السلام عليكم ورحمة الله
احتاج مساعدتكم في الاستفسار عن مسمى وظيفي جاني من شركة هاليبرتون (علمًا بأني إمرأة)
بالبداية جاني ايميل من الشركة وأنا بالاساس ماقدمت، لما سالتهم عن المسمى قالوا لي Entry Level Field Engineer - MWD/LWD
سويت المقابلة وجاني اتصال اليوم بانه تم قبولي
ياليت الي فاهم عن هذي الوظيفة ومتطلباتها يفيدني وهل تناسبني كوني امرأه؟
ولكم خالص شكري…
وعليكم السلام ورحمة الله وبركاته
مبروك الوظيفة وفالك التوفيق
عادة المسمى يعطى لمهندسي حقول النفط
طبعا اسم القسم Sperry Sun وهوه قسم الحفر
لكن عندهم موظفات جدد كانو في المكتب وايضا في الورشة في مقرهم الرئيسي بين طريق الجبيل وابو حدرية قريب من سيهات
واعتقد قريب الورشة بيكون لها مقر جديد على طريق بقيق
اتمنى اكون افدتك
الله يبارك فيك ويعطيك العافية ماقصرت
بس أنا حسب ماقالوا لي انه الشغل في Field ونظام الدوام روتيشن هل عندك فكرة عن هذا الموضوع؟
هل هو احيان تكون زيارات للField او يكون الدوام على طول هناك؟
الروتيشن على هذا المسمى ثابت وهوه 30 يوم دوام و15 يوم أوف
الدوام يوميا 12 ساعة وبعض احيان اكثر
والسكن طول الدوام في الفيلد
ما اتوقع بيكون فيه دوام في الفيلد لان الشغلة فيها تركيب وفك وشيل قطع ثقيلة جدا
تأكدي من موظفي الاتش ار
انا بعد جاني ايميل منهم وسويت مقابله وتم قبولي هذا الاسبوع…اعتقد جابو ايميلاتنا من وزاره التعليم!! قالولي ان الدوام راح يكون روتيشن اسبوعين دوام واسبوعين اوف. راح يكون بالmiddle east وغالبا بعمان حسب ما قالولي… ياليت الي عنده معلومات زياده يفيدنا
وعليكم السلام ورحمة الله وبركاته
وظيفة Field Engineer في شركات الخدمات البترولية مثل هاليبرتون وغيرها هو مسمى عام والقصد فيه العمل في المناطق النائية بالعادة مثل الصحراء والبحر والغابات وغيرها من الأماكن اللي يكون فيها عملية حفر آبار لإستخراج البترول\الغاز\بئر إستكشافي أو يكون العمل فيما بعد الحفر مثل تفجير الأرض لبدأ عملية الإنتاج\زيادة الإنتاج\إصلاح أو غيرها من الأمور.
ع حسب القسم اللي يتم إختيارك فيه تكون وظيفتك المستقبلية والخبرة اللي راح تكسبيها. بنسبة للقسم اللي عطوك إياه وهو MWD\LWD هو القسم المسؤول في عمليات الحفر الجانبية ومعرفة الإحداثيات تحت الأرض. عادةً تكون معهم مهام أخرى لكن هذا الشيء الرئيسي.
فقط لتوضيح معاني الحروف:
MWD معناها Measuring While Drilling
LWD معناها Logging While Drilling
الشرح هذا راح يبسط الموضوع:
العمل في الحفّارة (أو الرق مثل ماهو مشهور بيننا) لهذا القسم يتكوّن من ثلاثة أجزاء (هذا التصنيف بتاعي أنا 
لأن هذا اللي اشوفه في أرض الواقع). أول شيء تركيب المعدات في الموقع وهذا يتطلب جهد بَدَني لأن فيه تشبيك أسلاك كهرباء وغيرها. العمل الثاني هو تركيب المعدات الخاصة بالقسم بتاعكم على أرض الحفّارة وهذا العمل بسيط وتواجدكم ع أرض الحفّارة هو للتأكّد من التركيب السليم للمعدة وإنه المسؤولين عن التركيب ماراح يضرّوا معداتكم لأنها من ضمن مسؤولياتكم في موقع العمل. آخر شيء وهو تجميع المعلومات أثناء الحفر وكذلك التأكّد من الإحداثيات. في حال وجود تغيير في المسارة يجب إنكم تتخذوا الإجراءات اللازمة لتعديل الوضع (طبعاً يكون معكم واحد هو المسؤول يسمى Directional Driller او بالمختصر DD هو الرئيس). توجد غرفة صغيرة متنقلة للقسم بتاعكم تجيبوها للرق وتصيروا جالسين فيها ع أجهزة الحاسب الآلي لتجميع المعلومات.
هذا مختصر المختصر عن طبيعة العمل في هذا القسم. الأفضل تبحثي عنه بالتفصيل لأن في أمور كثيرة ماذكرتها مثل (التعامل مع المواد المشعّة وغيرها).
الشرح هذا بعتبار العمل في حقول المملكة العربية السعودية. كونك إمرأة و يوجد إحتمال كبير يكون العمل في دول الخليج وليس في المملكة، ممكن طبيعة العمل أو الوصف الوظيفي لكم يختلف عن الوصف الوظيفي للرجال.
بالتوفيق لكل خير ,
جزاك الله خير اخوي ما قصرت على هل المعلومات
قدمت كثير في هاليبرتون على مسمى فيلد انجنير انتري ليفل بس ما حالفني الحظ الى الان, هل هناك طريقة أخرى في التقديم و هب العمر يفرق عندهم كثير؟؟
انا الصراحه ما قدمت ابد على الموقع فجاه جاني الاتصال فتوقعت انه الجامعه قاعده تقدم اسماءنا
بس انا قريت قريب انهم طالبين تقديم ورقي جرب قدم او كلم الرقم
(
هاليبرتون
طريق الظهران الجبيل السريع، صفوى 32473
013 838 9999
الله يعطيك العافية أخوي و ما قصرت
هل اذا رحت لهم للتقديم يدخلوني عند المكاتب أو فيه رجال أمن ما يدخلونك؟
الصراحه ما ادري ما جربت بس جتني اسماء شركات بالواتس تطلب موظفين فبما انهم حاطين موقع ورقم اتصال توقعت انه ورقي
بس أفضل كلمهم قبل وتأكد قبل تروح
الله يوفقك اختي … هذي فرصه ماتتفوت بصراحه … رواتبهم كويسه جدا … وعلى فكره انا اشوف ان شركة هاليبرتون افضل بيئة عمل من الشركات مثيلاتها نفس بيكر هيوز وشلمبرجير وغيرها … اذكر لما كنت في هاليبرتون معي بنفس القسم مهندسه ومبسوطه بالعمل جدا مع العلم انها غير كاشفه للوجه وحياويه كثير وعلشان كذا طلعوها امريكا علشان تقدر تطلع الفيلد … بس الحين خلاص مسموح للأنثى العمل في الفيلد … ولكن الحين سمعت من الشباب انها ماسكه بوزيشن حلو.
كل التوفيق