السلام عليكم و رحمة الله وبركاته ، الاخوة الكرام احتاج مشورتكم في اختيار احد الشركات للتدريب التعاوني COOP علما بأن تخصصي هندسة ميكانيكية ، طبعا الشركات اللي فكرت فيها او حاط عيني عليها اذا حصلت فرصة ان شاء الله هي:
1- أرامكو
2- سابك
3- ساتورب ( مصفاة تابعة لارامكو بالتعاون مع شركة توتال الفرنسية )
4- صدارة ( ايضا تابعة لارامكو بالتعاون مع شركة داو كيميكال الامريكية )
السؤال أيهم أفضل من ناحية كسب الفائدة والتعلم للطالب المتدرب ، يعني هل فيه شركة من ضمن الشركات المذكورة تقدم برنامج واضح للمتدرب؟ لأني صراحة حريص اني اتعلم فترة التدريب واكتسب خبرة العمل ولو كانت بسيطة كمتدرب
أتمنى تفيدوني و شكرا
متى يفتح تقديم سابك بالاونلاين ؟ احد عنده خبر ؟
والله شف محد يقدر يعطيك توجيهات واضحة ودقيقة بخصوص الموضوع لان الشركات الكبار تختلف من قسم لقسم وإدارة لإدارة وسوبرڤايزور لسوبرڤايزور … يختلفون كثير فيما بينهم ما تقدر تضمن شيء وما تقدر تضمن قسمك واداراتك واللي يفرق كثير على تدريبك، حتى لو نشاط الشركة بشكل عام هو جوهر تخصصك لكن يمكن القسم اللي انت فيه ما يكون.
لكن بحكم تجربتي ومشاهدتي اقول لك محد بيوكلك هناك لازم انت تثبت نفسك وتتعلم وتجبرهم عليك … الشركات الكبار عندهم limitations كثيرة بالنسبة للمتدربين وما يعطونك access على كثير من المواقع والمشاريع والاماكن بداعي الامن، فهذا أكبر عائق لك هناك. أنا مديري كان عنده attitude ان الغاية تبرر الوسيلة فكنا نتجاوز بعض ال restrictions بشكل غير رسمي في سبيل انه يستفيد مني اخلص الموضوع واني استفيد كتجربة جديدة. نادر تلقى شخص قوي مستعد يغامر. فعموم تجربتي كانت كويسة بفضل الله اولا ثم بسببه.
بالنسبة لفكرة البرنامج والتوجيه نصيحتي لك لا تفكر كذا، محد فاضي يدربك تدريبب منهجي زي ما نتلقى في الجامعة، هناك تطب في نص الشغل وتتعلم الموضوع من نص السالفة وتلقاهم يركزون على الجزئية اللي تخدم العمل فقط ويسحبون على تفاصيل كثيرة ضرورية بنظرك لانك متعود في الجامعة تاخذ الصورة الكاملة عن الموضوع.
أعرف عدد من الطلاب مع سابك وارامكو (انا تدريبي كان مع ارامكو) وكلهم القاسم المشترك بينهم انهم يعانون من ال restrictions وال confidentiality في الشركتين. فنصيحتي تتجهز لمثل هذا ولا ترفع سقف توقعاتك. ولا تظن احد بيوكلك ويعطيك برنامج تمشي عليه وتصير رهيب بعده، محد فاضي.
الموضوع يعتمد على ارادتك و آتتيودك واثباتك لنفسك مهما كنت في اي شركة.
3 Likes
وعليكم السلام
فيه شي أهم من اختيار الشركة ، وهو انك تقدم على كل الشركات ، لاتقول بس ابي اتدرب في 4 -5 شركات
لأن فرص التدريب مقارنة بعدد الطلاب ماتعتبر كثيرة .
الشي الثاني ، مثل ماقال hAmMmOd , التدريب يعتمد على القسم والي معاك لكن الي تقدر تسويه إنك تحاول تساعدهم حتى في أبسط الأشياء وتطلب شغل ولو حسيت مب متعاونين ( مثلا اكثر من 3 اسابيع بدون شغل حقيقي ) رح للمشرف في الشركة واطلبه من ان يوديك قسم ثاني فيه شغل او يكلم الموظفين
كل الشركات الي ذكرتها ممتازة من ناحية السمعة وفيه بعض الشباب استفادوا من التدريب فيها لكن ماراح تكون سهلة ، يعني لازم تنشب للموظفين وتطلب شغل ومع الوقت بتكسب ثقتهم وعندك الوقت خاصة انك كواب
- صدارة الي اعرفه مافيها تدريب تعاوني
- سابك : حاول قد ماتقدر تدرب في الجبيل ، أما الرياض فترا هناك شغل إداري وماراح تستفيد كثير.
- ارامكو : بإمكانك تستفيد لكن طبيعة العمل والي معاك تلعب دور كبير .
- ساتورب : لو خلوك مع ال operation راح تستفيد كثير ، فلو كان الخيار متاح لك قول لهم ابي اشتغل مع الأوبريشن لأن اكثر من شخص اعرفه تدرب هناك واستفاد كثير خاصة غن فيه شغل عملي
بس ارجع و اقولك قدم على كل الشركات لاتحصر نفسك بشركتين او ثلاث .
بالتوفيق
2 Likes
سابك ماعندها تقديم اونلاين
الجامعة المفروض تتواصل معهم
الله يعطيك العافية كفيت ووفيت وكلامك عين العقل اشكرك
مشكور جزاك الله خير و وصلت الفكرة ، أما بالنسبة لصدارة ف طلبو عدد من طلاب الجامعة للتدريب ما عندهم تقديم اونلاين مثل سابك. و الشيء الآخر انا عندي قائمة شركات ولكن ما اعرف طريقة التقديم عليها يعني مثلاً جنرال الكتريك دخلت موقعهم مافيه اعلان عن فرص تدريب والشركة السعودية للكهرباء نفس الموضوع. هل ترشّح اني آخذ الCV واروح اقدم يدويا على الشركات الاخرى ؟ مع اني اعتقد راح زمانها
ما ادري عن نظامهم في التقديم ، لكن سابك رايي تواصل مع منسق التدريب أو عمادة التدريب في جامعتك وتكلمهم بخصوص هالشي عشان يكون التقديم عن طريق الجامعة
لأن الشركات احيانا لما الجامعات تتواصل معهم يكون فيه رد اما لو طالب تواصل معهم فمب اكيد يردون عليه.
بخصوص التقديم اليدوي ، ما عندي فكرة خاصة مع الشركات الكبيرة لكن فيه شركات تقبل التقديم اليدوي مثل اسمنت الشرقية & الشركات الي في الصناعية
بالتوفيق
تمام ، الله يجزاك خير ماقصرت ومشكور
بخصوص التقديم على سابك، عندنا بالجامعة كان التقديم عليهم عن طريق يوم التوظيف، في ipad تحط فيه معلوماتك و بس، يوم التوظيف مفتوح للجميع والله أعلم (ياليت الشباب يأكدون)
لكن لا ترفع معنوياتك كثير، سابك ياخذون عدد محدود عكس أرامكو يشيلون عدد كبير من الطلاب، و شخصيًا في تدريبي مع أرامكو كان معي واحد من الشباب كووب من نفس جامعتك و أعتقد معدله حول ال2.9 من 4، أتمنى إني أفدتك
أحسنت.
1 Like
هلا والله اخوي
متأكد من الكلام ؟ لأن بالموقع عندهم البرنامج بس الى الان مافتحت ومو ذاكرين متى بيفتحون
اي متأكد ،
هم يكتبون انهم يقدمون تدريب تعاوني لكن مافيه رابط للتقديم ، غالبا يكون بالتنسيق مع الجامعات يعني الجامعة نفسها تاخذ بيانات الطلاب وتعطيها سابك بناء على الفرص المتاحة في سابك والتخصصات المطلوبة
ياليت لو احد يفيدني بخصوص يوم التدريب عندكم هل يعتبر لطلاب البترول فقط ؟
و يوم التوظيف متى موعده ؟ ومتى يكون لبقية الجامعات ؟
وشكرا
يوم التدريب لطلاب البترول فقط .
يوم المهنة ( معرض التوظيف ) غالبا بيكون في ديسمبر و أول يومين لطلاب الجامعة وباقي الأيام لبقية الجامعات
الرئيسية
2 Likes
والله المنتدى هذا محظوظ بوجود شخص مثلك
الله يجزاك الف خير على مساعدتك لنا وينور طريقك
جزاك الله خير مشكور
السلام عليكم
شباب بالله أعطونا ايميلات للشركات عشان نسوي Summer training و نقدم عليهم
انا ادرس في جامعه برا السعوديه و مرة صعب أني احضر معرض التوظيف أو يوم التدريب…
تكفون أعطونا ايميلاتهم أو قدموا لي معكم 
الله يجزاكم الف خير و خصوصا صاحب الموضوع
وعليكم السلام
السمستر الجاي ابتدي في التقديم . مافي شركات الحين فاتحة التسجيل للتدريب الصيفي إلا وحدة وطالبة تخصصات حاسب .
في المواضيع المثبتة في تجميع للفرص وفيها ايميلات او روابط للتقديم ، اطلع عليها السمستر الجاي .
2 Likes
يعطيك العافيه و ما قصرت… متى يبدأ الترم الجاي في الجامعات السعوديه!!
بالله خلونا على تواصل هنا و عشان نعرف متى نقدم و متى يفتح التسجيل
شكراااا
يعطيك العافيه و ما قصرت… متى يبدأ الترم الجاي في الجامعات السعوديه!!
بالله خلونا على تواصل هنا و عشان نعرف متى نقدم و متى يفتح التسجيل
شكراااا