السلام عليكم ،
جاني ايميل دعوه لمقابله تيكنيكال في الخبر من قبل شركة معادن ، م ادري هل هي معادن للالمنيوم أو الفوسفات ( ماكان موضح بالايميل ) ولا حصلت ايضا اي وسيلة للتواصل مع الشركه.
هل الشركه تتكفل بمصاريف الرحله للدمام ؟ والي عنده اي معلومات عن المقابله ( هندسة ميكانيكا ) اتمنى يفيدني فيها .
شاكر لكم
مثلك ولا عندي اي خبر …
ياليت الشباب يفيدونا
اي تاريخ مقابلتك ؟
الاحد ٦ مايو
Up
الله يوفقك اخي الكريم
الشركات المحتمه يقولون لك بعد المقابله من وين جاي ويتكفلون بقيمة الطيران حاول تقولهم عن هالنقطه بعد المقابله
اسأل الموظف الي يستدعيكم
وعطنا انطباعك عن المقابله انا بعدك الخميس
واعرف بعض السمات لان فيه رسم وكذا على كلام المقابلين سابقآ والله يوفقك ويكتبلك الخير
ياشباب
ياليت اللي يخلص مقابلته يشاركنا وش صار معه للفائدة مع ذكر تخصصه …
يعطيكم العافية 
يا ساتر وش الخميس اقصد الاثنين بكره ان شاء الله
الله يوفق الجميع الي كانت مقابلاتهم اليوم ياليت يفيدونا شكككرا
المقابله كانت عباره عن ثلاثة أشخاص، وكانت من نوع المقابلات الي انت تحدد مجراها عن طريق التعريف بنفسك وعلى أساس التعريف تبدأ تتشعب الاسئله من قبلهم.
بعض المقابلات يكونون راسمين اسئله مسبقاً لك، لكن هذولي لا … ماشين على مجرى معلوماتك الي تعطيها وتنسأل عنها.
كان في نقاش عن بعض المواد بالترانسكريبت، ايضاً نقاش مطول عن مشروع التخرج وبرضو بعض النقاط الآخرى المكتوبه بالسي-في تم سؤالي عنها.
وين تشوف نفسك بأي قسم؟ أوبريشن، صيانه ديزاين … الخ وليش
وش سويت من وقت التخرج لين الان ؟ هل عندك قابليه تتنقل لان مو شرط تكون برأس الخير ؟
مُجملاً مقابله كانت حبيّه مافيها توتر أو تحجير. والله يكتب لي ولكم الي فيه الخير، دعواتكم.
بالنسبة للمقابلة ( ميكانيكال )
كانت مقابلة خفيفه ولطيفة … اللجنة مكونه من ثلاث اشخاص والبداية كانت عرف عن نفسك بعدين سالوني عن وظيفتي السابقة وليه تركتها عن التدريب التعاوني ومشروع التخرج ايضا كان فيه سوال عن الدورات اللي كانت بالCV
ايضا كان فيه سوال ماعندك مشكله تتوظف باي مكان
هذا والله اعلم
فالنا وياكم التوفيق 
الله يوفقكم جميعاً ويكتب لكم ما فيه الخير والصالح
ان شاء الله تكون باقي المقابلات سلسه وخفيفه والله يكتب لنا جميعاً هالوظيفه ان كان فيها خير لنا وصلاح لذاتنا
الف شكر لكم ويعطيكم الف عافية.
ممكن الإفادة , كم استغرقت مدة المقابلة ؟
وهل تم تعويض القادمين من برا الشرقية ؟
لا يتم التعويض عن أية تكاليف للاسف سواء تذاكر طيران أو سكن
بيض الله وجهك اخوي اشكرك ماقصرت. هل فيه مواد معينة ممكن نراجعها الليلة للميكنكل ؟ يعني تعمقو بشي معين مثلا بالثرمو او الفلودز ؟ شي تنصح نراجعها الليلة قبل المقابلة بكره والله يجزاك الف خير …
لا ابدا مافيه اسئلة تكنيكال كلها اسئلة عامة في التدريب التعاوني والمشروع
فالك التوفيق 
ردو