السلام عليكم
في واحد من الشباب خريج هندسة ومعدله عال لكن يرغب في العمل في مجال غير الهندسة بالتحديد الوظائف الإدارية و المبيعات , لكن حاليا ً الفرص المتوفرة له إما إنها براتب متوسط مثلا 5000 - 6000 و وظائف عادية حتى خريج الثانوية ممكن يتوظف فيها وفيها فرص تطوير , أو برواتب جيدة لكنها في مدن ثانية غير الي هو متواجد فيها .
فياليت عنده تجربة سابقة او نصائح يفيدنا ,
بإنتظار آرائكم
يعتمد عالمجال اللي بيختاره خارج تخصصه. أشوف عدد لا بأس به من المهندسين يروحون مجالات مثل الاستشارات الادارية - بنوك - شركات خدمات نفطية او حتى مبيعات وتسويق فيعتمد على رغبته والمجال اللي بيروح له.
للعلم وهذا للجميع فيه برنامج اسمه تمهير من طاقات او من هدف يعطون خريجين الجامعات الموظفين الجدد بالقطاع الخاص 3 الاف +الرواتب الي من الشركة يعني ممكن توصل رواتب كويسه طبعا وفق شروط معينه ولكن المشكلة ان هدف وطاقات مو قادرة تتواصل مع الخريجين للأســــــــــــــــــــــــــــــــــــــف.
لكن بالنسبة لخويك يستخير ويقارن الفرصة ويشوف ويفكر بالمستقبل لان الوضع غريب وغبي بنفس الوقت
لان وزارة العمل توطن خريجيين الجامعات بالاعمال الي ماتحتاج لها مؤهل جامعي مثل المولات وغيرها من سوق التجزئة وبنفس الوقت الجامعات تضخ خريجين كل سنة اعداد اكثر من السنة الي قبلها.
جربت اشتغلت في مجال بعيد عن التخصص (BIG 4 + بنك) وماكانت مرتاح خصوصاً ان اللي كانو معي خريجين ادارة اعمال وتسويق ومالية … الخ
تنازلت عن راتب ومميزات اعلى علشان اشتغل في شي قريب من التخصص,ومتأكد اذا الله احيانا بعد 5 سنوات انه راح يتحسن الوضع وبنتقل الى شغلة افضل ومناصب اعلى بعد ماكسب الخبرة التخصصية وحتى ممكن ابدأ مشروعي الخاص اذا تمكنت من الشغلة.
امور كثيرة تحكم على هذا القرار زي البيئة والحوافز والقرب من السكن والاستقرار.
وانا مع الشخص اللي يكرف ويتعب في بداية مشواره الوظيفي وهو بعز شبابه (خريج) علشان يرتاح ويستقر مستقبلاً وتتوسع مجالاته ويقدر يكون نفسه ماديأً.
فالنهاية كل واحد ورغبته ووين يشوف نفسه فالمستقبل
امس و اول امس كنت مدعو ل مؤتمر السعودي السابع للشبكات الكهربائية الذكية2017
هالمؤتمر باذخ بشكل كبير غير منطقي مع حالة التقشف الحالية!
جوني بنات مهندسات كهرب وشباب مهندسين عاطلين يبون عمل او تدريب وانا ارد عليهم راجعو موقعنا
الشاهد الوضع محبط وفي فمي عصير قصب السكر 
الزميل العزيز
اذا وضع صديقك المادي قوي خلية يطلع يأخذ دورات متخصصه من شركات قوية او فيما يتعلق ب تكنلوجيا الطاقة الذكية والحلول الذكي رايح يشوف بحول الله راتب طيب
وضعه زينا خليه يشتغل ويشتغل على تقديم لشركات ثانية اذا جاه عرض جيد تركهم
تجربتي ك خريج و اشتغل بغير تخصصي
لما توظف قلت الاتصالات اللي تيجيني من الشركات وجاتني فرصة وحيدة لاني اشتغل بالعمل هذا فهذا نتبيهي او تخوفي فقط
عن عملي و تجرتي
الصدق شديت على عمري و الحمد لله الكل يقدرني الحين
مديري هندي اول الامر يستحقرني و يهيني قول انت علم نفسك بنفسك !! الحين لما ادخل علية بالمكتب ينتفض مني
وانا ما عمري قلت حرف او تصرفت اي ردت فعل طول وقتي لي الحين 5 شهر السبب تفوقت عليه علميا انقطعت عن العالم ثلاث اشهر احفر في التخصص
الى ماخلصت فاهم البيسك بشكل الحمد لله رهيب الاحين اشتغل على نفسي في برامج التصميم و المحاكاة و منقطع الا شوي عن العالم !!
هدفي وجهدي ومعرفتي بيشوفها اي شخص يقابلني و منصبه على انا وانا فقط
ومبسوط جدا من الوظيفة الحمد لله يارب
ما اقل الا روووووووووووووح و لاتوقف تقديم وجرب تخش على شركة العبدالكريم فرع الرياض رواتبهم اعتقد كويسه و بتزورشركات عملاقة !
كل التوفيق يااااااااااااااااااااااااااااااااااااااااااااااااارب