السلام عليكم
هذا الموضوع بيكون لمتابعة إجرائات التوظيف في المؤسسة العامة للري و الصرف
وهذي بعض المعلومات عن المؤسسة :
- مكان العمل : الأحساء
- الإجرائات مثل مافهمت من بعض الشباب : اختبار ( تكنيكال ) - مقابلة و بشكل عام إجرائاتهم طويلة فإذا جاك عرض من شركة او جهة ثانية لا ترفضه عشانهم.
قيمة الاختبار : ( عن طريق قياس ) = 200 ريال
والاختبار يقام في 3 مراكز : الهفوف و الرياض و
(( ياليت الي قد دخل اختبارهم او عنده فكرة يشاركنا طبيعة الأسئلة و المقابلات وكيف الإجرائات بشكل عام )) ,
- بالنسبة للوظائف الهندسية فأغلبها في إدارة المشاريع مثلا هذا وصف وظيفة ( مهندس تحكم )
1/ الإشراف على تنفيذ المشاريع حسب المواصفات
2/ إعداد ومراجعة التصاميم الخاصة بأنظمة التحكم الآلي
3/ اعتماد الدراسات والمواد الخاصة بأنظمة التحكم الآلي "
الشروط :
1/ الحصول على معدل (جيد) بحد أدنى.
2/ يفضل من لديه خبره في مجال التخصص.
صح انها وظيفة حكومية وامان وظيفي واستقرار بس رواتبها ضعيفة جدآ , يعني عندنا في الشركة الفرش يستلم ما يقل عن 14000 ريال وتأمينات و تأمين طبي وبدل سكن ثلاث رواتب و بدل سكن.
ممكن تحطون لنا ايش البدلات و المميزات والحوافز الاخرى في المؤسسة العامة للري ؟
بالنسبة لأختبار هيئة الري والصرف … لما قدمنا الزمونا نختبر الاختبار عن طريق موقع قياس …نسجل بالاختبار وندفع 200 ريال
مكان الاختبار جامعة الملك فيصل اللي بالاحساء…
الاختبار كان 100 سؤال وكلها اختياري نفس نظام اسئلة قياس …
الاسئلة كلها تكنيكال ومن عمق التخصص … يعني يبغالك تراجع المواد مضبوط …وفرصة حلوة لحديث التخرج بحكم ان المعلومات مازالت معه …
انا اختبرت بعد سنتين من التخرج …واظطريت اني اراجع بعض المواد …
كان العدد مرة كبير …اللي اجتازوا الاختبار عدد بسيط … الحمدد لله كنت من ضمنهم “” بعد شهرين تقريبا كانت المقابلة
المقابلة اتوقع على حسب خبرتك او حديث التخرج
بالنسبة لي انا كانت كل الاسئلة عن الخبرة اللي معي …
الاختبار كان شامل بصراحة
كان فيه
دوائر كهربائية
بور
كوميونيكيشن
كنترول سيستم
دوائر رقمية
سنقنل سيستم
الاختبار ماهو معجزة يعني حاول تراجع المواد حتى لو الكونسبت البسيط
مشكلة الاختبار كانت بكمية المعلومات …ولا الاختبار كان سهل … والاسئلة كلها انجلش
معلومة
يمكن لأننا اختبرنا عن طريق قياس كانت الاسئلة شاملة كل شئ
هيئة الري والصرف كانوا فقط مشرفين على قاعات الاختبار
بأذن الله الاختبار يكون اسهل …وبسيط
#2
مهندس ميكانيكي :
طبعا الاختبار يختلف باختلاف التخصص او البوزيشن اللي مقدم عليه … مثلا انا ميكانيكال كانوا مركزين على fluids و thermodynamics و بعض الاسئلة العامة في التخصص … فيه مسائل رياضية كثيرة لكن ما يحضرني شي حاليا
#3 فني تربة
اختبرت بجامعة الملك فيصل
اختبارهم عام نفس قياس الثانوي ، مافيه شي تابع للتخصص…
#4 ( فني تبريد و تكييف )
الاختبار اختبار قياس العادي لكنه اسهل شوي
رياضيات وعربي و ماله دخل بالتخصص
المقابلة عادية جدا وش وظيفتك وش خبراتك هل تقبل بالعمل شفتات اممم راتبنا اقل من راتبك الحالي بالشركة هل يعجبك
متزوج او اعزب عندك مشاكل صحيه ظغط سكر
هذا اغلب الا انذكر بالمقابلة
يعني المقابلة مدتها ماتزيد عن خمس دقايق وبالذات اني كنت سويت مقابلة اخر واحد اتمنى اني افدتكم والله يوفق الجم
اختبار قياس كلها معلومات عامة في المهارات اللغوية ورياضيات
طبعا الاختبار عن طريق الحاسب الالي وكلها اختيارات مدة الاختبار ساعتين
اربعة اجزاء الاختبار وكل جزء له 25 دقيقة وحاول انك تختار بسرعه لان الوقت مو معك
للمعلوميه يعطونك ورقة قابله للمسح وقلم ومنديل تقدر تسوي حساباتك عليها
اهم شئ حل الاسئله كلها واللي ما تعرفه لا تخليه اعطه اي جواب ممكن تكون صح
#7 الوظيفة : سكرتير
الاختبار كان اسئلة عامة مثل اسئلة قياس حق خريجي ثانوية وماهي تلك صعوبة بس وقت يكون ضيق
برغم ان احنا ادارة اعمال بس اسئلة كانت عامة مثل اسئلة طلبة ثانوية
الاجراءات: بعد الاختبار فيه مقابلة و بعد المقابلة فيه اجراءات بس تطول
#8 الوظيفة : مشغل أجهزة حاسب آلي :
تخصصي حاسب آلي وكان الإختبار سهل مافيه رياضيات فقط عن اللغة العربية فكان مثل اللي يختبروه في تخصصات القسم الأدبي
بعد الإختبار بمدة راح يرسلوا لك رسالة فيها تحديد موعد لإجراء المقابلة الشخصية … كانت مقابلة عادية راح يسألوك عن خبرتك ومسيرتك المهنية بشكل عام
أنا مهندس كيميائي وقدمت على وظيفة مهندس جودة وطلبوا مني أختبر اختبار الهندسة العامة فيا ليت اللي اختبروا قبلنا يحكون لنا عن تجاربهم وعن مصادر المذاكرة اللي ينصحوننا فيها ويساعدوننا لأن ما عندنا أي معلومة عن الاختبار
الي اعرفه كلهم في يوم معين خاصة الوظائف الي من نفس الفئة مثلا هندسية.
شيك ايميلك ( junk ) ، لأنهم ارسلوا امس ملف باوربوينت فيه كل المعلومات عن التسجيل ومراكز الاختبار.
ما اقدر ارفعه لأنه ممنوع وكاتبين هالشي في الايميل
&
فيه تسجيل متأخر ( قبل 3 ايام من موعد الاختبار )
انا تم ترشيحي الى وظيفية ادارية في الري وطلب مني اسجل في الاختبار وسجلت! لكن ما عندي اي خليفة عن الاختبار وشلون استعد له صراحة
طبعا الوظيفة تبع قسم الموارد البشرية!
اللي عنده اي معلومات يا ليت يفيدنا
وهل اذا تم ترشيح الشخص له فرصة كبيرة ياخذها ولا عادي تروح عليه؟!
الي فهمته من الشباب إن الوظائف الإدارية فاختبارها بيكون مشابهة لاختبار قدرات الجامعيين و القدرة المعرفية .
اما بخصوص الترشيح فما فهمت قصدك، لكن على العموم اجرائاتهم تطول كثير حتى الترشيح للمقابلة او الإجرائات الي بعدها تاخذ وقت.
الشي الثاني ماعندي اطلاع عن إجرائاتهم وبيئة العمل فيها لكن الي حسيته إن فيه تحسن خاصة بعد ماتحولت من هيئة إلى مؤسسة العام الماضي.
بالنسبة للترشيح هو أولا لازم تعدي الاختبار من بين مئات المتقدمين و بعدها اذا حققت الدرجة المطلوبة اللي هي ما احد يدري كم تدخل على المقابلة الشخصية … طبعا المقابلة ما فيها شي تكنيكال او تخصصي أبدا و هي مجرد سواليف و مفاوضات على الراتب فقط و بعدها تطلع و انت مبسوط و تجيك رسالة رفض و تنتهي القصة هذا اللي صار لي … موفق
انا اتفق معاك نوعا ما …
بالنسبة للهندسة الكهربائية … كان العدد كبير …وبشكل عام عدد الللي حضروا الاختبار العدد كبير جدااا…
لكن تفاجأت من العدد اللي تم استدعوهم للمقابلة … يمكن 10 % من العدد الكلي للي دخلو الاختبار …
يعني الكهرباء فقط 19 واحد تم استدعائهم للمقابلة …
الحمد لله كنت من ضمن اللي تم استدعائهم للمقابلة …
المقابلة كانت مع 3 اشخاص
واحد مركز على الوقت
والثاني يسأل أسلة عامة
والثالث ركز على اسئلة تكنيكل … “”" كانت عندي خبرة وكل أسئلته حسب مجال عملي “”
بشكل عام كانت دردشة اكثر من انها مقابلة رسمية …
الحمد لله كنت مبسوط … وجاوبت على كل الأسئلة … " كنت متوقع اني راح اكون من المقبولين لأنهم كاتبيين الأفضلية للي عنده خبرة …
لكن للأسف … ماكتب الله لي القبول …والحمد لله على ذلك …
بعد ماطلعت النتائج …كنت مرتاح وقلت يمكن خيرة من الله …وربي بيعوضني بأفضل منها
بعض الاشاياء حابب اذكرها :
الاجرائات مرررررة طويلة يمكن اكثر من 8 شهور
كل شئ كان مبهم …يعني الألية مو واضحة … مثلا العدد المطلوب ما كان مذكور… وكيفية اختيار المرشح النهائي …درجة الاختبار كم ؟! المقابلة على اي اساس التقييم ؟!
…وبنفس الوقت لما رحت وسألتهم قالي هذي اسرار عمل …
للأمانة , تحسفت على ال 200 اللي دفعتها للأختبار لأني اشوف من الظلم انك تطلب مني اني اختبر …وما تعلن اقل شئ النتائج …
عموما هي كانت تجربة …وتعلمت منها
الحمد لله بعد ما طلعت النتائج بأسبوعين … ربي عوضني بأفضل منها بكثيرررررررررررر …
بالنسبة للناس اللي قدموا …
- استعد للأختبار …وابذل جهدك فيه … وبأذن الله بتتيسر
- اذا نجحت وترشحت للمقابلة… تدرب عليها وقراء تجارب سابقة راح تفيدك
- وبعد ماتطلع النتائج … اعلم انه اولا واخيرا " ان الرزق بيد الله … ولو سامح الله ما ترشحت … لاتتذمر … اعتبرها تجبرة … وربي كاتبلك افضل منها …
للمعلومية انا ترشحت مرة ثانية … لكن ماني حابب اعيد التجربة …
اخوي بالنسبة للاسئلة في الهندسة الكهربائية كيف يكون محتواها و هل هي باللغة العربية ام الانجليزية و هل يشبه اختبار هيئة المهندسين FE المقام عن طريق قياس اتمنى الرد و جزاكم الله خير جميعا على ما تقدموه
