انا خريج فرش هندسة كهربائية وخلصت مقابلتين بكل من ارامكو وشلمبرجير
ارامكو انقبلت ب قسم الـ Power system وبانتظار الاوفر
وكذلك شلمبرجير متفائل بشكل كبير انهم يقدمون لي عرض
في حال جاتني الشركتين, ايش اختار بينهم لان صراحة على كثر ما سئلت ما لقيت الرد الكافي
ياليت اهل الخبرة يفيدونا وكل واحد عنده معلومات يقول وجهة نظره مع الاسباب
اتمنى اشوف اجابات عميقة اكثر مو بس مثلاّ “شلمبرجير كرف اكثر ورواتب اكثر”
ابي تشرح لي ليش كرف اكثر, مثلاً ما عندهم اجازات ويكند, دوام 12 ساعه وهكذا
اتمنى المقارنة تكون من جميع النواحي والناس اللي شغاله بالشركه اكيد بتكون عندها معلومات اكثر
و عليكم السلام
ماعندي خبرة بالموضوع لكن بأنقل لك تجربة واحد من الأقارب اشتغل في الشركتين وخبرته 15 سنة تقريبا ( اشتغل مع شلمبرجير تقريبا 5 سنوات وانتقل لأرامكو بعدها )
كراتب و مميزات في البداية ومستعد تضغط نفسك وتنحرم من الحياة الاجتماعية لفترة مب قليلة عل الأقل 3 سنوات فشلمبرجير مناسبة لك ، يمديك فيها تكون نفس وتوفر مبلغ و تأسس نفسك
لكن المميزات هنا في مقابلها ضغط عمل و شبه تقطع علاقتك الاجتماعية او تقللها ( ممكن هالشي الحين يكون عادي بالنسبة لك لكن لما تكون مرتبط بعائلة راح تواجه مشاكل خاصة إذا الطرف الثاني ماكان متفهم لهذا الموضوع أو عندك أطفال )
اما رامكو ف أمان وظيفي و رواتب جيدة ومعقولة , و طبيعة العمل ( صحيح تختلف على حسب الديبارتمنت و المشروع الي تشتغل فيه ) لكن احتمالية انك تكون في ظروف وكرف مثل شلمبرجير تعتبر أقل على كلامه . بالإضافة لهذا الشي بإمكانك تعمل سواب و تبادل مع موظف لو مثلا المنطقة الي تشتغل فيها ما ناسبتك ( صحيح ممكن ما تحصل احد الا بعد فترة طويلة ) لكن على الأقل فيه احتمال.
طبعا لاتعتبر الكلام فوق صحيح 100 % لأني ناقل له ويمكن فهمته خطأ في بعض النقاط لكن تقريبا كان هذا رايه وعلى كلامه لو يرجع فيه الزمن و يخير بينهم , راح يختار ارامكو
يعطيك العافية اخوي شدعوة, شكراً لانك شاركتنا رأيك استفدنا منه كثير
بالنسبة لـ K 94 , مكان تعييني بارامكو على كلامهم بالمقابلة الثانية بيكون ب جازان
ولنفترض مثلا جاني قسم الوايرلاين ب شلمبرجير, كذا الكفة بترجح لمين؟
اذا رجعت الBase الراتب يكون نفسه ولكن الفرق ما يجيك البونص حق الفيلد … والدوام 5 ايام نفس ارامكو 8 مدري 9 ساعات , الويكند رسميا ما فيه دوام ولكن لو حصل طارئ بالعمل او مشكلة كبيرة ممكن تضطر تجي الBase او تحل المشكلة من بيتك
أنت قلتها بنفسك شمبلرجير كرف و رواتب و أكيد قطع علاقات اجتماعية
إذا أنت عزابي و ما عندك ارتباطات بالأهل و عندك نية تأخر الزواج ثلاث سنين روح شلمبرجير بتاخذ راتب قوي و صرفيتك بتكون قليلة جدا
و تبدأ حياتك المهنية بشكل قوي جدا خصوصا أنك شباب و بتعطي كثير و بعدها دور الراحة و الاستقرار
سؤالي بخصوص أرامكو
كيف عرفت أن أرامكو قبلوك و قاعد تستنى الاوفر ؟؟
أنا عملت معاهم مقابلة في power system و عملت الاختبارين و بعدها ما في شيء جديد و لا أدري عن وضعي بالقبول أو الرفض
السلام عليكم
اخوي انت لازم تعرف ايش تبغى ووين تشوف نفسك على المدى الطويل و هذا اللي يحدد العمل الافضل لك
هذي بعض الاسئلة اللي ممكن تساعدك في اتخاذ القرار المناسب:
- هل انت مستعد تشتغل في الرقوق لمدة ما تقل عن 5 سنوات؟
- عندك مانع تتخلى عن تخصصك مقابل المميزات المادية ؟
- تحب عمل الفيلد بحيث انك تشتغل بيدك ؟
- عندك قدرة على تحمل ساعات العمل الطويلة جدا ؟
- عندك روح التحدي و المغامرة ؟
- عندك استعداد تحصر خبرتك في شركات خدمات النفط ؟
اذا كان معظم الاجابات نعم روح شلمبرجير …اذا العكس ارامكو افضل لك
بالنسبه لشلمبرجير…الاقسام تفرق عن بعضها كثير…بالنسبه للانجنييرز اللي يتشابه الراتب والروتيشن بالنسبه للسعوديين ( 6 اسابيع ب 4 )) بس الاشياء الثانيه تقريبا الكل مختلف…يعني البونص + الكرف + الشفت + مدة التواجد في الفيلد
مثلا الوايرلاين يجلسون اقل نسبيا بالفيلد بعض الاحيان حتى 8 6 ساعات ويرجع البيس…بس لما تتكلم مثلا عن الD&M ولا التستنق.الانجنير ممكن يجلس كل الروتيشن بالفيلد عادي يعني ست اسابيع مايشوف اهله وناسه…البونص يفرق بعد…البونص اللي ياخذه التستنق انجنير باليوم غير اللي ياخذه الd&m انجنير…الوايرلاين انجنير مايخذ بونص باليوم اصلا ياخذ نسبة من تكت الjob اللي يسويه يعني جلست يوم ولا اسبوع يعتمد ع قيمة التكت مو ع عدد الايام اللي تجلس…الجهد والتاسكات اللي تسويها بالفيلد بعد تختلف من قسم لاخر…الامان الوظيفي برضو يختلف ع حسب القسم…مكان الschool بعد تختلف من قسم لاخر…في بفرنسا في بابوظبي في الUS…فترة التدريب تختلف من قسم لاخر بعد
عشان كذا انت ماتقدر تحدد وين وتفرق بين الشركتين الا لمن تعرف وش القسم اللي انقبلت فيه…بس شلمبرجير لاتقكر فيها الا اذا بتتحمل الtough life وانا اشوف ان ارامكو اسهل بكثير من شلمبرجير…بس كتطور شلمبرجير هي الافضل…بعد 8 سنوات الانجنير عادي يصير منجر بشلمبرجير عكس ارامكو…بشلمبرجير عندهم خطه واضحه في التطوير والقريدات يعني في كورسات وتاسكات وبرزنتيشنات بعد ماتسويها تكون مستحق للقريد وهكذا
تعديل بسيط : الوايرلاين معظم الاوبريشنز في بيس الظهران حاليا والعضيليه باقي جزء بسيط وراح ينقلوه برضو للظهران بيس والدمام بيس الجديده لان بيس العضيليه راح تسكر قريبا…ونفس الكلام بينطبق ع باقي الاقسام.
الشباب ما قصروا وفيه نقطة حابب أضيفها وهوا الفرق بين شركات الخدمات والشركة المشغلة.
عندك ارامكو في المناطق النائية الموظف نوعا ارقى من باقي موظفين الشركات الثانية من ناحية الخدمات. على سبيل المثال حاليا انا اشتغل في الرّق مع شلمبر اسكن في غرفة فيها ٢-٤. مافي خدمات خاصة فينا عكس موظفين الشركة المشغلة وهذا شئ طبيعي. موظف ارامكو يكون عنده سكنه الخاص والمجلس الخاص بموظفين ارامكو وخدمات اخرى.