السلام علكيم ورحمة الله وبركاته …
انا طالب طب بجامعة الملك فيصل بالاحساء … اريد التحويل الى جامعة البترول هذي السنة او السنة القادمة .
للعلم انا الحين سنة ثانية بالجامعة يعني صار لي تقريبا سنة ونص في الجامعة .
هل يمديني اسجل السنة الجاية او هل يمديني احول او اسجل للفصل الثاني ، بحيث ان مايكون ضيعت الا سنة لو أخذت صيفي
وعليكم السلام ورحمة الله وبركاته ،
التحويل مسموح كنظام لكن صعب في الواقع بسبب شروط الجامعة ولو حولت فغالبا بتضطر تعيد السنة التحضيرية .
والي اعرفه بخصوص التسجيل إنه تكون خريج نفس السنة أو السنة الي قبلها فلو صار لك سنتين من التخرج ماراح تقدر تسجل في البترول.
نصيحتي أول شي اعرف التخصص لو ناوي تدخل لو جيت البترول ، لأن الطب بعيد كثير عن التخصصات الموجودة في البترول . فلا تتخذ قرار التحويل أو التسجيل من جديد إلا عن قناعة وعلى أساس منطقي مب سمعة الجامعة أو شي ثاني .
بقولك بعض الأشياء الي ممكن تمر فيها لو وافقوا انك تحول أو سجلت في الجامعة من جديد :
السلبيات :
1- بتكون تحت ضغط إضافي ، الي معاك عليهم ضغط بسبب نظام الجامعة و إنه جديد عليك لكن الضغط الإضافي عليك هو هاجس الخروج من الجامعة وتضييع سنتين وشوي وبيضل معاك هذا الهاجس حتى الفريشمان ( السنة الثانية ) .
2- في السفمور / الجونير ( السنةالثالثة والرابعة ) بتوصل مرحلة تكون مليت من الجو الدراسي لأنك درست سنتين في جامعة الملك فيصل و سنتين في البترول وبتوصل مرحلة بس تبي تخلص من الجامعة، خاصة لو أخذت صيفي كل سنة
. وهالشي بيأثر على مستواك
3- لو لاسمح الله بعد التخرج تأخرت وظيفتك فبتكون تأخرت اكثر من سنتين على الشباب الي في دفعتك .
4- في السنة الأولى لك ماراح تكون بنفس حماس الي معاك لأن طاقتك استنزفت نوعا ما في فيصل ، خاصة دوام الطب في جامعة الملك فيصل طويل ومتعب .
الإيجابيات :
1- لو التخصص الي حولت له تميل له وفاهم صح ، راح يكون الوضع أسهل عليك وبتتأقلم خاصة لو كونت علاقات مع شباب تخصصك .
ما ودي أكون متشائم لكن الطريق الي بتاخذه صعب ويمكن نهايته نور لكن تراه مب سهل فبقائك في الطب أو تسجيلك في البترول المفروض يكون عن قناعة لانك بتمر بضغوط صعبة .
وكلامي خلاصة تجربة أكثر من شخص زاملتهم .
الله يوفقك
انا في الثانوية كنت اعشق الرياضيات وللحين اعشقه وكنت داخل أولمبياد الرياضيات وحققت مراكز فيه
فلو حولت للجامعة راح ادخل هندسة ميكانيكية وان شاء الله راح أبدع فيه ولكن أجهل طبيعة عمل المهندس الميكانيكي ولكن اعلم ان دراسته مركزة على الرياضيات
الله يوفقك
بكرة دق على القبول والتسجيل واسئل عن امكانية التسجيل أو التحويل
لأن عندهم الجواب الأكيد
http://www.kfupm.edu.sa/departments/admissions/SitePages/ar/ContentDetailsPage.aspx?CUSTOMID=25
وعليكم السلام حياك الله
اول شيء اتخذ القرار في وقت انت ما تكون فيه تحت ضغوط ابدا
ثاني شيء اعلم انك راح تعيد السنة التحضرية ( عشان تتجهز نفسيا )
ثالث شيء اذا تحس انك جاهز نفسيا من جديد لدراسة 5 سنوات ونص فتوكل على الله
الجامعة ممتازة و لا يخفى لاحد ركز على المعدل فهو الان المطلوب في سوق العمل