السلام عليكم ورحمة الله وبركاته
كيف حالكم جميع؟ انا توظفت بوحده من شركات البق فور وما صارلي قريب وبصراحه ودي بنصايح عن كل شي ممكن يفيدني للوظيفه الي انا فيها. طبعا مسمى الوظيفه Associate audit. الي عنده خلفيه او اشتغل في البق فور لا يبخل علينا. وشكراً مقدماً
اول شي مبروك الوظيفة عليك
ثانيا، عليك بتوسيع علاقاتك بقوة في قسمك و تخلي اسمك رنان يعني اضحك مع الموظفين و سلم عليهم و سولف معهم و انصحك تبدا تشتغل على ال CPA و السوكبا و دائما خلي علاقتك قوية بكلاينت و في حدود المسموح يعني لا تجامله بتغيير نتايج او غيره و تالي حاول ان تكسب ثقته ميزة البق فور شي واحد بعد فترة نفرض انك اشتغلت في شركة ونقلت الى اخرى و جبت لهم كلاينت تجيك نسبة من الارباح
اهلن
1 - حافظي على علاقتك مع الموظفين خصوصا بقسم وادارتك ومع موظفين الشركه .
2 - حاولي تتقنين كل شي يخص عملك + ابحثي عن كل شيء راح يخليك قويه في وظيفتك ( قوقل - زملائك بالقدامى بالعمل )
3 - حاولي تفهمي نظام شركتك ونظام الشركات الي تشتغلون معاهم مثل ( ارامكوا - سابك …الخ )
4 - مهما صار تصادمات بينك وبين اي موظف اسلوبه سيء او غيره خليك حليمه ولا تصدر منك ردة فعل تخرب على علاقتك مع الاداره والشركة .
5 - الكلمة الطيبه هي مفتاح خبرتك بمعنى الكلمة الطيبه تخلي الكل يعطيك معلومه تفيدك , مساعده منك .
6 - انتبهي من الموظفين الي كلامهم سلبي ( ينتقدون الشركة والاداره حتى لو هم على حق ) خلي هدفك العمل والشغل اكثر من الكلام .
7- استثمري بنفسك في هذي الشركة لانها فرصة العمر لك . واغلب الي يسكبون الخبره منهم يحصلون فرص ذهبية بشركات ثانيه كبيره .
8- انضباطك بالعمل وتأديتك مهامك بالوقت المطلوب هو نجاح لك قبل ما يكون نجاح للشركة لان راح تتعوديين انك تكوني منضبطه بمواعيدك.
9 - اي يشغل تستلمينه وحاسه ان في شي موب فاهمته أسالي واستفسري حتى تكون الصوره واضحه بالنسبه لك , حتى لو سمح الله كان في خطأ ما يقولون لك ليش ما سالتي
هذه الامور الي تحضرني الان , موفقه خير ان شاء الله