السلام عليكم و رحمة الله و بركاته
كما هو موضح في العنوان، هل وصل أي احد من الشباب اتصال من شركة اسمنت الشرقية و كيف تكون مقابلاتهم و رواتبهم للمهندسين ؟
أرجو الإفادة
وعليكم السلام ورحمة الله وبركاته
قبل شهرين تقريبا جاني منهم اتصال للمقابلة شخصية ولكني استخرت وما حضرت للمقابله، ودردشت شوي مع حق ال hr يوم كلمني و وسألته كم سوْال وايضاً احد الشباب الي توظفوا هناك سألته وما قصر الله يجزاه خير.
وهذا الي اخذته منهم:
المقابلة تقابل شخصين او ثلاث اشخاص بيكون فيها المهندس والhr في المقابله. والمقابله بسيطة فيها سولف عن نفسك ومشروع تخرجك وشوية تكنيكل اهم شي خلك واثق من نفسك ولا تتوتر وخلهم يشوفون فيك انك مهتم تنضم لهم.
المصنع يبعد عن الدمام ساعه ونص تقريبا وعن الجبيل ٥٠ دقيقة ولكن عندهم كمباوند سكن قريب لمصنعهم فلا تشيل هم.
الراتب الاساسي بيكون ٧٥٠٠ - ٧٧٠٠ ويعطونك بدل سكن ٢٥٪ ويوفرون لك سكن في الكمباوند قريب من المصنع كما ذكرت سابقا، و ١٠٪ بدل مواصلات واعتقد ١٠٪ منطقة نائية.
تقريبا الي ينزلك كامل بعد خصم التأمينات ١٠٠٠٠ - ١٠٥٠٠ ريال تقريبا.
يوفرون لك تامين طبي ممتاز، وزياداتهم السنوية يمدحونها ولكن العلم عند الله بالواقع ويعطونك قرض ما ادري كم راتب ولكن بدون فوائد.
واظن اني سمعت ان عندهم سكن للمتزوجين.
مع العلم اخوك مهندس ميكانيكي.
اتمنا اني أفدتك ولو بالشي البسيط، واذا فيه استفسارات
اخرى انا حاضر وفِي الخدمة.
بالتوفيق
4 Likes
يعطيك العافية اخوي رد شافي و وافي بس في شي واحد مو واضح. انت قلت جاك اتصال للمقابلة و استخرت و ما رحت و بعدها قلت قابلت ال HR ! هذي انا ما فهمتها.
كل شي كان بالتلفون يا غالي، يوم اتصل بي لحضور المقابلة سألته كم سوْال مثل، من بيقابلني/ وايش مميزاتكم/ وطبعا انا سألته هالاساله لاني موظف الحمدلله وكنت ابغا أقارن وفِي الاخير استخرت و ما رحت لمقابلتهم …
بالتوفيق
1 Like
ممتاز. بس أبغى أسأل متى حددوا لك المقابلة من تاريخ الاتصال لأنه انا نفس الكلام اتصلوا عليا قبل فترة و قالوا لي بنتصل عليك بعد العيد و الى الآن ما منهم رد!
انا قدمت عليهم في شهر ٨ ٢٠١٧ وكانوا يتصلون علي من فترة لفترة يقولون انتظرنا بنكلمك تجي المقابلة، وكانت المكالمة الي قبل شهرين هي الي حددو لي فيها المقابلة يعني تقريبا من يوم ما قدمت الين حددو المقابلة انتظرت ٨ -٩ اشهر.
يمكن يكون وضعك انت مختلف وتكون الإجراءات أسرع، لاني شايف السوق هالسنة انشط من السنة الماضية والي قبلها.
لا تفكر واجد وكل شي مقدر في وقته ومكتوب، انت ابذل الأسباب وقدم على غيرهم يمكن يجيك شي احسن منهم واذا انك حريص عليهم كلمهم من فترة لفترة عشان يشوفونك مهتم ويوظفونك ان شاء الله.
بالتوفيق
2 Likes
الله يوفقك يا رب اذا ممكن رابط التقديم او الايميل اللي قدمت عليه اكون لك من الشاكرين
امين يوفقنا اجمعين, التقديم كان يدوي في برج اسمنت الشرقية بالخبر على طريق الملك فهد
ياشباب عندي استفسار، كيف سكن العوايل وهل مؤثث ولا لا؟ واللي يسكن فيه هل يخصمون كامل بدل السكن وشكرا