئلة تيكنيكال ذاكر كويسسس الفلويد ميكانيكس والثيرمو داينمكس حيركزوا ايش الفرق بين pump, turbine, compressor وايش انواع كل منها وتطبيقاتهم مررة يركزوا عليها وكذلك pipe design ومعادلة بيرونلي
وبالتوفيق لك
بالاضافة الى الكلام اللي كتبه مهندس اي اتش ار
الاسئلة بتتركز ع قوانين الثيرمو والهيت اكسنجر وعطني مثال عليها وانواع الهيت ترانسفير ومشروع التخرج بيسالك عن دورك فيه ولازم تكون ملم بالكامل
وبخصوص الاسئلة العامة ، ليش نوظفك اذكر قوتك
والله يوفقك
ماشاء الله , الف مبرووك ي ذيبان
شيبة جميلة , والدراهم اجمل بكثير ,
هو حسب وين بتكون , بس غالبا راح تكون في الــ NGL , معمل ضخم جدا ابن ستة وستين كلب , عجزت اتخيل ان شيء عملاق زي كذا في وسط طعوس الربع الخالي
على العموم , الــ NGL راح يكون قريب جدا من سكن موظفي ارامكو , سكنكم دلع ووناسة , خدمات بطلة جدا , ي شيخ مابقي إلا يزوجوك وخلاص 
المهم , تغطية الجوال لك عليها , لازم تجيب نتك الخاص , اعتقد لو تجيب مودم ابو انتل طويل افضل , بخصوص نت ارامكو ما ادري عنه ,
بالنسبة للدراهم , هذي راح تغرق وتطفش من الدراهم , بتوصل لمرحلة منت عارف كيف تصرف الدراهم , فتضطر ان تتزوج علشان تصرفها ام العيال ههههههههههه
حضك زين ان بتروح هناك وقت الشتا , غيرك راح الصيف وكره نفسه واخذ انطباع سيء وطلع من شيبة ,
المهم , الله يقويك ويوفقك دنيا واخرة 
لو سمحت اخوي متى سويت المقابلة معهم
26 july
لو في قلعة وادرين أتوظف معاهم، الله يوفقك ياخوي.
السلام عليكم ورحمة الله وبركاته
اخوكم موظف ارامكو مهندس 4 غاز اوبيريشن
القسم هذا ماشاء الله في توسع كبير من ناحية المشاريع وايضًا من ناحية التوظيف لتغطية الاحتياج وفرصة كبيرة وجميلة للمهندس يشتغل في ذا القسم لانه فيه خبرة كبيرة لتخصصه.
طبعًا اماكن العمل في معامل الغاز اللي بتكون غالبًا في مناطق نائية. قبل فترة سويت مقابلة معاهم وكتبتها بالتفصيل في المنتدى، تقدر ترجعلها عن طريق موضوع لأخونا “شدعوة” خاص بمقابلات ارامكو وللاسف انا مضيع الموضوع هههههههه. بشكل مختصر كانت مقابلتي تكنكال بحت وسألوني عن كل شي له علاقة بتخصصي (هندسة ميكانيكية) فالأفضل للي عنده مقابلة يحضر لها تمااااام.
بالنسبة للبدلات راح تاخذ بدل نائي (يختلف من منطقة لمنطقة وشيبة ياخذوا بدل نائي كبير تقريبًا 25%) وبدل طبيعة عمل واوفر تايم يعني تقريبًا بيجيك اكثر من راتب اساسي ونص شهريًا. اكلك وشربك وكل خدمات السكن مجانا والطيران كذلك اسبوعي ومجاني.
اي استفسار ثاني انا حاضر وفالكم التوفيق.
الله يجزاكم الف الف خير يا شباب ما قصرتوت كفيتوا ووفيتوا
مشكورين يا بو سعود وبوعلي وكمكال انجنير بيض الله وجيهكم
بسأل سؤال مهم بالنسبة لي لأصحاب الخبره… بعد ٤-٥ سنوات ماهو مدى صعوبة/سهولة النقل الى منطقة غير نائية؟ هل هي سهالات ان شاء الله؟ لأن تعرفون الواحد يبغى يتزوج وكذا
يحلها الف حلال انا مثلك بالضبط منطقة نائية ومخطط للزواج بعد خمس سنوات , تعتمد على الحظ حضر نفسك لكل شيء والحياة فرص اغتنمها وربك يحلها .
فيه الي يسمونه السواب ، لكن ما ادري عن فعاليته ، الجميل فيه انه متى ما حصلت احد نفس تخصصك ومرتبك يبي مكانك وانت تبي مكانه تقدر تبدل معه .