السلام عليكم ورحمة الله وبركاته
اخواني عندي سؤال انا خريج هندسة ميكانيكية وتقدير شهادتي جيد جدا ومقدم على فوق مية شركة ولا اشوف رد او اي تجاوب حتى مقابلات مافيه هل هذي حالة طبيعية
وعليكم السلام ,
صحيح هالفترة الوظايف قليلة لكن مقارنة بالعام الماضي , فيه تحسن واضح .
إذا كنت متخرج من فترة طويلة ( على الأقل 4 - 3 شهر ) وماجاتك اي مقابلة فممكن السبب في السيرة الذاتية او المعدل .
نزل ال cv عشان الشباب يساعدونك
&
استمر في التقديم وابحث عن الشركات حتى لو توصل الشركات الي مقدم عليها 500 شركة ,
الشركات الي تطلب ميكانيكال كثيرة فسجل الشركات في ملف اكسل ويوميا قدم على 10 - 5 شركات في الملف
مثل كذا :
هالشي بيسهل عليك التقديم (يعني ماتقدم على شركة اكثر من مرة ) ونفس الوقت بيسهل عليك تحديث ملفك في مواقع الشركات الكبيرة خاصة الي تهتم بتحديث الملف مثل ارامكو , حتى بعد ماتتوظف وتكتسب خبرة و تبي تنتقل لشركة ثانية .
- بعد ماتتأكد ان ال cv مافيه مشكلة , ابتدي في التقديم اليدوي ( تروح للشركات بنفسك وتدخل على ال hr ) , بعض الابراج فيها مكاتب لشركات كثيرة تقدر تقدم عليها . وعندك المدن الصناعية فيها شركات كثيرة لكن قبل لاتروح تأكد لها موقع وايميل للتوظيف او لا عشان تختصر الوقت على نفسك .
ما انكر ان شباب عددهم مب قليل قدموا يدوي وماحصلوا شي , لكن نفس الوقت سمعت من بعض الشباب انهم توظفوا او جاتهم مقابلات على الاقل بعد مارحوا للشركات خاصة الصغيرة وقدموا عليها بنفسهم .
- هذي المواضيع فيه قائمة بالشركات الي تقدر تقدم عليها يدوي :
استفسار لمهندسي الرياض
باحث عن عمل ( متخرج هندسه ميكانيكيه )
استشارة بشركات الصناعية 2 الرياض
قائمة بالشركات في المدن الصناعية في كل المدن :
مدن - دليل المصانع والمنشآت
& هذي تجربة واحد من الشباب في التقديم عليها من الايميلات في الموقع
مجلة الموارد البشرية on Twitter
مجلة الموارد البشرية on Twitter
ونصيحة حاول تستغل هالفترة , مثلا اذا كنت ناوي على الوظائف الحكومية , ادخل اختبار " القدرة المعرفية " .
اذا كنت مهتم بمجال السلامة وعندك القدرة المالية , خذ لك شهادة الاوشا ( سمعت انك تقدر تأخذها اونلاين وبسعر مناسب فتأكد من هالشي )
وحاول تراجع اساسيات التخصص حتى لو بشكل بسيط , لأن الفراغ والجلسة في البيت تتعب وتأثر على الواحد , وراح تلاحظ هالشي لما تبتدي تنسى بعض المصطلحات والاشياء الي كنت تستخدمها بشكل يومي في الجامعة .
ملف مراجعة لخريجي الهندسة الميكانيكي
الله يوفقك , وعليك بالصبر والاستغفار وإن شاء الله هالتأخير خيرة .