هذا الموضوع اطرح فيه حلقات يوتيوب على جزئين اتكلم فيها عن القبول في الدراسات العليا بالبترول | نصايح وخطوات | بحكم اننا وصلنا لمرحلة القبول وماقبل الدراسة واشخاص كثير مو عارفين اش يعملوا !
الفكرة كانت بعد ما انا شخصيا مريت بتجربة شخصية طويلة جميلة شيقة … بحيث ان ماكان في احد يجاوب على اسئلتي واحتجت اني ازور الجامعة كثير واتصل على العديد من الاشخاص بالجامعة … مقاطع الفيديو خلاصة ماتعلمته من خلال هالتجربة بالبترول …
تحتوي المقاطع على تفاصيل بعض الاجراءات اللي تحتاجها كطالب مقدم على هالمرحلة مثل:
الله يعافيكم ان شاء الله … كل اللي حكتبو بناء على المعايير الحالية بمعنى ان قبول الاناث في الجامعة يعتبر خطوة جديدة ومستجدة تماما … قد يكون لكم ك أخوات معايير غير سواء اصعب او اسهل في الطلبات او الاختبارات الله اعلم … عشان كدا كل اللي راح اكتبو قابل للتغيير بمجرد اعلان الجامعة الرسمي عن معايير قبولكم حنطرحها ووقتها حنكون 100% متأكدين …
- اذا ال GPA حقك اعلى من 3/4 حيحقلك تختاري اذا فل تايم او بارت تايم. وبعض التخصصات فيها :
1- Master of Science تكون ب ثيسيس وطريق لل PHD
2- Master of Engineering تكون ب ريبورت بسيط
- انتي اللي تختاري اذا ودك فل تايم او بارت تايم يعتمد على حالتك الوظيفية … بمعنى اذا اخترتي بارت تايم الجامعة لازم تعرف انك موظفة رسمي وقتها حيطلبوا خطاب تعريف من جهة التوظيف مبين فيه عدة امور:
1- انك موظفة فل تايم
2- اسم منصبك او البوزيشن حقك
3-تاريخ انضمامك لهم
سلبيات البارت التايم:
1- التخرج يكون ابطأ من الفل تايم لان عدد الساعات المسموح تسجيلها اقل (عادة ماتتجاوز 9 ساعات) بينما الفل تايم يقدر يسجل 12 اذا ماكنت غلطان
اساسا تحتاج طالب متفرغ تماما اذا يبغى 12 ساعة
2- البارت تايم انتي تدفعي فلوسو وانتي تشتري الكتب ومافي سكن وتصريح الدخول للجامعة ينتهي بانتهاء السمستر
3- قد يكون ضغط في بعض الاوقات بشكل مو طبيعي (من واقع تجربة)
4- الاسايمنت اللي تكون قروب وورك تكون شوي متعبة لان الواحد طول الوقت مشغول وصعب يقابل الشباب الباقيين في اوقاتهم المناسبة واذا ناسبو وقت… الشباب التانيين ينشغلوا حوسة يعني
هاذي اغلب السلبيات والبعض قد لا يراها سلبيات يعتمد عالشخص وقدرتوا
حاولت اغطي اغلب الجوانب … وللتذكير للان المعايير الرسمية للاناث لم تتطرح بمعنى ان كل اللي كتبتو قد يتغير في حالتكم … ننتظر اش يسير و ان شاء الله خير
الله يوفقنا واياكم و ان شاء الله الشباب مايقصروا برضو يثرونا بتجربتهم
السلام عليكم, انا حاليا جاني قبول وطلبوا مني نتائج التوفل والGRE ولكن بسبب ظروف خاصة ممكن اني أتأخر في رفع الدرجات عن الموعد المحدد, فهل هناك ضرر اخر غير تأجيل بداية دراستي من 181 الى 182؟
