كلنا يعلم أن الجامعة بالتعاون مع شركات عدة تُقيم معرض للتوظيف، هذا المعرض يشارك فيه عشرات الشركات.
لكن السؤال الذي يدور في خلدي ولم أَجِد له جوابا واضحاً ألا وهو جدية الشركات المشاركة في المعرض بتوظيف عدد من الخريجين أو المقبلين على التخرج
الى هذا اليوم لم أسمع (على الاقل ممن اعرفهم) أن شخصا حصل على وظيفة من خلال هذا المعرض، فالغالبية العظمى من الخريجين يحصلون على وظائفهم من خلال اما التقديم الالكتروني(شركات كبيرة) او تقديم يدوي (شركات متوسطة وصغيرة) والغالبية العظمى هذه تجد الفرصة الوظيفية بعد مدة ٣-٨ أشهر من التخرج
ارجوا من الجميع المشاركة والاجابة على السؤال: هل معارض التوظيف نجحت في تنفيذ الهدف المرسوم لها الا وهو توظيف الخريجين؟!
شوف اخوي نصيحة لاتسمع كلام اللي يقول المعرض مامنه فايدة ولاتروح يمكن يجيك رزقك من المعرض ماتدري. يمكن بطريقة تحدثك تعجب الشخص هناك ويسجل لك مقابلة وتتوظف. أشخاص كثير توظفت من المعرض او على الاقل جاتهم مقابلات منه. على طاري المعرض اعتقد راح يكون في واحد الشهر الجاي
امس قريبي جاه اتصال من اليونيليفر (معاه ماجستير ادارة اعمال) عطوه موعد عشان المقابله مع المانجر اون لاين طبعا
انا كذلك جاني اختبار ع الايميل من شركة آل سالم جونسون كنترولز واختبرته الحمدلله بس عاد مدري متى الرد (بعض الشباب اللي اعرفهم عملوا مقابلات بنفس اليوم بدون اختبار ولا شي)
ارامكو نفس الشي عملت مقابلات مع الشباب اللي معدلاتهم 3.5 من 4.00 وانت طالع
الزبده يازميلي كلنا عن طريق اليوم الهندسي اللي كان قبل كم يوم بجامعة الملك عبدالعزيز
نصيحه ابعد عن السلبيين والمحبطين اللي يقلك ماوراه سالفه ويوم بس كذا ع الفاضي وتضييع وقت
اتوكل على الله وهو خير وكيل
بالتوفيق ان شاءالله للجميع
لما تجي تحلل الوضع ياصديقي بتلاحظ ان الوضع متعب جدًا, السؤال ليش ؟
1- مافيه نسبة سعودة متخصصة بالتخصصات: مثال :
المفروض في شركة كونستراكشن يكون عدد المهندسين السعوديين (…)
وتكون نسبة عدد الفنيين السعوديين (…)
وتكون نسبة الوظائف المكتبية للسعوديين (…)
وماإلى ذلك …
ماتجي شركة توظف 10 حراس أمن سعوديين عشان تستقدم 40 عامل أجنبي بغض النظر عن وظيفته والبوزشن حقه !!
انا مااعرف صراحة متى أجريت الاحصائيات وحاولت أدخل موقع هيئة المهندسين السعوديين لمشاهدة التقرير ولكن لم أتمكن من الوصول إليه
لو افترضنا ان الصحف والاعلام يبالغ قليلًا … ع اكثر احصائية ماوصلوا عدد (المهندسين السعوديين) في (السعودية) (20%) ؟؟؟؟
طيب الان أنت تلقي العتب على الشركات اللي معتمدين اعتماد كلي على الاجانب أو تلقي العتب ع المهندسين السعوديين اللذين الى الان يدخلوا تخصصات هندسية ؟؟
ماأقصد بكلامي إني أحطمك والشغلة ماهي قطع أرزاق العالم ولكن كل كلامي إن الاولى للمواطن/ة السعودي ثم الاجنبي.
الرزق على الله مااختلفنا ولكن الوضع يبي له مراجعة وإعادة ترتيب أولويات.
آسف ع الاطالة وأتمنى ماأزعجت أحد بكلامي ولكن كان كلام بخاطري وقلته.
الحمد لله على كل حال والله يرزق الجميع من واسع رزقه.
فيه عدد جيد من الخريجين توظف عن طريق معارض التوظيف لكن بشكل عام معارض التوظيف نسبة كبيرة من الشركات فيها جاية للدعاية وشو أكثر من رغبتها في التوظيف بس بين هالشركات فيه كم شركة جادة في التوظيف.
و مايمنع تروح للمعارض إلا لو كانت بعيدة عنك ، عن نفسي جاتني تقريبا 6 مقابلات و عرضين من شركات قدمت عليها في معرض التوظيف وأعرف على الأقل 10 أشخاص توظفوا عن طريق تقديمهم في معارض التوظيف سواء البترول أو معرض الظهران
الخلاصة إن فيه توظيف عن طريق معارض التوظيف لكن مب بالمستوى الي يتوازى مع الدعاية والإعلانات الي تصير للمعرض ، فيحتاج تطور المعارض أكثر من ناحية التنظيم و قبول الشركات .
فالواحد يسعى ويحاول يروح للمعارض على الأقل عشان يريح ضميره و إنه سعى للوظيفة و نفس الوقت يحاول يقدم بالطرق الثانية
الواحد يجتهد ويعمل بالاسباب
انا بعد شهرين من يوم التوظيف اللي كان اقيم بالمركز معارض الظهران الدولية تواصلت معي شركة قدمت عليهم وقتها وكان عندهم احتياج
لدرجة انوا المقابلة كانت دقيقتين يشوف لغتك كويسة ويعطيك العقد وقتها مباشرة
مع العلم انتشر مقطع بعد المعرض اطنان من السير الذاتية تاركينها الشركات في المعرض
شركات ك p&g و سابك وبعض اقسام ارامكو ( حتى لو سوت مقابلات) ( زينة بس)
بعض اقسام ارامكو تجري مقابلات الهدف منها التوظيف وجادة فعلا
بس بعض الشركات تفتح التقديم اون لاين للي حضر واللي ما حضر
البعض الاخر من الشركات الصغيرة يستلم السي في للي حضر ويسوي معه مقابلة يشوف كيف يتلكم وهو جاد بالتوظيف
البنوك لا اعرف عنها شي اطلاقا
ردي ممكن يكون سلبي في نظر البعض وممكن يكون ايجابي، ليش الواحد يتعب نفسه على دوام شركات من ٨ل٤ او من ٨ل٥ ستة ايام في الاسبوع وفي منطقة غالباً او بنسبة ٩٠٪ خارج المدينة اللي عايش فيها وفي حين يقدر يقدم على وزارة الدفاع ويتعب ٩ شهور وبعدها يستلم راتب متوسطه ١٤٥٠٠ ريال من غير البدلات الثانية اللي تختص بالادارة او القوة او السلاح اللي يتعين فيه؟ تشتغل وتكسب خبرة هندسية بحتة في مجال تخصصك مع رتبة ملكية واذا طفشت قدم تقاعد والتحق بإي شركة براتب لايقل عن ٢٠ الف. ايجابيات وزارة الدفاع راتب عالي وطبيعة عمل مريحة وخبرة قوية جداً ومكانة اجتماعية بطابع عسكري في حين سلباتها اقتصر فقط على مدينة التعيين وهذه السلبية مشتركة بين وزارة الدفاع وبين الشركات ذات الطابع المدني. نصيحة اللي دور وتعب وما حصل وظيفة يلحق ويقدم على دورة ٤٦ انا ندمان اشد الندم اني ناقدمت على دورة ٤٤ وراحت سنة من عمري ولكن الحمدلله باقيلي شهرين واتخرج من دورة ٤٥ واعلق نجمتين براتب عالي وخبرة مستقبلية جبارة.
