ياحبيبي باختصار ، “اذا” كان مخالف للنظام بلغ عنه ولا ترحمه وهذي مسؤوليتك كامواطن. نقطه
ياحبيبي لاتقولي ولا أقولك ، الدوله فيها نظام وقانون. كيف البعض يقول عادي ولاتحسد الناس المخالف لقانون دولتك مدري كيف؟!!
7 Likes
الوطن هو المكان اللي تربيت فيه وولدت فيه وفيه منزلك , ايش تركنا من صفات الجاهلية اذا امورنا بالاعراق , عرق سعودي وعرق اجنبي . ادعي الله انه يجيك رزقك وفي النهاية احنا مسلمين , كلام غير سليم انه ذنب اهلة مايعقل
1 Like
الوطن هو المكان اللي تربيت فيه وولدت فيه وفيه منزلك , ايش تركنا من صفات الجاهلية اذا امورنا بالاعراق , عرق سعودي وعرق اجنبي . ادعي الله انه يجيك رزقك وفي النهاية احنا مسلمين , كلام غير سليم انه ذنب اهلة مايعقل
1 Like
الاجدر بالوظيفة هو اللي يستحقها, الشركات ما فكرت فيك من وين ولا ولد مين, تبغى واحد يشتغل, مو يتصيد على خلق الله, عجيب شخصنة المواضيع هنا وقلة الادب في التعبير
3 Likes
خل عنك الكلام الرنان ذا. محد تكلم بالعرق و لا أحد جاب طاريه. اذا ما كان عندك أسباب منطقية لا تدخل الدين و العرق عشان تعزز موقفك. ما عجبك كلامي لأنك أجنبيو مستفيد من الوضع الحالي.
اجل ما تعرفون الدين الا على السعودية. فينكم عن بقية الدول. كلمه أجنبي موجودة في كل العالم و تطلق على اي شخص لا يحمل جنسية البلد المقيم فيها أو أي شخص لا توجد بين بلده و البلد المقيم فيها اتفاقيات مصير مشترك. اجل انا اذا رحت بلدك رح اتعامل مثل ابن البلد. خل عن الفلسفة بس. احنا اذا رحنا لبلدانكم سياحة تعاملنا اسوء معاملة لدرجة انه في الأماكن السياحية في سعر لابن البلد و سعر للسعودي مضاعف. ما اشوفك قلت حاجة.
. المشكلة ان بلده ما توظف غير ابن البلد و اذا جاء السعودية قام و تقلسف. في كل الدول ابن البلد اولى من غيره بالتوظيف. اجل الأجنبي يوظف ابنه الأجنبي في السعودية و تقولون عادي و اذا طالب ابن البلد حقه تقولون عنصرية و جاهلية.
والله زمن صرنا ننقاش الاجانب في حقنا في التوظيف.في بلدنا هزلت!! احنا عندنا مشاكلنا الخاصة من بطالة و غيره لسنا ملزمين بحل مشكلة البطالة في دولكم.
و اعيد و اكرر هذا ذنب اهله اذا ما يعرف بلد غير السعودية . هو يحمل جنسية بلده خليه يورينا كيف يقدر يطور بلده و يرفع اقتصاده. الاجنبي يتمسكن عشان يلاقي وظيفة في السعودية و اذا مسك منصب قال انا طورت بلدك و انت بدوني ما تسوى شي. طيب كان من الاولى انك تروح تطور بلدك و تنعش اقتصادها بدل ما يكون بلدك يقتات على صدقات و تبرعات الخليج و منظمات الامم المتحده. كفاية حقد و غل على على ابناء البلد. وجه حقدك و غلك على مسؤولين بلدك اللي كانوا السبب في انهيار بلدانكم و جعل اكبر أحلامكم ان تعلمون في اي دولة من دول الخليج.
7 Likes
واضح انك مطفى و ما تدري عن قوانين التوظيف في وزارة العمل في السعودية. القانون يشير ان ابن البلد اجدر بالتوظيف دون سواه.
على اساس عيال البلد ما فيهم احد يبي يشتغل و كل الاجانب يبون يشتغلون. المشكلة اذا قارنت مستوى بلدنا و بلدانكم رح تعرف مين اللي ما يبي يشتغل. المقارنة ليست في صالحك.
والله انا اطالب في حقي و حق ابناء بلدي في التوظيف في في بلدي من مسؤولين بلدي و من أرض بلدي. الاجنبي و ش مدخلك في الموضوع. رح طالب مسؤولين بلدك بتوظيفك. كفاية حقد ترى النار اللي بداخلك ما راح تحرق احد غيركم.
5 Likes
اتوقع اسمي مو واضح لك Muath Aloufi معاذ العوفي
انا جالس ماني متوظف لكن شايف ناس والدين هنا وحياتهم كلها هنا ويعانون , فين الانسانية اذا طردناهم خصوصا اخواننا السوريين , اذا صاحبي اجنبي توظف وانا ما توظفت ماراح استقعد له اعرف انه هو سعى وهذي نتيجة سعية ف انا ابذل اللي اقدر عليه حتى اتوظف بمنافسة شريفة هذي نقطة .
النقطة الثانية للاجنبي المتخرج من السعودية يقدر يشتغل وينقل كفالته ويطلع عضوية هيئة مهندسين.
يعني شغله نظامي
2 Likes
اقترح على المشرفين اغلاق الموضوع
النقاشات هذي ماراح تأدي لنتيجة صراحةً كل واحد وقناعته وعالمه.
5 Likes
وريني فين في كلامي قلت اطردهم. و وفين قلت لا يحق له التوظيف. كلامي لحديث التخرج الأجنبي. و بعدين امرك غريب ما زعلت على اولادك بلدك فوق المليون عاطل و كلهم يعانون منهم من تخرج من افضل الجامعات العالمية و زعلت على الاجانب. خلينا نوظف عيال البلد اولى. مشاكلهم هم يحلونها لسنا أولياء على احد.
اللي فينا يكفينا. البلد صارت مثل الجمعية الخيرية. وياريت عاجبهم. المدير الاجنبي خالف النظام في السعودية و وظف ابنه الأجنبي و هان عليه عيال البلد فما بالك اذا كان في بلده على بالك رح يطالع في وجهك. المشكلة تدافع عنهم و تدخل في مشاكل مع ابن بلدك عشانه. و انت إذا رحت بلدهم مستحيل تتوظف حتى اذا كان عندك جائزة نوبل. خل شوية يكون عندك انتماء و حاول انك تصحى شوي. مافي مشكلة في الكون ما لاموا السعوديين عليها. اذا على الجنسية المذكورة في ردك ترى هم يلومون بلدك على اللي هم فيه. و يكفي ردودهم في مواقف التواصل الاجتماعي… أقسم بالله اذا عليهم يحرقون بلدك و يحطونك بدل البرغل في التبولة. كفاية طيبة زيادة.
1 Like
لا
لان ما عندك حجج منطقية و افحمتك بالرد طلبت من المشرفين حذف الموضوع.
هذا الكلام ينطبق على الشركات الكبيره اللي فيها نظام واضح
لكن الشركات المتوسطه والصغيره تشوف فيها العجب
هذا الكلام ينطبق على الشركات الكبيره اللي فيها نظام واضح
لكن الشركات المتوسطه والصغيره تشوف فيها العجب
1 Like
الله يصلحك لانعمم على مجتمع ككل او اهل بلد
الفترة الحالية يالغالي مافي وظائف لكن على 2018 في امل كبير ان الكل يتوظف مع قرار ال 10% لحديثي التخرج
الله يرزقك ويرزقنا
لجل ما يتفرع الموضوع عن محتواه وإجابة على استفسارك عن نظامية عمل هذا الشخص، اتصل على 19911 (رقم وزارة العمل للشكاوى والاستفسارات).
4 Likes
ما عليك منهم ذولا منبطحين للاجنبي. المشكلة عمري شفت أجنبي يجادل ابن بلده عشان يوظف الأجنبي في بلدهم الا بعض السعوديين العاطفيين. عمرك شفت سوري يجادل سوري أو مصري يجادل مصري عشان يوظفون واحد من خارج بلدهم. كل جنسية في العالم من حقها توظف ابن بلده دون سواء. الا السعودية لازم توظف الاجانب و تعطل المواطن عشان ما نقول عنكم جهلة و عنصرين.
المشكلة الاكبر الأجنبي صار و بكل جرءة يطلب وظائف المخصصة للمواطنين و كمان ما وصلت لهنا في ناس صارت تطلب برامج زمالة و ابتعاث تخيل. طبعا كلامي ما رح يعجبهم و رح يختاروا عدم إعجاب لان ردي و ردك أصابهم في مقتل. لكن بإذن الله القوانين رح تصدر و رح تنصر السعودي و وقتها كل واحد رح يعرف حجمه.
2 Likes
عيب والله الكلام اللي اقراه هنا!!
صرتوا تدافعون عن الواسطات بس عشانه اجنبي وتحاربون العنصرية,ومافي عنصرية هنا اصلا, حقك ومن حقك تطالب فيه.
يبوي اذا جد تشوف انه متوظف بواسطة اشتك عليه من حقك اخوي المواطن.
ترى واسطات الاجانب عندنا اقوى من واسطات السعوديين, والله مساكين حنا في بلدنا.
طبعا اتكلم اذا كان جد يخالف نظام العمل, وياليت تستفسر من وزارة العمل, اذا مو كلنا نكون يد وحدة ونبلغ على كل مفسد في البد كيف نتطور؟ خاصة بعد فعل ولي العهد حفظه الله, أعطانا أمل ان حنا نقدر نتكلم عن الفساد وعن اي مفسد في البلد.
ثانيا, أبوخلدون, مع احترامي لك, وزارة العمل من اغبى مايكون كيف تقول له لاتتوقع انك اذكى منها. لو ماكانت غبية ماكان وضع سوق العمل للسعوديين كذا معليش!!! لازم نقوم بشغلها ونتابع ورى المفسدين والمتسترين لما نشوفهم قدامنا!
4 Likes
لا فض فوك ياخوي. محد يدافع عنهم غير الأجنبي اللي مثلهم أو واحد مردعم و مطفى النور مثل اخ اللي فوق. على بالهم اذا واحد قعد كم سنة هنا حط رأسه برأس ابن البلد و لكن هيهات. المضحك في الموضوع و مثير للشفقة ان اجانب المنتدى عاملين حزب و نازلين عدم اعجاب.
بعد اذن صاحب الموضوع اذا ما تقدر تبلغ انا مستعد ابلغ بالنيابة عنك اذا تاكدت من المخالفة.
مصيرهم يرجعون دولهم و ما رح يبقى غير الشخص الكفؤ ذو القيمة الإضافية لسوق العمل. سنين و البلد تحسن إليهم و لكن اول ما فرضت رسوم على المرافقين كشروا عن أنيابهم وما في داخلهم من حقد و غل. الله يعز المملكة و بفضل من الله ثم حكامها و شعبها يلي عملوا لهم قدر ولا بدونهم كانوا بلا مأوى أو مسكن أو حتى لقمة اكل.
بصراحة حالهم زاد و صاروا كل يوم والثاني طالعين بذي الموضة . على بالهم الأرض ارضهم و حنا ضيوف عندهم. لا تحاولون تناظرون فوق عشان لا تنكسر رقابكم و اعرفوا حجمكم زين…
1 Like
للمعلومية انا سعودي ابا عن جد. و خريج برنامج الابتعاث.تعليقي كان لصاحب الموضوع يتركز على الاستغفار و الشكوى لله و الرزق المكتوب بيجيه, ما كنت ادافع لا عن اجنبي ولا عن مخالف نظام مادري من وين فهم صاحب الالفاظ السوقية اني ادافع عن مخالف او مع الاجنبي ضد السعودي.
لا حول ولا قوة الا بالله
قمة التخلف ان تهاجم شخص لمجرد طرح وجهة نظر
1 Like
من جد بصراحة في بلدنا وصرنا أقلية مستضعفة. في ناس نااااااايمة في العسل. والله في أمور نشوفها في القطاع الخاص تغبن الواحد.
الي يدافع عن الأجنبي, عاجبك وضع التحزبات و اللوبيات في القطاع الخاص؟
شركتنا كمثال ما فيها ولا مسؤول سعودي فعلي, وجميع رؤساء الأقسام هنود ومصريين و غيرهم, وكل واحد منهم يرفع في جماعته بشكل وقح ومستفز, والسعودي يجلس 5 - 6 سنوات بنفس شغلته ونفس المسمى ولا في اي احد يدعمه.
3 Likes
ياشباب انا تخرجت ٢٠١٦ و كلمت شركه في ٢٠١٦ بخصوص توظيف وقالوا لي اذا فيه شاغل راح نتواصل معك… من فتره الي فتره اتواصل معهم ويقولون نفس الكلام… تفاجت ان واحد عربي ماعنده خبره متخرج عام ٢٠١٦ متوظف عندهم من ٦ شهور . كل الي في الشركة ماسكين مناصب عاليه و من نفس الجنسية… حسبي الله ونعم والوكيل
2 Likes