السلام عليكم ورحمة الله وبركاته
الكثير سألني عن برامج التدريب لشركة العليان في الخاص والعام وقررت اني انزل موضوع شامل عنه بما اني كنت خريج احد برامج العليان التدريبية:
عن الشركة:
اولا شركة العليان من الشركات الكبيرة في المملكة وايضا خارجها. في داخل السعودية تملك حوالي اكثر من 50 شركة منتشرة في ثلاث مناطق وهي الرياض والدمام وجدة. هذه الشركات بعضها تملكها بنسبة 100% وبعضها بشراكة بنسب مختلفة.راح اعطيك مثال على بعض الشركات اللي في السعودية واللي ممكن ماتتوقع انها للعليان مثل كوكاكولا ومياه نوفا وبنك ساب ومطاعم برقر كنق و…
في خارج السعودية لها مقرين في اوروبا(المقر الرئيسي أثينا) والولايات المتحدة (ومقرها نيويورك) طبعا خارج السعودية نشاطها فقط في الاستثمار. رئيس شركات العليان في السعودية هي لبنى العليان وهي بنت مؤسس شركة العليان.
عن البرامج التدريبية:
فيه ثلاث برامج تدريبية في شركة العليان وهي كالتالي:
برنامج العليان للمهندسين(Olayan Engineering Trainee): وهذا البرنامج للبكالريوس ويشمل جميع التخصصات الهندسية ويشترط خبرة سنة او اقل
برنامج العليان للاداريين (Olayan Management Trainee): وهذا البرنامج للماجستير ويشمل جميع التخصصات الادارية والتسويق وsupply Chain ويشترط خبرة سنة او اقل
برنامج العليان للمالية (Olayan Financing Trainee):وهذا البرنامج للماجستير ويشترط خبرة سنة او اقل ,ويشمل جميع التخصصات المالية والمحاسبية
مدة التدريب لكل البرامج هي سنة وفي خلال هذه السنة راح تكون موظف زي اي موظف في الشركة لك مسؤولياتك ومهماتك لكن خلال هذه السنة راح يطورون فيها مهاراتك بدورات خلال هذه السنة والتالي هو مثال على بعض الدورات المقدمة:
1-Six Sigma green belt
2-Advance Excel
3-Finance for Non Finance
4-Presentation Skills
5-Building RElation skills
6-Negotiation Skills
وغيرها…
التقييم في السنة الاولى راح يكون على طريقتين:
1-تقييم كل ثلاثة شهور والمقيم هو مديرك المباشر. طبعا في بداية السنة راح يكتبلك مديرك من ثلاث الى خمس اهداف(SMART objective) المفروض انك تسويها ويتم مراجعة الاهداف وتعديلها مع بداية كل تقييم. والمطلوب منك تحقيق هذه الاهداف. وبناء على تحقيقك لهذه الاهداف يتم تقييمك.
2-مطلوب منك بعد نهاية السنة انك تسوي بروجكت وهذا البروجكت ساهم في تطوير الشركة ماليا او اجتماعيا او…
طبعا راح تسوي البريزنتيشن لمجموعة من المدراء ويقيمونك عليه.
المميزات الوظيفية:
لبرنامج الماجستيراللي هو للاداريين والمالية (OMT & OFT Program) الراتب حقهم خلال السنة التدريبية:
12000 اساسي
3000 سكن
1000 مواصلات
المجموع 16000
بعد السنة التدريبية راح يكون الراتب:
15000 اساسي
3750 سكن(يعني 25% من الاساسي)
1500مواصلات(10 % من الاساسي)
المجموع 20250 ريال.
طبعا راح تتوظف على اول قراد للمنجر.
*ملاحظة بدل المواصلات تقريبي لكن الباقي متاكد منه
10000 (اساسي)
2500 (سكن واللي هو 25%من الاساسي)
700 (مواصلات)
المجموع 13200 ريال
بعد السنة التدريبية يكون كالتالي:
12000 اساسي
3000 سكن
860 مواصلات
المجموع 15860 ريال.
ساعات العمل في اليوم ثمانية ساعات والاجازة يومين في الاسبوع وإجازة سنوية عبارة عن 30 يوم.
إجراءات التوظيف:
راح اكتب اجراءات التوظيف اللي مريت فيها وهي كالتالي:
1-قدمت عليهم من الموقع في تاريخ 9/6/2016
2-ارسلوا لي رسالة بتاريخ 21/6/2016 لإجراء اختبار عبر الانترنت.
3-سويت الاختبار بتاريخ 25/6/2016 وكان اختبار عن الشخصية(تكلمت عنه في المنتدى)
4-اتصل علي شخص اسمه جون من اميركا في تاريخ 29/6/2016 واجريت مقابلة هاتفية وكان مدتها حوالي 30 دقيقة.(المفروض سكايب لكن غيرها الى اتصال هاتفي)
5-ردو علي بالقبول المبدئي في تاريخ 18/7/2016
6-طلبوا مني اجيهم الرياض في تاريخ 20/7/2016. طبعا جيتهم وسوو لنا محاضرة عن الشركة والمعلومات عن البرنامج والرواتب.
ملاحظة: انا ماني من الرياض فأرسلو لي تذكرة طيران ذهاب وعودة و سيارة تاخذني من المطارالى الشركة وايضا فندق للإقامة ليوم.
7-في تاريخ 29/8/2016 حددو لي موعد للمقابلة مع شركة من شركاتهم في تاريخ 8/9/2016.
8- في تاريخ 9/10/2016 بداية العمل.
طبعا هذه الاجراءات كانت لبرنامج المهندسين ويفرق مابينهم انه بعد المحاضرة اللي قدموها لنا في الرياض راح يحددون لهم موعد لختبار جماعي case study بعد كذا يسوون مقابلة مع احد شركات العليان.
طبعا ماتكلمت عن طبيعة البرنامج:
العليان زي ماقلت انها شركة كبيرة وعندها فوق 40 شركة في السعودية. اللي مسوي برنامج التدريب هو المقر الرئيسي لشركة العليان وبناء على احتياج شركاتها راح توظف وتدرب يعني ممكن تتوظف في CH2M or Cummins or DHL وهذه الشركات مختلفة تماما في طبيعة العمل والحوافز والزيادات السنوية والترقيات في بعض الشركات بيئتها حلوه وبعضها خايسة انت وحظك. معظم الشركات اللي تكون مملوكة للعليان 100% تكون بيئتها حلوه اما اذا كانت شراكة فتعتمد ممكن حلوة وممكن خايسة هههه.
التامين الطبي يعتمد على الشركة اللي راح تتوظف عليها وغالبا يكون فئة A بس تختلف الشركة والتغطية.
طيب ايش علاقتك بشركة العليان؟
العليان فقط راح تتدربك لمدة سنة وتدفع رواتبك في هذه السنة وتتاكد انهم زادوا راتبك بعد السنة الاولى لكن طبعا انت خلك ذكي وكون علاقات في المقر الرئيسي للعليان.
صراحة اني حاليا مشغول جدا لكن قلت خلني اعطيكم هذه المعلومات بما ان البرنامج على الابواب فا اي احد عنده سؤال يسأل ومتى مادخلت المنتدى جاوبت
أنا شرحت هذه النقطة وهي انك راح تكون موظف زيك زي اي واحد في الشركة.
الشركة ماراح توقع معك عقد تدريب العقد اللي راح توقع عليها هو عقد توظيف ولا يجيبون طاري التدريب وكمان مايطلبون اي تعوضات لو تركته.
يعني راح توقع عقد توظيف مع شركة من شركاتهم راح يقيمونك بطريقة اللي ذكرتها اذا كان تقييمك كويس تكمل لكن اذا جايب العيد ماتحضر وماتسوي شي اكيد برا
ال case study يسوون للمتقدمين جميعا ولا المتقدمين لبرامج معينة ؟
ايضا المقابلة مع وحدة من شركاتهم هل راح تكون technical ولا ؟
هل التدريب اول سنه يكون بمقرهم الرئيسي بالرياض ولا مع شركة من شركاتهم الي راح اتوظف فيها ؟
بالنسبة للمقابلة مع شركة من شركات العليان. والعليان زي ما انت عارف انها تملك شركات كثيرة فالمقابلة تختلف من شخص لاخر حسب الشركة اللي راح تسوي فيها مقابلة…
بعض الشباب كانت مقابلاتهم فيها شوية تكنيكال وبعضهم فقط اسئلة HR المعتادة وبالنسبة لي كانت من النوع الثاني وكانت خفيفة الحمدلله…
لكن فيه عامل مشترك واحد انهم راح ياخذون نظرة على السيرة الذاتية ويسألونك عنها…
المكان يكون في الشركة اللي راح تتوظف فيها سواء الرياض او جدة او الدمام لكن الدورات راح تقدم في الرياض يعني راح يعوضونك فلوس التذاكر والفندق اذا كانت شركتك خارج الرياض.
فقط برنامج المالية Olayan Financing Trainee(OFT ) راح يكون ستة اشهر في الرياض المقر الرئيسي وستة اشهر في شركتك