السلام عليكم ورحمة الله وبركاته
عندي مقابلة مع هيئة الزكاة والدخل لوظيفة مراجع داخلي
طبعا انا ما قدمت هم اتصلو علي
ابي اعرف كيف طبيعة مقابلاتهم و الرواتب وبيئة العمل وهل يستاهل انقل الرياض لهم
وعليكم السلام،
المعلومات الي اعرفها عنهم من صاحبي وقد تكون غير دقيقة ١٠٠٪.
صاحبي عمل معهم مقابلة على نفس البوزشن (وهو من الشرقية)
المقابلات كانوا ٣(٢ عن طريق التلفون ووحدة في الرياض).
انطباعه عنهم:
- بيئة العمل عادية ويوجد لخبطة في اجراءات العمل عندهم. يعني بما معناه ما في نظام واضح لسير العمل وفي تغيير في الاجراءات بشكل متكرر. (اعتقد هذا في قسم الضريبة بما انه قسم جديد)
- الراتب الي اعطوه اياه كان ١٦-١٧ الف فل بكج.
- دورات وتدريب ما فيه او بالاحرى ما جابوا هذا الطاري نهائيا (ممكن لانه عنده خبرة مسبقا؟)
- اجراءاتهم واضحة وسريعة نوعا ما.
في الاخير صاحبي ما راح لهم لانه حس الفرق المالي ما يستاهل انه يغير مقر سكنه من الشرقية للرياض وهم ما كان عندهم نية انه يزيدوه.
بالتوفيق لك
ماشاءالله ١٧ الف كم سنة خبرة خويك؟
سنتين وشوي مع وحدة من الbig 4
سويت المقابلة معهم
المقابلة كانت مع اخت من الموارد البشرية و مدير المراجعة الداخلية
الأسئلة كانت كالتالي:
تكلم عن نفسك
أسئلة في السي في نفسها مثلا ليش حولت من محاسب الى مراجع داخلي
بالنسبة للوظيفة في الشركة الجديدة كمراجع داخلي كيف كانت نقلتك
واسئلة أخرى بالنسبة للسي في والتنقلات
ويش تعرف عن هيئة الزكاة والدخل
المقابلة كانت لمدة نص ساعه فقط
بالتوفيق للجميع
كيف الرواتب والمرايا وطبيعة العمل
تعتبر وظيفة عمر ورواتبها طيبة .
توكل ع الله
ممتازة جدا هيئة الزكاة والدخل
الراوتب 15000-19000
الموقع بنسبة كبيرة بالرياض ونعم يستحق النقل والرياض مدينة ممتازة جدا للعيش فيها ولا هي بعيدة من الشرقية
ممكن تكون بجدة او الشرقية لكن هذا احتمال نادر جدا جدا لكن في امل للنقل بالمستقبل ان شاء الله
هيئة الزكاة والدخل وكمان هيئة السوق المالية وصندوق الاستثمارات العامة
هذي افضل ثلاث قطاعات بالرياض
1 Like
الجامعي يعطونه من ١٥ الف الى ١٩ الف متاكد
نعم ياغالي شوف اللي فوق عطوه 17 الف
15-19 يعني بين هذا ال Range
ماهو الافضل للرواتب الزكاة او الجمارك
مافي رد
الزكاة
متأكد
لان الجمارك عندهم بدلات
الجامعي في الجمارك كم راتبه الأساسي
نعم ان شاء الله
وكلها الاثنين راتبها جدا عالي مع البدلات لاتقلق
وارى كثرة التفكير في الراتب ربما ليس شيء جيد … فكر في راحة العمل والخبرة والتطور الوظيفي وهذي مهمة للغاية مستقبلاً
بالتوفيق اخي العزيز .
افهم من كلامك الزكاة افضل
عندي بحث تخرج في الموارد البشرية
ابي اعرف المزايا للجمارك والزكاة
ماشاء الله