على حسب علمي انه تم منع استقدام اي مهندس ذا خبرة تقل عن خمسة اعوام للسعودية … لكن ماذا عن الاجنبي الي اهله عايشين في السعوديه هل ينطبق عليه نفس النظام ام ماذا؟ …
لاني اعرف واحد شغل وظيفة بعد تخرجة على طوول في حين شهادته ماهي بارفع من شهادات اغلب المهندسين السعوديين العاطلين على حسب ماشفت وهو ابوه شاغل منصب كبير مدير اقليمي في شركة هندسية فاكيد واسطتة لعبت دور ، وانا صراحة من المهندسين العاطلين الى بنفس كفائته واتوقع كثير من الي مثل حالي ولاماكان شفنا الترندات الي بهالموضوع بتوتير قبل فترة وبنفس الوقت كل مانشروا اعلان وظيفي في النكدان القى على الاقل خمسة سعوديين الي مقدمين عليه وهم بنفس كفائة الاجنبي…
فيالربع اذا هو اخل بالنظام ياليت تعلموني وتدلوني على الالية الي اقدر فيها اشتكي عليه لانه شي يغبن
لا تشتكي ولا تراقب الناس وأكون معك صريح الغلطة غلطة وزارة العمل اللي تسمح بالإستهانة بقوانينها من الشركات اللي ما تحسب حساب لهم مع أن القانون صدر من أعلى هرم في الوزارة. توقع تشتكي ويعطونهم فيز كل شي عكس هنا
اللي اعرفه انه ممنوع انك تجيبه من برا بفيزة مهندس بخبرة اقل من 5 سنوات لكن اذا هو عايش هنا مع ابوه اتوقع مافيه مشكلة
عموما لا أحبذ شغل التدبيس الا اذا شفت انه شهادته مزورة وفيه ضرر كبير
من المعروف ان فرص حديثي التخرج في الهندسه شحيحه خصوصاً بالقطاع الخاص … والبلد كلفت على نفسها تدريس واعالة وابتعاث اعداد كبيرة من الطلبة عشان يرجعهوا لهذا الخصوص فهم اولى لها من الاجانب والسعودة هنا بصراحة اهم من سعودة ا محلات الذهب او الجوالات للاسباب المذكورة
مسئلة لاتدبس او لاتستقعد هذي مهزله بحد ذاتها فحتى الحيوانات وانتم بكرامة تدافع عن ارضها ومستقبلها ورزقها ورزق عيالها … هذا امر بديهي ومن هذي المبادئ العقيمة صرنا نشوف ونسمع عن تحكم الاجانب في القطاع الخاص وممارستهم لاساليب تطفيش الموظفين والخ
والله ياخوك انا في شركة الأجانب متحكمين ولاعبين بالدنيا ولا يعطون المهندس ابسط حقوقه الأجانب مسيطرين عالوضع بشكل مخيف في الشركات
واذا جاك السعودي يوظفونه كسعودة ولا يعطونه مسؤولية وبعض الشباب يستانس ويروق وحتى الي وده يشتغل ينحشونه
فيعطونه تبنيج عقلي وهذا للأسف يخل من قدرات السعوديين
١- لا تراقب الناس
٢- لا تتوقع أنك أذكى من وزارة العمل وهيئة المهندسين، لو النظام ما يسمح له ما يقدر يمشيها له ولا وزير العمل
٣- ترا هذا الأجنبي درس في جامعة سعودية، بالتالي طبيعي يشتغل في السعودية اذا أهله هنا.
صحيح في سعوديين كثير يستاهلو وظايف بالذات المهندسين لكن هذا مو معناته نحسد اللي جاله رزقه! اعرف كثير مهندسين أجانب مواليد السعودية وخريجين البترول، والله عانو بشدة لين حصلو وظيفة وبعضهم ما حصل ورزقه على الله.
اخوانا العرب كثير منهم ما يعرف غير السعودية بلد، مافي داعي نزايد عليهم.
نعم القرار الاخير يقول غير مسموح للاجنبي حديث التخرج بالعمل في السعودية. اشتكيه الى وزارة العمل او هيئة المهندسين او برنامج رصد المخالفات التابع لوزارة العمل. و ما عليك من بعض المنبطحين اللي يقول لا تشتكي لأنهم يا اجانب أو مواطنين مستفيدين من هذا التستر . هذا واجبك كمواطن سعودي الدفاع عن مقدرات البلد مثل أي بلد في العالم. السعودية ماهي جمعية خيرية و لا مركز تدريب من هب و دب صار يطمع فيها. حنا مهندسين سعوديين متخرجين من افضل الجامعات العالمية و بأعلى الدرجات و الى الان ما لقينا ما يناسب طموحنا و تطلعاتنا.
مع احترامي لردك لكنك مخدوع بهم . صرنا كل يوم و الثاني نشوف الاجانب في السعودية و مدى حقدهم و كرههم للشعب السعودية الى البلد اللي احسن اليهم . احنا عيال البلد اذا ما اشتغلنا في بلدنا وين نشتغل طيب. محد رح يقدر السعودية غير ابن البلد و اكبر دليل انظر الى حال اوطانهم المفتقرة الى ادنى مقومات الحياة الكريمة.
انت تقول " اخوانا العرب كثير منهم ما يعرف غير السعودية بلد، مافي داعي نزايد عليهم"
روح اسال الاجانب يلي تدافع عنهم اذا يسمحوا لك انك تشتغل عندهم. كفاية طيبة زايدة و عاطفة. و لسنا بحاجة الى اخوتك العرب الذين يتهموك في اي كارثة تحصل في بلدهم و انت ما زلت تدافع عنهم عجبي لامرك. وش رايك تنازل عن جنسياتنا و منازلنا و نسلمها لهم. كل واحد بلده اولى به واعيد و اكرر السعودية ليست جمعية خيرية او بنك تضامني. و احد اهم اسباب فرض الرسوم عليهم هو تخفيف عددهم.
الشي المضحك ان بعض الشباب يمثل دور المدافع عن وضع الشاب السعودي والخوف على اقتصاد البلد والتحذير من الواسطات اثناء عطالته فقط , اما اذا وجد الوظيفة المناسبة او الواسطة الممتازه ينسى جميع ما سبق , ما اقصد احد بكلامي شخصيا ولكن هذا من ما رأيت من عضويات سابقة معنا بالمنتدى .
وتدبيسك على واحد “تعرفه” ما تعتقد ان ما لها داعي ؟ …
اذا كنت انت او احد تعرفه من نفس هذا الحال فلا تعتقد ان كل الناس مثلكم. من ابسط حقوق الشاب السعودي انه يدافع عن السعودي يلي مثله لان في الاول و الاخير حنا مواطنين هذا البلد و ما راح نتركه مهما كان الحال و لسنا كالوافدين الذين تركوا اوطانهم تنهب و تحتل و تباع و في الاخر يتهموننا باننا السبب.
و وش ذنب السعودي عندما يرى أجنبي يأخذ مكانه. فكر بعقلك و ليس بقلبك. اذا الأجنبي لا يعرف دولة غير السعودية هذا ذنب والديه اللي لم يعلمه حب وطنه و ليس ذنب السعودي.