انا على رأس عمل وجاني عرض وظيفي اخر، ماهي ألطريقه السليمه للانضمام للشركه الاخرى؟ يوم قبلت الاوفر من الشركه الاخرى مكتوب أني لازم انجح في الفحص الطبي عشان يمديني انضم للشركه، قلت لهم خلاص انا بسوي الفحص الطبي وإذا نجحت فيه خبروني عشان أكلم شركتي الحاليه بهذا الخصوص… امس جاني اتصال منهم أني الحمدلله عديت الفحص الطبي، وقلت لهم هل ممكن انضم معكم بعد شهرين من الان بسبب Notice Period… قالو مافي مشكله ننتظرك بشكل شفوي، هل هذا يكفي ولا أقولهم أبغى شي إثبات انه اوكي انضم معكم بعد شهرين من تاريخ إرسال الايميل او مثلا يكتبون لي لتر ويدزونه يوضح انه اوكي بالنسبه لهم…
السلام عليكم
انا صار معي تقريبا موقف مشابه
سألوني اول شي متى اقرب وقت تقدر تبدا معنا قلت لهم شهرو بعدين أرسلوا لي العرض الوظيفي و كانت مدة صلاحيته شهر و النسخة الأصل معي … طبعا في نهاية الأمر انا ما رحت و استمريت بعملي الحالي … لكن الي حاب اوصله لك خلي عندك شي رسمي مثل العرض او غيره يوضح الشي هذا… لأنه نظاميا ما تستطيع توقع عقدين بنفس الوقت
نفس الكلام الي صار شفويا, حاول تاخذه عن طريق الايميل
كلام اخينا بالاعلى سليم جدا لابد من وجود شي ملموس لان الكلام الشفهي ليس اثبات نهائيا لماذا لاتحاول مع شركتك الحالية بشكل ودي ولا اذا تقدر تدفع المبلغ المطلوب اذا كنت فعلا متحمس لتلك الوظيفة وهي افضل من وظيفتك الحاليه ع العموم كلم الشركة وخليهم يرسلون لك العرض ومدته شهرين مثلا لكي يطمئن قلبك
حسب معرفتي والله أعلم إنه نظاميا تقدر تشتغل في شركتين بنفس الوقت. انا اتكلم بهذا الخصوص لان ممكن يطلب منك تسلم مفاتيحك ولابتوبك وبطاقة عملك فور انك تطلب مهلة الشهرين والسبب انك رايح لشركة منافسه.
المصدر: التأمينات الإجتماعية - البند الثالث ، المادة رقم عشرين
نص المادة:
مــادة ( 20 )
المشترك الذي يعمل لدى أكثر من صاحب عمل ، يلتزم كل صاحب عمل على حدة بأن يؤدي كامل الاشتراكات التي يستلزمها النظام ، وعلى أساس أجر الاشتراك الذي يدفعه للمشترك ، على ألا يتجاوز مجموع أجور الاشتراك لدى كافة أصحاب العمل الذين يعمل لديهم المشترك عن (45000) خمسة وأربعين ألف ريال شهرياً ، فإن تجاوز هذا
القدر يخفض ما يخضع لحسم الاشتراك لدى كل منهم بنسبة تتناسب مع الأجر المستحق لديه منسوبا إلى مجموع الأجور ، ويحدد المحافظ التفاصيل اللازمة لتطبيق هذا الحكم .
للتنويه: أنا مو مختص في قوانين العمل، فممكن يكون تفسيري للبند غير دقيق
لا تقدم الاستقالة لشركتك الحالية الى ما يجيك ايميل رسمي يفيد بتاريخ المباشرة او توقيع العقد … غيره حتى العرض الوظيفي يعتبر غير رسمي و انما هو اتفاق مبدئي على بعض بنود العقد و قد يلغى في أي لحظة انتبه…
شي غريب جدا يعني اي شركة محترمة لازم بيوصلك منهم خطاب رسمي يفيد بتاريخ المباشرة او تقديم الاستقالة من عملك الحالي … نصيحتي الكلام الشفهي ممكن يوديك في داهية و الاخوان ممكن يبدوا رأيهم في هالموضوع
التواصل مع الشركة الجديده وردهم لك كان عن طريق الايميل ولا لا؟ اذا ايميل خلاص قدم استقالتك لان ردهم بالايميل كافي ك دليل
او
شوف تبي ترتاح اذا الوظيفة الجديده طيبه ومتحمس لها كلم شركتك الاولى وحاول بشكل ودي مانفع قل لهم ابدفع شهرين الانذار واذا وافقو ارسل لشركه ذيك انك انهيت اجراءتك ودفعت الشهرين وجاهز للمباشره في غضون ايام قليله واذا ردو عليك بنرسل لك العرض واستلمته ادفع الشهرين وخلص عمرك من القروشه هذي كلها وصدقني راتب الشهرين غيرك من العاطلين لو تقولها ادفع خمسين الف ونوظفك وظيفة محترمه ليدفعها ريح نفسك من التعب ولايكون امور زي كذا تقروش حياتك من اولها