متى تسليم وثائق التخرج؟ هل تاخذ مدة طويلة؟ وما هي الاجراءات للحصول عليها؟
وشكرا
ألف مبرووك التخرج
1- أهم شي تكون سلمت نموذج التخرج "graduation form " قبل فترة ( غالبا المسجل يطلبه من الطلاب خلال الفصل ) فأتوقع انك سلمته
2- موعد تسليم الوثائق غالبا يأخذ اسبوعين وشوي من موعد التخرج الرسمي " الي هو اخر موعد لتسليم القريدات "
طبعا اذا فيه اجازة حكومية للموظفين ( مب الطلاب ) خلال هالفترة مثلا عيد الأضحى او الفطر ، تتأخر الوثائق
بالنسبة لي طلعت الوثيقة بعد اسبوع وشوي من التخرج
3- بإمكانك تبدأ في إجرائات إخلاء الطرف وتطبع clearance form من البورتال من ال Bi وتمر على الإدارات الي فيه ،
طبعا بعد ماتخلص من كل الإدارة بيقى لك توقيع المسجل ،وراح يقولك تعال لما تجهز وثيقتك ، نوقع على نموذج إخلاء الطرف و تستلم الوثيقة
فيعني مب ضروري تبتدي الحين في اجرائات اخلاء الطرف ، بإمكانك تنتظر وثيقتك تجهز وفي نفس اليوم تخلي الطرف
4- الجامعة بترسلك رسالة جوال لما تجهز وثيقتك لكن من تجربة ، يتأخرون في الرسالة بينما وثيقتك تكون جاهزة من فترة
على العموم بعد اسبوع وشوي من تاريخ التخرج الرسمي رح أو خل احد موجود في الجامعة يشيك مكتب المسجل لأنهم يعلقون ورقة فيها الأرقام الجامعية للطلاب الي جهزت وثائقهم
وهذي الورقة تتحدث يوميا
فيه إجرائات ثانية بسيطة مثلا تروح لشؤون الطلاب ويعطونك شهادتك الثانوية ، وتروح لمكتب الخريجين عشان توقع انك استلمت الوثيقة و تعبي نموذج فيه معلومات عشان يتواصلون معاك بعد التخرج لكن هذي إجرائات بسيطة و راح يقولك عنها الموظف .
المسجل راح يعطيك الوثيقة + نسخة مصدقة + الترانسكربيت مجانا.
نصيحة ابتدي في التقديم على الشركات من الحين لاتنتظر تستلم الوثيقة .
الله يوفقك و يرزقك الوظيفة الي تتمناها
2 Likes
الله يسعدك يا شدعوه كلامك وافي وشافي