السلام عليكم ورحمة الله وبركاته،،،
الحمدلله وصلني عرضين الاول من الخطوط السعودية والثاني من المراعي، اللي عنده خبرة في الشركتين مين افضل كتدريب وتطوير وبيئة عمل؟
ما شاء الله تبارك الله، يا ليت تذكر مسمى الوظيفة والراتب والمميزات(تامين، تذاكر سنوية، الخ) عشان الشباب يساعدونك وكذلك يكون الموضوع مفيد للباحثين عن عمل في المتسقبل
عموما اللي اعرفه شركة الخطوط السعودية هو برنامج رواد المستقبل، تخليك متدرب لمدة سنتين ثم تعينك رسمي، وقت التدريب ما تاخذ بدل سكن ولكن مسجل في التامينات، وفي الاخير لا شك الخطوط السعودية تعتبر شركة اكبر واكثر استقرارية في وجهة نظري
وللاسف ما اعرف عن المراعي
وبالتوفيق
1 Like
اكتب التخصص والرواتب والبدلات الي جتك رغم اني اميل الكفة للمراعي واتوقع انها اعلى راتب،
الخطوط حلوة بخصومات التذاكر لكن مو زي قبل . سمعت انهم خففوا التخفيض وصارت محدودة “مدري صحيح او لا”
كيف نرد عليك و مافي اي تفاصيل بخصوص العرض الوظيفي ؟؟؟!!
بما ان تفاصيل العروض و المسميات الوظيفيه ما ذكرت . انا ب ارشح الخطوط بحكم انها شركة ملك للحكومه واكثر استقرار من المراعي اللي بالاخير تعتبر شركة مستثمر لو انخفضت المبيعات بتسبب مشكلة للشركة
1 Like
لو توضح اكثر تفاصيل العرض عشان نقدر نساعدك
بس يبدو لي ان العرض الي جاك من المراعي تحت برنامج GP ؟
فيه حاجات ثانية تحكم غير اسم الشركة فقط
1- هل العرضين بنفس مدينتك وعند اهلك ؟
2- الراتب الاعلى في اي عرض فيهم؟
3- المسمى الوظيفي؟ يفرق كثير
4- هل كلها وظائف مباشرة ولا كونتراكت ولا برامج خريجين منتهية بالتوظيف؟
5- نوع التأمين وفئته وهل يشمل الوالدين ؟ اظن المراعي لا يشمل بينما الخطوط ايوا
6- بيئة العمل؟ دعم الشركة للسعوديين خصوصا بالقسم اللي راح تشتغل فيه
اذا جاوبت على كل ذي الاسئلة بيسهل عليك الاختيار وبالاخير الشركتين كويسة ولكن الخطوط معروف عنها انتشار الواسطات للأسف اذا يزعجك هذا الشي لا تروح لها
وعليكم السلام ورحمة الله وبركاته
من ناحية التدريب والتطوير وبيئة العمل ، المراعي أفضل