قدر الله ان شركة موقف سحبت سيارتي من مبنى المواقف اللي قدام المول. سبب السحب حسب كلامهم “عدم إبراز تصريح” او شي من هذا القبيل. طبعا سيارتي فيها ستكر بس مشكلته انه ما يلزق على زجاج السيارة. يوم جا المسؤول عن سحب السيارات راح صور السيارة من الأمام فقط و كان الإستكر غير واضح بالصورة. انا اساسا ما كنت ادري ان سيارتي مسحوبة و ما دريت اللا اليوم. المفروض يرسلوا لك رسالة انه سيارتك انسحبت.
رحت كلمتهم هناك و قلت لهم إنه الإستكر واضح و كل المعلومات مبينة إذا جيت و شيكت على الإستكر من قريب. بعد حديث طويل قالوا لي انه ما فيه اي امل اني اطلع السيارة اللا إني ادفع مبلغ و قدره 180 ريال.
بالنسبة لي هذا المبلغ كبير جداً. حاليا لاتوجد لدي مكافئة جامعية و الوالد كل شهر يعطنيني فقط 500 ريال للأكل و الشرب و غيره.
سبب سحب السيارة غير مبرر ابداً بالنسبة لي. بعد كل الشوشرة, رحت ابحث في التعاميم اللي ارسلتها الجامعة بخصوص متى يتم سحب السيارة من ناحية التصريح. توجد فقط ثلاث اسباب: 1- عدم وجود التصريح (التصريح موجود في حالتي) 2- عدم حمل التصريح (التصريح موجود بالسيارة) 3- تصريح منتهي (تصريحي غير منتهي)
طبعا ولا سبب ينطبق علي. الصور التالية مأخوذة من التعاميم المرسلة بيوم الأربعاء المصادف 9/20/2017 و محدد فيها باللون الأصفر متى يتم سحب السيارة.
!تعميم.PNG|672x368](upload://4gZMJpWAx4nYb5istbz68ZWXgxB.png)
الله يعينك وييسر امرك للاسف شركة موقف نظامهم سيء وتعامل الامن معهم اسوأ يقول ما اقدر اتصرف معك لازم تدفع عشان تطلع السيارة ثم تعترض
لو تشوف السلطان وتشرح له المشكلة ممكن يحلها لك وتكون سبب في التخفيف على الطلاب من هالشركة الظالمة
