سلام عليكم عليكم و رحمه الله و بركاته
اسعد الله مساء/صباح الجميع اليوم قررت اشارك تجربتي بعد ما خلصت السنة التحضيرية في جامعة الملك فهد للبترول و المعادن طبعا بيشتمل الموضوع على عدت اجزاء لإختصار الوقت و تتوجه للجانب المهم بالنسبة لك الاجزاء كالتالي:
1- الجانب الأكاديمي (الدراسة)
2- الجانب غير الأكاديمي (نشاطات مسابقات)
3- المرافق و التسهيلات
4- تجربتي الشخصية
5- نقاط مهمه
الجانب الأكاديمي (الدراسة)
في الغالب اكيد الكل سمع بي كلمة “اصعب جامعة” و متخوف انه يتعثر او ما يقدر يكمل اصلاً!!! طبعاً الي قلك هذا الشي ما وضح ليش هي صعبه او اقنعك او اعطاك الصورة الكاملة، طيب بتكلم عن المواد و بعض الاشياء الي ممكن تواجهك فيها.
السنة التحضيرية اساسها لغة انقليزية و رياضيات واغلب التركيز عليهم بالاضافة لكم ماده زي ما نقول(سد فارغ) نفصلها شوية.
الانقليزي
اول ما تجي في اختبار تحديد مستوى و على اساسه يوزعون الطلاب على المستويات او اذا كان مستواك ممتاز ما تاخذه من الاساس و يمديك تنزل مواد من الترم الثاني او السنة الثانية.
المستويات كالتالي
ENG00
ENG01
ENG02
ENG03
ENG04
EP
كل مستوى ياخذ شهرين يعني في الترم مستويين و اذا بديت من ENG00 يكون ENG04 في الصيف و يمديك تبرمش (تشيل الانقليزي من جدولك نهائياً) في بعض المستويات اذا جبت جريد و درجه معينه في التوفل ما ابغا اذكر التفاصيل لأنها ممكن تتغير
وهذه احد التسهيلات من الجامعة.
برنامج الانقليزي قوي جداً وانا اضمن انك بتشوف فرق. لدرجه ان للانقليزي مبنى خاص حتى الفصل ما يتجاوز عدد الطلاب في 28 وعشرين ساعة في الاسبوع (اربع ساعات يومياَ). المدرسين بشكل عام ممتازين عن نفسي تتطورت بشكل ملحوظ.
نجي لمشكلة الانقليزي من وجهة نظري الا وهي الوقت غير الاربع ساعات داخل الفصل لازم تذاكر بشكله مستمر و توزع تركيزك على كل المواد. للأسف الشديد نهايه الترم الانقليزي يسير غثييييث لكن ما دمت متابع و موزع وقتك فما عليك خوف ان شاء الله.
الرياضيات
تنقسم لكورسين
MATH001
MATH002
قسم الماث او (Department) من افضل الاقسام و عليه تركيز من الجامعة. محتوى المواد اغلبه من الثنوي بس بالانقليزي الفرق في مستوى الاسئلة هنا بيكون عالي و بتلاحظ ان اغلب وقتك على الماث. هذا القسم مقدمين لك تسهيلات كثير عدها معايه.
1- ساعات مكتبه عاديه، تروح مكتب الدكتور و تسأله.
2- (help session) زي الحصه بس تكون بعد الدوام حل تمارين في مجموعات.
3- ساعات مكتبية online زي البث و تتكلمه مع الدكتور.
4- فيديوهات في موقع مرتبه بالدروس .
5- برنامج (زميلي يساعدني) اذا كانت درجتك في احد الاختبارات تحت المتوسط يدخلونك هذا البرنامج من اسمه زميلي يساعدني يجيك طالب اخذ الكورس و جاب فيه A+ يشرحلك .
.
.
.
خلصنا اهم المواد ندخل ذحين في الباقي
PYP001
فيزياء - كيمياء- علم ارض تاخذ كل ذي المواد في كورس واحد طبعاً اساسيات او نظره عامه اسهل من الثنوي .
PYP002 (حاسب)
تاخذ فيها word و Excel و محاكي برمجه، تتعلم كيف تنسق ملفات word و Excel لها فايده كبيره بصراحه مشكلتها الكلاس ساعتين .
PYP003 ( مهارات الحياه)
ماده كأنها دوره تتعلم تنظيم الوقت و انماط الشخصيه و في نهايه الكورس يقسمكم لمجموعات و تختارون مشكله و تحلونها و فيه برزنتيشن.
PYP004
ماده تاخذ فيها اساسيات هندسيه مقسمه لاربع اقسام (Graphics - Robotics - Pneumatic****s -Automotive)
ماده ممتعه تاخذ مكينه السياره و ترصيص الكفرات و كيف تبرمج روبوت و رسم ببرنامج Autocad وانظمه الهواء .
PE001
PE002
رياضه فيها قسم نظري مواضيعه عن الانعاش القلبي - السمنه - النظافه الشخصيه - الادمان و المخدرات الخ
و القسم العملي ترم تاخذ كره قدم و كره طائره و ترم كره سله و سباحه .
الجانب غير الأكاديمي (نشاطات مسابقات)
هذه الجزء هو الشيء المميز في الجامعه غير الدراسه يعطيك مهارات تعامل و يوسع دائره معارفك و من وجهه نظري ذا الشي يعطي الجامعه تميزها عن باقي الجامعات .
الانديه الطلابيه
عد و اغلط كل تخصص له نادي و فيه انديه لكل الاهتمامات مثل (رياضة-شطرنج-تصوير-الفنون التشكيلية-الإبتكار-
ريادة الأعمال-المسرح-اللغة العربية-القراءة- الدراجات الهوائية) و غيره ما يسعني اذكرها
كل الانديه تسوي مسابقات في مجالها و الجوائز مجزيه و فيه مسابقات تكون عن بعض المواد زي الرياضيات و كان في مسابقه عن التحليل منظمه من نفس القسم .
المرافق و التسهيلات
نتكلم عن سكن الجامعه الغرفه يجي فيها سريرين مكتبين بالكراسي و دولابين و الحمامات و المراوش مشتركه بصراحه في ازمه في النظافه و انت و حظك النظافه تعتمد على جيرانك، بين العماير في مباني خدمات بقاله و حلاق و قرطاسيه صغيره و مغسله زي المغاسل المعروفه و مغسله مجانيه مهي بذيك النظافه حتى المغاسل ما تدري هم يغسلونها ولا بس يكوونها و يعطرونها من ناحيه الاكل عندك مطعم الجامعه رخيص يعني الفطور بريالين و الغداء و العشاء باربع الطعم مقبول و فيه مطاعم المول فاست فود و يمديك تطلب من برا الجامعه، فيه مجموعه مساجد و واحد يصلي الجمعه.
تجربتي الشخصية
نبذه عني صاحبكم جاي من مدرسه اهليه من اسواء المدارس قبل الاختبار احفظ ورقتين و صلى الله و بارك نفس الموال في القدرات و التحصيلي تجميعات و لا عندي اي اساس حتى اللغه ضعيفه .
بدأ الترم اول كلاس كان ماث و الدكتور يشرح بالانقليزي وانا مصدوم بس قاعد اطالع في الشي الي يكتبه و احوال اتذكره من الثنوي نفس الوضع في كل المواد ما كان سمعي متعود عالانقليزي في خلال اسبوعين بدت تنحل ذي المشكله بدأت افهم ولو القليل هي بس مسألة وقت و امورك طيبه. صديقك بيكون ترجمه قوقل لفتره معينه .
نجي للمذاكره دايماً اسمع بكلمه اول باول كنت اخذ الدرس ارجع بس افك الكتاب او المذكره و اطالع فيها و اقفلها في بالي خلاص انا دركت كل شي جات الاختبارات ولا اكلمكم عن الدرجات كيف حبه حبه تجيك زي الخبره او المعرفه كيف تذاكر و تستعد للاختبارات حمد الله درجاتي ارتفعت بشكل مو طبيعي حاولت كثير الين عرفت الشي الي يناسبني اكيد كل ماده لها اسلوب و طريقه معينه للمذاكره .
الترم الثاني اخذت انقلش 03 و الحمد لله برمشت منه و ركزت على الماث و من الفضاوه طحت في المسلسلات و الافلام كان ترم خفيف جدا .
نقاط مهمه
- التوكل على الله و الثقه في النفس .
- مستوات و درجاتك قبل دخول الجامعة ما تحدد استمراريتك فيه.
- الي يحدد وجودك في الجامعة من عدمه هو ادائك فيها.
- محد هدفه انه يرسبك او يطلعك من الجامعة.
- اعرف مع من تمشي و قول لا لمصلحتك.
- نفس الطريق يؤدي الى نفس النتيجة.
في الختام اتمنى اني افيد ولا شخص واحد ولا اكون طولت عليكم واي احد عنده سؤال او تصحيح او ملاحظه لا يتردد و ياخذ راحته
شكراً جزيلاً
.Your time that you gave me is deeply Appreciated
, شايل هم الحمامات الله يكرمك و الروميت أبي شخص يفهمني وافهمه 
.
