السلام عليكم ورحمة الله وبركاته
ياشباب انا مهندس إلكترونيات حديث تخرج صار لي سنة عاطل سويت كل اللي اقدر عليه لكن الله ماكتب نصيب
انا من سكان الغربيه و افكر ازور الشرقية واقدم على الشركات (يدوياً) لعل الله يكتب لنا نصيب
هل تشوفون الطريقة مجديه خصوصاً مع قلة الوظائف الهندسية في الفترة الاخيره
اتمنى افادتكم ياشباب لاني راح اصرف مبلغ وقدرة من تذاكر سفر وسكن الخ
واذا تعرفون اسماء الشركات الي تقدر تقدم عليها يدويا لاتبخلون علينا
والله يوفقنا وياكم
وعليكم السلام ورحمة الله وبركاته
موضوع التقديم اليدوي الصراحة يختلف من شخص إلى شخص ، في شباب توظفوا عن طريقه و كان فيه نتيجة وفيه شباب لا
طبعا بعضهم لما راح يقدم بالصدفة كان موجود مسؤول التوظيف او مدير المصنع فطلع بنتيجة .
بشكل عام : في شركات تقبل بالتقديم اليدوي لكن مب اكيد يكون المقابل جيد لأن اغلبها شركات متوسطة او صغيرة و قليلة الشركات الكبيرة الي تسمح لك تدخل عشان تقدم يدوي ، يعني واحد من الشباب راح لأبراج الشركات مثل برج الحقيط ، والمدينة الصناعية
وسوى مقابلة مع اكثر من شركة لكن الرواتب كانت منخفضة بين 5000 - 7500
هذي المواضيع عبارة عن تجارب الشباب في التقديم اليدوي وقائمة للشركات :
تجاربكم في التقديم اليدوي على الوظائف
https://www.stkfupm.com/forum/threads/استفسار-لمهندسي-الرياض.136940/
https://www.stkfupm.com/forum/threads/تجميع-لمقر-الشركات-للتقديم-اليدوي.117515/
https://www.stkfupm.com/forum/threads/شركات-الجبيل-والخبر-والدمام.136577/
https://www.stkfupm.com/forum/threads/التقدم-للوظائف-مهندس-كهربائي-خريج.133637/
+
هذي تجربة واحد من الشباب في التقديم :
+
قدم على شركة مصانع الخليج لأنهم طالبين تخصصك ومشترطين يكون المتقدم من أهل الغربية
https://www.stkfupm.com/forum/attachments/upload_2019-4-1_17-29-0-png.11812/
الله يوفقك ويرزقك الوظيفة الي تتمناها ،
الله يعطيك العافية يااخوي على جهودك المبذولة في مساعدة الخريجين . اكثر عضو متفاعل ماشاء الله الله يوفقك ويجزاك كل خير
يا ليت تكون متفاعل زيه و تجيب ايميل الشركات الي قدمت عليها يدوي عشان الكل يستفيد
على اي اساس قلت اني رحت للشرقية و قدمت على الشركات ؟
انا لازلت ادرس الموضوع واذا رحت وحصلت شي راح يفيد اخواني الخريجين راح انزله … لكن خفف من درعمتك شوي .
اعتقد الأخ قصده بعد ما انت تقدم ترجع وتفيد الشباب مو انه انت قدمت وخلصت لأنك منزل الموضوع يوم الأربعاء يعني اكيد ماصارت لك الفرصةتسافر و تقدم باقي.
ها مين اللي مفروض يخفف درعمة؟ ههههههه وان شاء الله كلنا نفيد بعض هنا وبالتوفيق للجميع