السلام عليكم
من اسبوع جاني عرض من الهيئه الملكيه في الجبيل منسق مشاريع خاصه
واليوم وصلني عرض من بترو رابغ لبرنامج حديثي التخرج, علما اني من سكان الرياض. انا قبلت عرض الهيئه الملكيه في الجبيل
لكن امانتا عرض بترو رابغ مغري ماديا راتب الفل باكج ١٥ الف. لكن اللي مخليني اتردد هو موقع الشركه في رابغ ومنطقه احسها نائيه. غير كذا رابغ ماعرف وش وضعها ك شركه ابحث عنها بالاخبار مالها حس ومادي اذا شغالين او لا
اصحاب الخبره وش رايكم؟
بالتوفيق للجميع
الهىئه الملكيه افضل من ناحيه الاستقرار وتملك منزل خلال ٧ سنوات بمبلغ زهيد. ولو ان رواتبهم اقل بس اشوف انها افضل من بترورابغ. بس بغيت اسأل انت متى قدمت على الهيئه.
فالصيف بس مو متأكد اي شهر لكن المقابله كانت في ديسمبر
الجبيل ممكن قريبة منك اذا فكرت في الاهل…بالمقابل بترورابغ افضل من ناحية الرواتب والمميزات وممكن تاخذ خبرة وتقدم في شركات الجبيل مستقبلا.
انا عندي قناعه ومازلت اقتنع فيها أكثر وأكثر مع مرور ع مرور الوقت.
اذا حاب تتميز في الشركه الي انت فيها أو الي حاب تكون فيه مستقبلا وتبي تكون ذو شأن فيها في المستقبل أن شاء الله لابد أن يكون تخصصك في صلب الشركه.
ممكن ماعندي الإمكانية في صياغه الجمله ولكن راح افسرها بعدة امثله. الا وهي:
أرامكو, سابك, صداره, ساتورب, تصنيع، بترورابغ والتحليه etc( راح يفضلون المهندس الكيميائي
شركات المحاسبه بأنواعها تفضل ( تفضل تخصص المحاسبه
ABB, شنايدر الكتريك …etc ( تفضل متخصصين الهندسه الكهربائيه
شركه علم المتخصصه بالIT ( راح يفضلون computer science و الIT
البنوك ( راح يفضلون تخصص الماليه
شلمبرجير هالبيرتون etc ( يفضلون هندسه البترول )
جسكو, معادن ( الالمنيوم) , حديد سابك, وجميع الشركات المتعلقه بالتصنيع ( تفضل الهندسه الميكانيكيه,
الهيئه الملكيه بمشاريعها المستقبليه والحاليه في البنيه التحتية الضخمه و وزاره الاسكان أو اي جهه مهتمه بالبنيه التحتيه والبناء ( تفضل الهندسه المدنيه بأنواعها …
اكيد راح يكون معهم من ذو حمله الهندسه الميكانيكيه و الكهربائيه في الدعم.
صحيح في مهندسين ميكانيكي و كهربائين و ومن جميع التخصصات في أرامكو و سابك بس ماراح يتميزون مثل المهندس الكيميائي لأن على قولة الأولين ( هاذي صنعته ).
الخلاصه دام ان تخصصك هندسه مدنيه انا اشوف انك تروح للهيئة الملكيه بعد الاستخاره, لأنك راح تستفيد استفاده عظيمه. هذا والله واعلم واسال الله لك وللجميع التوفيق والسداد.
اعذروني على بعض الأخطاء الاملائيه وشكرا.
ماشاء الله. عرض بترورابغ مغري وشركة قوية بصراحة بس ماعندي علم عن مميزاتها واذا فيها تمليك بيوت او لا.
اللي اعرفه الهيئة لها مميزات من تمليك بيوت من بعد ٥ سنين من بداية عملك معهم، والتأمين الطبي ممتاز لك ولزوجتك وعيالك وللوالدين الاحقية في تلقي العلاج في مستشفى الهيئة. وعندك ميزة تدريس الاولاد في مدارس الهيئة ولا اختلاف ان مدارسة الهيئة من افضل المدارس. شي ثاني دوامك من 7-3 تعتبر مثل دوام الحكومة تقريبا من الاجازات وغيرها.
البونص السنوي اظن حدك تاخذ ~650 اذا كان تقييمك ممتاز.
صراحة ماعندي فكرة عن بترورابغ بس الافضل تسأل وتقرأ عن مميزاتها وبالنسبة لك تبي تستقر حاليا او تبي تكسب خبرة.
كل التوفيق لك
شركة بترورابغ من الشركات الكبيرة في المنطقة و العام الماضي وزعوا بونص ٣ رواتب وارباحها ارتفعت بشكل كبير فوقها الحين بيفتحون رابغ ٢
مقارنة بين الشركتين لو انا مكانك بروح بترورابغ لان دامي متغرب في كلتا الحالتين بروح على راتب اعلى
بخصوص رابغ في هي مدينة صغيرة جدا و تبعد تقريبا نص ساعة عن المدينة الاقتصادية و ساعة عن جدة بالكثير
انت اللي تحدد وين تبغى يا صاحب الاعلان
اذا ودك تبني خبرتك في شركات الكيميكال وبعدها تقدم في الرياض فبترورابغ مفتاح خصوصا ان زياداتهم ممتازة جدا
خويي اخذ تقييم متوسط او اعلى من المتوسط و جاته ٧٪ زيادة
فكر انت واستخير، الهيئة تعرف راتبها و الزيادات كيف و التقييم
بترورابغ يمديك توصل مدير ادارة صدقني
الهيئة فيها ميزه احتمال تنقل الرياض لان مقرها بالرياض . وغير كذا المميزات الماديه واضح ان بترورابغ افضل
ماشاء الله خيارين كلهم حلوين والله يوفقك للافضل . بس نصحيه لا ترفض اي عرض حتى تباشر بالثاني
بالتوفيق
لوني منك اختار بترورابغ
رواتب وخبرة تفيدك
أخي الكريم بما أني أعرف رابغ جيدا راح أقولك التالي :
رابغ مدينة شبه نائية و صغيرة لان بالليل حرفيا سكون و ما فيش حركة زي جدة
إذا أنت إنسان ما تحب الفعاليات و ما تطلع تتمشى كثير فذي المدينة مناسبة لك
مدينة الملك عبدالله الاقتصادية راح تبعد عنك 38 كيلو و الان فيها صاير فعاليات غنائية كثيرة و بتكون مكان مميز
جدة راح تبعد عنك 150 تقريبا ساعة و نصف
نصيحتي لك التخصص أولا و خصوصا إذا أنت ببداية حياتك فاختار طريق صحيح للبداية بقوة ثم اعتقد تقدر ترجع الرياض او الشرقية بكل سهولة
شركات الجبيل بتوظفك إذا سمعت أنك جاي من بترو رابغ لانها شركة ثقيلة
لكن المغري في موضوع الهيئة
تكون قريب من أهلك نسبيا
اذا دوامك 7-3 فهذا الشيء خرراافي و مميز و هذه النقطة مهمة ولو الفرق بالراتب يوصل الى 5000 ريال
كيف طريقة التقديم على الهيئة الملكية ؟
موقعهم
OF COURSE PETRO RABIGH