ترشيح ل وظيفه في هيئة الاتصالات وتقنية المعلومات

Career
1

السلام عليكم، وصلتني رساله امس ترشيح لمقابله في هيئة الاتصالات وتقنية المعلومات المسمى الوظيفي باحث تخطيط. و المقابله بكره. اللي عنده اي خلفيه عن الموضوع بالله يساعدني. طبعا انا تخصصي هندسه و عندي خبره سنتين. قدمت على هيئة الاتصالات عن طريق الموقع في شهر ديسمبر 2017

2

اقرا عن الوظيفه بشكل كبيررر لان المقابله بتكون اسئله عن وش تعرف عن القسم ووش بتفيد القسم ووش اخبار الهيئه والسي في والمتوقع بتكون تحت البنيه التحتيه فاعرف كويس وش بتتكلم عنه … المقابله بتكون لجنه وكلهم مدراء تقريبا فركز والله يوفقك ويسهل لك … تراها فرصه مو لاي شخص تجي ومو كل مره تجي

4 Likes
3

اشكرك اخوي على النصيحه…
.
طبعا هذي المقابلة الثانيه اللي اجريها معهم. المقابله الاولى كانت في شهر فبراير و كانت مع أكثر من 8 مدراء. طبعا كانت اسالتهم جدا عامه و اكثر شي تكلمت عنه هو المشاريع اللي اشتغلت فيها في دوامي الحالي. طبعا بعد المقابله ب 3 اسابيع ارسلوا لي اعتذار عن الترشيح. قبل اسبوع جاني اتصال ثاني من هيئة الاتصالات و رشحوني ل وظيفه باحث تخطيط (الوظيفه السابقه كانت باحث مشاريع). رحت للمقابله و كانت مع مدير قسم التخطيط الاستراتيجي في الهيئة (كان موجود في المقابله اللي أجريت في فبراير) ما كانت فيه اساله كثير الشي الوحيد اللي لاحظ أنه ركز عليه سؤاله عن حصولي على اي ترقيه أو بحث في الفتره السابقه. و لله الحمد كنت حاصل على ترقيه ف تكلمت عن مهام العمل و كيفيه التكيف فيه.
بعدها لاحظت ان اللي أجرا لي المقابله كان يعرض لي مميزات هيئة الاتصالات و كيف هي غير عن باقي القطاعات الحكوميه و كيفيه إدارته للقسم. المقابله كانت 35 دقيقه اقدر اقول اني تكلمت 15 دقيقه و هو تكلم 20 دقيقه. في الحقيقه كانت من أكثر المقابلات اللي سويتها و استمتعت فيها و حسيت اني اتكلم مع شخص فاهم و عنده طموح أنه يطور من موظفيه و القسم.
اخيرا الله يكتب اللي فيه الخير. الى الان ما جاء ايميل. بالتوفيق للجميع

1 Like
4

عسا الله يوفقك ويسهل لك … واحب اقولك اني مريت بنفس حالتك هذي مقابله وبعدها اعتذار وبعدها مقابله ثانيه مع مدير القسم وبعدها الان انا موظف معاهم … ونقول ان شاء الله انها بادرة خير لك والله يرزقك فيها لان جد اذا توظفت بالهيئه بتتغير اشياء كثيره بحياتك والله يوفقك مره ثانيه

1 Like
5

السلام عليكم ياليت اخوي لو تفيدني اكثر الله يسعدك لان عندي مقابله معاهم الأحد ابتواصل معك لوامكن

6

ايش المسمى الوظيفي اللي مرشح له

7

مهندس كهربائي

8

عملت معهم انا قبل فتره مقابله على وظيفه Project specialist

9

كيف مقابلتهم عطني نبذه

10

المقابله كانت ع عده مراحل وترشيح
كانت مقابله عاديه … تكلم عن نفسك وخبرتك بشكل عام اسئله عاديه

11

مافيه اختبار ورقي وكذا بس تكلم عن نفسك طيب هل تم قبولك وهل عندك خلفيه عن الرواتب وكذا

12

مافيها اختبار
لسا ماتم الرد

13

الراتب حوالي 17 يمكن يزيد او ينقص ب 2000 ريال ع حسب خبرتك و شهاداتك. الرد النهائي اخذ مني 9 اشهر أو يمكن اكثر لين ما وصل العرض الوظيفي. رفضت العرض لان راتبي كان أكثر أن الراتب المعروض + حسيت البيئة غير فعاله بالنسبة لي.

1 Like
14

الله يعطيك العافية ١٧ أساسي أو بكج كامل ؟