السلام عليكم ورحمة الله وبركاته
انا ياشباب ابي اخذ دورات ادعم فيها السي في تبعي وبنفس الوقت استفيد
فيه مجموعة دورات بتنزل في الهيئه السعودية للمهندسين
وابي اخذ منها ٤ دورات فقط
لكن ما ادري ايش الدورات الي بتفيدني وادعن السي في كمهندس ميكانيكي
ياليت الي عنده خلفيه عن الدورات الي تفيدني وتدعم السي في كهندس ميكانيكي يساعدني بذكرها لاهنتم
هذي الدورات
تصميم أنظمة الطاقة الشمسية الحرارية والكهربية
تصميم الخلطات الخرسانية وفقا للطريقة الأمريكية ACI
السلامه من مخاطر الوميض القوسي الكهربائي
اولا ي اخوي احيي فيك روح التعلم والتطور , اول شئ ي اخوي قبل تبدا اي دوره حاول انك تستفيد منها لنفسك بغض النظر يعني لاتحضر دوره وانت بالك بس تاخذ شهاده شارك سجل احفظ طبق في حياتك العمليه , الدورات المفيده للميكانيكي هي الاولى التبريد والتكييف جدا مطلوب هذا التخصص وبعده تجي الطاقه المتجدده والاداره الهندسيه هذا من وجهة نظري وخبرتي والشباب رايح يفيدونك اكثر … نصيحتي لكل من هو متخصص تخصص تكنيكال حب تخصصك وراح تبدع …
بأفيدك لكن فرصة اني اعيد اقتراحي لانه بيفيد الناس الي تسأل وش المجالات الي يحتاجونها ونتمنى استجابه من الإدارة
https://www.stkfupm.com/forum/threads/أقتراح-جديد-نرجو-الدعم.137424/
--------------
-فيه دورات عامة
بريمافيرا (برنامج) الادارة الهندسية ما اعرف طبيعة احتياجهم بسوق العمل عشان كذا اطالب باقتراحي ان ينفذ ولكن بشكل عامل مطلوبين بقطاع المقاولات
وايضا دام يوم امهنة قرب نصيحة قابل الشركات واسئلهم عن ابرز الامور الي يحتاجونها والمجالات والبرامج الي تستخدم بالشركة وتدرب عليها
-----------
-وفيه دورات هامة للمهندس الميكانيكي
التبريد والتكييف والصرف والتغذية:
مطلوبة بالمباني او نسميه قطاع التشييد والبناء او المقاولات يعني من ناحية الوظيفة مثلا لو تشوف اي مشروع تحت الانشاء مثل فندق برج او مشاريع حكومية تحت الإنشاء مبنى مستشفى او مدينة جامعية كلية استاد مبنى اداري مدرسة بيت او مشروع سكني او مسجد انشاء الله حتى لو كنيسة دام انه “مبنى” يطلبون هذا المجالين+مكافحة الحرائق لكن مو شرط تلقى وظيفه حتى لو انك خبرة بهذي المجالات لانك سعودي
دورات الطاقة الشمسية صحيح انها ميكانيكية لكن ما اعرف مدى احتياجها بالسوق وماسمعت مشاريع للطاقة الشمسية الا واحد في سكاكا وفازت فيه شركة امراتية ولكن (طبعا غير مشروع نيوم لانه وضعه مختلف تماما) ولكن ايضا دورات الطاقة الشمسية بحكم ان ماعندنا مصانع كبيرة لها اتوقع مالها سوق غيرمجال الابحاث <== رايي وممكن اكون غلطان!
---------------
-وفيه دورات لمجالات الهندسة الثانية ولكن ايضا مجالات في قطاع المقاولات
اذا عندك وقت وببلاش خذها ليش لا مو خسران شي!
-------------
لكن وهذي ملاحظة على هئية المهندسين ترى كثر من مهندسين الشركات الكبيرة ارامكو وغيرها مستخسرين يسجلون عضويه فيها لانها ماتفيدهم
وهذا قد يعتبر مقياس ان الهئية مهي قادرة تطور نفسها وهذا الشي انعكس على الدورات لو تلاحظون اغلبها بقطاع المقاولات تبريد وتكييف وخرسانة
وين دورات قطاع الطاقة والبترول وحنا بلد بترولي!!
نسيت اذكر شي مهم ان التبريد والتكييف ايضا مطلوب بالمصانع مثل مصانع الزامل والYORK جينسون كونترول
لانها تصنع معدات تبريد وتكيف مثل ابسطها مكيف الشباك إلى المعدات الثقيلة الchiller 
الي مادرسنا عنه بالجامعة
اهنيك على هذي الخطوة وترى قليل اللي يفكرون بالدورات خصوصاً الطلاب فترة الدراسة لانها بتعطيك اولوية لدخول المقابلات …
انصحك تركز على الدورات اللي بشكل عام تتعلق بالادارة الهندسية وراح تتوسع مجالاتك بدل التركيز على الدورات التخصصية
دورة ادارة المخاطر ودورة ادارة المشاريع الهندسية وبريمافيرا وسلاسل الامداد والتموين
خصوصاً ادارة المخاطر سبب بعد الله جابت لي وظيفتين في بنكين مختلفين في قسم ادارة المخاطر
الدورات اللي ذكرتها لك احتمال موموجودة حالياً لكن كل شهر ينزلوهم