- جاني عرض من شركة عالمية منافسة للشركة إلي أنا فيها بزيادة تقارب ٣٣٪ على راتبي الحالي بسمى وظيفي أفضل بنفس مجال العمل علما بأن الشركة الجديدة طبيعة عملهم ٥ أيام بالأسبوع ولا يوجد لديهم شفتات على عكس عملي الحالي ٣ شفتات (كل شهر شفت) يعني مرات أداوم ١٢ الليل الى ٨ الصباح و٦ أيام بالأسبوع.
- الشركة الجديدة لديهم مشاكل كثيرة جدا بالقسم وتبعد ساعة تقريبا من مكان سكني (١٢٠ كيلو) بينما الشركة الحالية ٣٥ كيلو ولكن أقطعها بنفس الوقت تقريبا بسبب الزحمة داخل المدينة.
- يوجد مشاكل عندي بالشركة الحالية من مدير غير متفهم ونوعيته جدا صعبة والاستقالات عنده مرتفعة.
- نظام الإدارة بالشركة الحالية أفضل بكثير ولكن الفرص تذهب لفئة معينة وحتى الترقيات ليست بالمزايا المتوقعة وقد لا تتجاوز ١٠٪ لو أصبحت مدير.
- الشركة الجديدة فيها تحدي أعلى بحكم إني راح أعمل شبه مدير والمرجعية بالقسم لي ولكن بمسمى مهندس.
- تم عرض علي قسم آخر بالشركة إلي أنا فيها ولكن بنفس الراتب + تم عرض علي دوام ٥ أيام وأيضا بلا أي زيادة تذكر.
- تم تقديم الاستقالة بشكل رسمي للشركة ولكن لا زالوا يريدوني البقاء !
أنا عازم على أمري ولكن أردت استشارة الناس الخبيرة في المنتدى لعل أحد يوجهني رعاكم الله.
قل جاك عرض بزيادة 33% واللي هو فارق معك وشفهم يمكن يعطونك الزيادة بالذات اذ محتاجينك ولك فترة معهم
صديق لي نفس وضعك وكلم شركته القديمه ان عنده عرض واعطوه زيادة بنفس العرض لكن شركته كانت بالشرقية والعرض الجديد بالرياض
وجاء الرياض . جرب منت خسران شي
شركتك الحالية:
- انتا تقول الادارة افضل بكثير ولكن دام الفرص تذهب لفئة معينة = فساد اداري واضح وصريح وما فيها نقاش
- المزايا والترقيات قليلة
- المدير سيء وغير متفهم ، هذا لحاله سبب كافي انك تترك الشركة لانك بتتعامل معاه يوميا
- الميزة الوحيدة اللي انا شايفها : قرب المسافة والوقت ضايع بالزحمة = راحت الميزة
- اذا صرت مدير الزيادة يمكن 10% !! فيه شركات تعطيك زيادة 200% يعني لو راتبك 10 يصير 30 اما في الشركة حقتك تصير 11 شفت الفرق ؟
الوظيفة الجديدة:
- مسمى وظيفي افضل
- مهام اعلى = خبرة اعلى
- راتب اعلى بـ 33%
- دوام بدون شفتات
- المسافة ابعد ، راح تتعود مع الوقت
اعتقد مافي مجال للمقارنة ، والقرار راجع لك لكن لا تضيع هذه الفرصة من يدك … زيادة 33% نادر تلقاها ذي الايام
بس ما فهمت عليك ايش تقصد بالمشاكل في الشركة الجديدة؟ تقصد الشغل يحتاج تطوير ولا فساد نفس الشركة الاولى
تصدق عاد إن هذي شركة أشتغل فيها ويفاوضوني بكل الوعود (الكلامية) وجميعها لا تتضمن أي زيادة مالية ؟ حتى الوعود الشفهية تضل بدون قيمة لأن المتغيرات بسوق العمل كثيرة جدا
كلامك عين العقل وضربت كل النقاط بمنطق + المشاكل يا طويل العمر إن القسم نفسه ضعيف جدا جدا ويحتاج تطوير من الصفر ولكن لا أراها عيب وإنما ميزة لأن لمستي راح تبان بسهولة + خبرة جدا قوية لأني المرجع في القسم حتى في أصغر الأمور فراح تطور قدرتي على اتخاذ القرار وكذلك المهارات الفنية في كل شيء وأيضا الإدارية بينما الشركة الحالية الشغل ماشي بشكل سلس نوعا ما وفقط يحتاج مني متابعة وفعليا ماني جالس أضيف شيء لأن المدير يبيني فقط أمشي بكيفه ورؤيته لدرجة صرت معاد أتعلم أو أضيف شيء لنفسي
اما في الشركة حقتك تصير 11 شفت الفرق ؟