السلام عليكم
تم الاتصال بي من شركة ابن سينا لكن كونتراكت مع اليسر للمقاولات الصناعية
صراحةً انا مو فاهم كيف بيكون وضعي
يعني لو احد يفهمني كيف الوضع بالضبط ايش الفرق كونتراكت عن ابن سينا دايركت وهل اقدر اترسم وغيره
وكيف الرواتب
1 Like
و عليكم السلام
يعني بتكون موظف بعقد مع شركة اليسر لكن عملك بيكون في سابك خلال مدة عقد شركة اليسر مع سابك.
وغالبا سابك و ارامكو لو مثلا انتهى او أنهت العقد مع شركة من شركات الكونترات فالموظفين تحولهم على شركة كونترات ثانية ويستمرون مع سابك
مثلا كنت تشتغل في اليسر وانتهى العقد ، الي بيصير ممكن انهم يحولونك على شركة جال الي متعاقدة مع سابك.
يعني بإختصار تشتغل في سابك لكن تعتبر موظف في شركة اليسر.
بخصوص الترسيم فهو مب اكيد لكن على كلام واحد من الموظفين في سابك يقول فرصة ترسميك في سابك أكثر من ارامكو خاصة لو كان أدائك مميز واجتهدت بس طبعا الترسيم ماراح يجي بسرعة ممكن تنتظر 3 سنوات و أكثر و ممكن أقل.
وشوف هالحساب فيه بعض التغريدات من موظفين في سابك ، ممكن تستفسر منهم
ملتقى موظفي سابك (@SABIC_EMPLOYEES) | Twitter
بالتوفيق
1 Like
الله يعطيك العافية كفيت ووفيت كلامك واضح وضوح الشمس
اشكرك على وقتك بالرد❤️
اخوي وش الطريقة اللي استخدمتها بالتقديم
1 Like
والله انا ماتذكر قدمت عليهم واستغربت من اتصالهم ممكن من الليكند ان
سلام عليكم ورحمه الله وبركاته ،،
ياشباب في أي معلومات عن شركة اليسر ؟
من ناحية الرواتب وطبيعة العمل
وهل عملهم صيانة وتشغيل فقط للمصانع أو SMP لشركات الجبيل
إلي عنده معلومة ياليت يفيدنا وجزاكم الله كل خير.
1 Like
السلام عليكم
اخوي ترى هذا نظام سابك الجديد تجيب الناس عندها كنتراكت وخلال سنه او سنتين بالكثير ترسمهم … ولا تشيل هم الترسيم ابدا
انا اقول نصيحه لاتفوت فرصه مثل كذا
مهندس سعيد ،،
هل انت موظف في نفس الشركة ؟
كيف طبيعة العمل والرواتب ياليت تفيدني بالي تعرفة والله يجزاك كل خير
مرحبا اخوي
ايه الحمدلله انا شغال بسابك الحين عن طريق شركة كنتراكت اللي هي السويدي…
والفرق بيني وبين موظفين سابك لون البطاقة فقط هم ازرق وانا اصفر ومافي فرق في المميزات الثانيه.
من ناحية الرواتب تختلف من شركه لشركه من شركات سابك وتختلف من شركة كنتراكت لاخرى … لكن بالمجمل انها رواتب زينه للفرش… والاهم انه الترسيم خلال سنه الى سنتين… وبالتوفيق
ماقصرت يا مهندس سعيد ،،
حسب مافهمت من HR أني بكون موظف على الشركة وليس SMP
هل النظام SMP غير مطبق في شركات الجبيل ؟
حسب ماقرات ان هذه الشركة وظيفتها صيانة وتشغيل وإنشاء مصانع في الجبيل ومتعاقده مع شيفرون وسابك وكم شركة ثانية
وعندي كم سوال إذا سمحت:
- كيف سمعه AYTB في الجبيل بين الشركات ؟
- هل تعرف شباب سعوديين يمدحونها ؟ اغلب الي لقيتهم في المواقع غير سعوديين
- هل يوفرون سيارات (بحكم إني ساكن في الخبر)؟
وشكرا لك
اخوي دام سابك دقوا عليك عشان المقابله فوضعك ممتاز ونفس فكرة ارامكو SMP
عندي بالدوام واحد (اجنبي) نفس وضعك توني سألته يقول دقوا علي سابك عشان مقابله وبعدها وظفوه بالشركه هذي ويقول انها كويسه
- كيف سمعه AYTB في الجبيل بين الشركات ؟
بخصوص سمعة الشركه انت مالك علاقه فيها مجرد عقدك معاهم واذا باشرت الدوام بشهرين سابك بيعطونك عقد ثاني الراتب راح يكون اعلى وتامين طبي افضل.
- هل تعرف شباب سعوديين يمدحونها ؟ اغلب الي لقيتهم في المواقع غير سعوديين
ماعرف احد فيها سعودي
- هل يوفرون سيارات (بحكم إني ساكن في الخبر)؟
لا، حتى باص سابك ماتقدر تستخدمه الا اذا ترسمت.
اخوي حياك الله في شركه اليسر للمقاولات AYTB اولا شركه اليسر تفضلها سابك عن غيرها من ناحيه العمال اللي يجيبونهم بعقود سنويه.
اذا انت مقدم بالدبلوم بتكون operator او Inspector او technician على حسب الحاجه في الاقسام في الشركه
بالنسبه لي انا صار لي اشتغل معهم الحين ثمان شهور ويقولون الترسيم ممكن بس شد حيلك.
كان في Mechanical Engineer جاي تبع ِAYTB واستمر معهم بس عشر شهور بعدين رسموه
باالنسبه للترسيم على حسب حاجه القسم واذا كان في شاغر وضيفي Vacancy او لا
بخصوص الرواتب اذا كانت شهادتك دبلوم الراتب فل تقريبا حدود 4500 الى 5500 تقريبا اما اذا كنت مهندس الراتب يكون للفرش من 7000 الى 9000 طبعا فل بكج كلهم وتختلف على حسب الخبره واذا احتجت اي معلومه بخصوص شركه ابن سينا انا موظف فيها اقدر افيدك
1 Like