بتكلم عن نفسي أولاً تخرجت 2013 بكالوريوس هندسة مدنية وبعدها اشتغلت سنة ك مهندس موقع براتب تقريباً 12000. كتب الله وطلعت بعثة أكمل ماجستير هندسة مدنية في جامعة امريكية وتخرجت ب اخر سنة 2016. بعد التخرج مباشرة عديت أختبار ال FE وتوظفت في امريكا كمهندس تصميم جسور وقواعد عميقة لمدة سنة ونص تقريباً وكان الراتب مجزي ولله الحمد. كتب الله ورجعت السعودية ب أرادتي.
بعد رجعتي للسعودية, أكتشفت ان الجسور تتصمم خارج المملكة ( الهند , مصر , والدول اللي فيها العمالة رخيصة ). حصلت وظيفة في مكتب استشاري ( اتصل علي وقالي بنعرض عليك راتب اساسي 7 الاف ويوصل لل 9000 مع البدلات, لكن ممكن المسمى يكون Civil Inspector or Civil Engineer ) توكلت على الله وقلت له موافق. تواصل معي الاسبوع اللي راح وقالي المباشرة ب 1-12 , طبعاً حتى الأن ما أرسلي العقد على حسب كلامه انه جاري العمل على العقد مع الاتش ار.
الموضوع واضح انه سعودة وبيتاكدون انهم يحتاجون Civil Engineer or inspector عشان عقود الوزارة. هل تنصحوني أتوكل على الله واداوم معهم علماً ان الدوام مايحتاج اني انقل له لأنه بنفس منطقتي, او أرفض وابحث عن عمل ثاني بحكم ان الوضع مشبوه فيه؟ وهل المسمى الوظيفي راح يضرني؟
شوف حاول ماتقنع نفسك انها سَعوَدَة لانك ماراح تعطي ولا راح تهتم بالعمل نفسيا راح تقول سَعوَدَة لذا اذا خذها مشي امورك المادية فيها واعتبرها مصروف لك وبرضوه تفهم شغل المكاتب الاستشارية وأحسن مافيها بمنطقتك لين يجيك افضل منها ب كثير وبيجي ان شاء الله
اكسب خبره اخوي انت اشتغلت تصميم كديزاين انجنير طوّر الجزء هاذا ولا تفرط فيه مهم جدا
الشي الثاني حاول تكسب خبره بالموقع والاشراف على المشاريع ك سايت انجنير
انت كذا تصير مهندس قوي ماشاء الله لان بعض الشركات توظف مهندس موقع وتوظف ثاني تصميم انت ثنين في واحد وبعد خبره بسيطه وكميه معلومات
باذن الله راح تطير فوق …
بالوضع الحالي اقبل
الحياه لا تأتي بطبق من ذهب إن لم تكافح وتشق طريقك باللقليل ثم بعده يآتيك الكثير بعد توفيق الله. لا يصبح للحياه طعم بدون كفاح .
اشتغلت مع اسواء ناس وكانه سعوده لاكن اروح واتعلم بنفسي وقالي شخص اليوم اللي يمر في عملك من دون ماتكسب لو فايده وحده اعتبره خساره .
واذا ماكافحت بجيك عيال وبتشد عليهم الدنيا وياخذو كفاح والدهم ك صبر لهم لين يطلعو على هالدنيا اقوياء
الثقة بالنفس والتفاؤل شي جميل ، لكن الواقعية أجمل.
أخوي Eng126 ، ماذا لو رفضت عملهم ثم بحثت عن عمل ثاني ثم لم تجد ، شهر شهرين ثلاثة اربعة 5 ولا تزال تبحث عن العمل الثاني.
ألن تشعر بالندم على رفضك العمل ؟ ألن تشعر بضياع 45 ألف ريال ؟
أنا أعرف أن 9000 الاف ريال أقل مما تستحق لكن شي أفضل من لا شي.
أنا اعرف موظف ترك وظيفته لأجل كلمة من المشرف عليه لم يتحملها ، أو في الحقيقة ليست كلمة بل لأجل أنه توقع إن خرج من الوظيفة سيجد أفضل منها " كونه حاصل على مرتبة الشرف"، وفعلا حصل على وظيفة أعلى منها لكنه حصل عليها بعد 9 أشهر قضى نصفها بدون وظيفة والنصف الأخر في شركة سيئة.
مالذي يضره لو استمر في الشركة الأولى حتى يضمن الوظيفة الثانية ، ولا يخرج إلا إذا تأكد أنها في يده.
زملائي الخريجين الجدد ، خذوا هذه القصة الأخرى ، خريج فريش أرسلت له شركة عرض وظيفي لم يحلم به، فاستشار هذا الخريج زملاؤه فقالوا له اطلب منهم زيادة الراتب وفاوضهم ، وراح المسكين يفاوض ثم لما رأت الشركة مطالباته استبدلته بخريج آخر.
يجب أن يكون الخريج واقعي ، لا يتفائل أكثر من المطلوب ويجب أن يعرف قدراته ولا يغتر بمن في المنتدى ولا بأصحابه.
أنت وحدك من يعرف قدراتك.
