السلام عليكم و رحمة الله و بركاته …
أشكر جميع القائمين على المنتدى …
أنا خريج هندسة ميكانيكية May-17 و مبتعث سابق … بعد ٣ أيام أكمل سنة كاملة من البحث عن وظيفة. ما في شركة ما قدمت عليها و ما في مقابلة ما حضرتها، لكن لا جديد …
كلية الملك خالد العسكرية ب تفتح التقديم على دورة الضباط الجامعيين بعد كم يوم، في أحد عنده فكرة عن الموضوع يشور علي ؟ حاب أسمع أرآيكم و وجهات نظركم … و الي عنده معلومات عن الضباط المهندسين في الخرس الوطني أتمنى يفيدني، بأي معلومة سواء راتب ار طبيعة عمل …
ألف شكر …
ادخل الحرس بلا نقاش
طيب تكلم ليش ؟ اعطيني معلومات مو بس كذا خش الحرس !!
لك سنة عاطل هذا سبب كافي انك تدخل الحرس
والمميزات كثيره بالحرس راتب ١٣ وفوق
عيبها شي واحد يحطونك بالمكان الي يبون
ياغالى. الوضع الان تعبان وانت لك سنه. والعطاله لحالها تنفس فيك فما بالك بمده اكثر من سنه. سنه عاطل حلوه لا تزيد اكثر وانت بالبيت تعرف الشركات راح يسألونك عن المده اللى انت جلست فيها فاضي وراح تكون ضدك بالمقابلات. اذا انقبلت بالكليه العسكريه روح بدون نقاش. ولا تحسب القبول بالساهل فيها. فيه تصفيه وخريجين الهندسه كثير. دزز والله ويوفقك وقدم
يعني أنت محتار و باقي ما سجلت بالتقديم , العسكرية طول بالك معاها و لا تنصدم ممكن من أول فرز تطير
لا تضمن شيء حتى تباشر بالوظيفة بأي قطاع كانت
اللي قريته بالمواقع ممكن يصدمك العدد المحتاجينه من نسبة المتقدمين يعني زي ماقال الاخ صالح القبول راح يكون صعب المحظوظ اللي بيكون تخصصه عليه طلب.
والتصفيات كثيره من والمقابلات والاختبارات والمبدئي…الخ
بالنسبه للحرس المستشفيات اتوقع من الافضل عسكريا والعلاج يشمل الوالد والوالده وعائلتك اذا متزوج.
الرواتب والتعيين على حسب تخصصك والقطاع تفرق من مكان لاخر وبحكم انك عاطل راح يكون الراتب ممتاز بالنسبه لك نقول من ١٢ وطالع.
بيئة العمل العسكريه تعتمد على اشياء كثير ماتقدر تعرف وش بتكون.
الحرس كويسه ورواتبهم ممتازه بس عيبهم ان القبول فيها صعب فيه اختبارات ومقابلات والعدد اللي يبون قليل للاسف اذا هو نفس النظام القديم! انصحك ان ماقبلوك تقدم على الامنية
وصلني موعد لاختبار احد عنده خلفيه عنه ؟
سلام عليكم اخوي،، انت وش تخصصك وهل جاك اتصال او رسالة؟
تخصصي الكترونيات ارسلولي رساله ع الجوال
اخوي انا هندسة كهربائية… هل انت يوم سجلت اخترت الكترونيات وطلعت لك الاقسام مثلي انا الشئون الفنية وسلاح الاشارة؟ او اخترت الكترونيات بس؟
مقدم على الكهرب انا واللي ارسلولي الشؤؤن الفنيه، والرساله تجيك على حسب القسم اللي يقبلك واحتياجه انتظر والله يكتب اللي فيه الخير.
يعطيك العافية اخوي ومتفائل باذن الله ان سلاح الاشارة يكلموني لان اتوقع ماعندهم اختبار بس مقابلة. وبالنسبة لاختبار الشئون الفنية سمعت انه اساسيات التخصص وتحليل الدوائر يعني ان شاء الله امورك سهالات باذن الله
ان شاء الله سهل ماحصلت معلومات عنه والله.
بالتوفيق لك يارب فعلا المقابلة اسهل استغربت انه طالبين اختبار واللي مخوفني انه فيه حسابات.
بالنسبة للاخ اللي يسأل أنا لو مكانك بروح الحرس لعدة أسباب منها ماعندك خيار اخر و الحرس الان خيار متاح لكن بعدين يمكن مايكون متاح لأي سبب
وش المتطلبات وقت الاختبار كاتبين جيب معك المتطلبات الي بالموقع دخلت الموقع ما لقيت شي شالو عفشهم وكل شي معهم
فالي يذكر بالله يعطيني خبر
تواصلو معاي عن طريق الايميل وطلبو كل المرفقات pdf
ونفس الحالة مع @3mmar55 لما رجعت ابغى ارفقها لقيتهم شالو كل شي فارسلت لهم:
الهوية + هوية الوالد + الترانسكربت + الوثيقة + كرت العائلة + السي في + صورة شخصية
الادارة : طيران الحرس الوطني
انا والله الى الان محتار انا متوظف بوظيفة سعوده والوالد الله يحفظه يقولي ماني مرتاح لا تروح مدري وش السواه
قالو ايش تدخل عسكرية قلت مايحدك على المر الى اللي امر منه
انا متعطل 9 شهور وخياراتي معدومة للاسف، نضحي بالمستقبل الوظيفي لعل وعسى نعوض خير