السلام عليكم
حاب استفسر عن اختبار الهيئة الملكية بينبع
ممكن احد يفيدنا, انا جاتني رسالة منهم وهذي مضمونها
عزيزي المتقدم على وظائف الهيئة الملكية بينبع، لقد تم ترشيحك لحضور تقييم الجدارات الوظيفية على الوظيفة التي تقدمتم عليها.
وندعوك لحضور التقييم في الموعد والمكان المحددين أدناه.
وفي حال اجتيازك للتقييم سيتم ترشيحك للمقابلة الشخصية على الوظيفة الشاغرة في نفس اليوم.
ياليت اذا احد مر بهذي الاختبار والمقابله يوضح لي
وشكراا
أظن انه اختبار قدرات ذهنية…والله ماادري وش المطلوب من هالاختبار
لكن الله يوفقك
وعليكم السلام
الهيئة تنادي تقريبا +٣٠ متقدم ويصفونهم بالبداية باختبار انجليزي، أعلى ٦/٥ ينتقلون لاختبار القدرات وهنا التصفية الثانية. الأفضل منهم ينتقلون للمقابلة الشخصية (ممكن ١ وممكن كلهم، على حسب درجتهم). بعدها يختارون من المتقدمين على حسب الحاجة ويأخذون نفس العدد احتياط.
أتمنى أفدتك بحكم أني مريت بهالمراحل
انا مستغرب ان مافيه اختبار انجليزي زي العادة , تتوقع غلطوا في المسج ما نبهو انو فيه اختبار انجليزي او بعض الوظايف ما يحتاج فيها تختبر !!
انا اختبرت ومافيه اختبار انجليزي واختبار الجدارات تقدر تختبره بالعربي والوضع سهالات لكن حاول تطون سريع بديهه وسريع بالاجابه علشان الاسئله واجده والوقت يالله يكفي .
السلام عليكم ياشباب بالنسبة للهيئة الملكية اخر طرح للوظائف لهم خفضو معدل القبول من جيد جدا الى جيد والغو اختبار الانجليزي وهذي كلها قرارات الرئيس الجديد للهيئة المهندس عبد الله السعدون
في البداية حضرنا المكان الحدد في الرسالة وجمعونا كلنا وبعدها صارو يفرزون الاعداد حسب كل وظيفة بتنظيم طبعا يشكرون عليه بعدها دخلنا الاختبار
بالنسبة لاختبار الجدارات الوظيفية هو كله عربي ويتكون من 6 اقسام طبعا القسم الاول اطول قسم واكثر اسأله وفيه 182 سؤال والاقسام الباقية كل قسم تقريبا 40-60 سؤال بالمجمل تقريبا للاجزاء الـ 6 يمكن حوالي 350 سؤال
طبعا مطلوب منك تخلص كل هالاسئلة في زمن ساعة ونصف والاخوان طبعا ماقصرو عطونا تقريبا نص ساعه زيادة لان اغلبنا ماخلص على الوقت
بعدها قالو خلاص اللي تجيه رساله بالترشيح يتوجه للموقع الجديد ويتقيد بالموعد وطبعا تفاصيل الموقع والموعد كلها بيرسلونها ( لو ترشحت للمقابلة )
تقريبا حوالي نص ساعه وجاني الرسالة وبعدها توجهت للموقع الجديد وسونا المقابلات وكانت بالعربي والامور سهالات جدا مع اني كنت محضرها بالانجليزي بس هم يبون يشوفون شخصيتك فقط بالاضافة الى الاختبار يعتبر تحديد مستوى سواءا انت اناني او مغرور او قيادي كلها تكشف لهم عن طريق تحليل الدرجات
وبالنسبة للنتائج قالو خلال اسبوعين ان شاء الله
بالتوفيق للجميع
يعطيك العافية اخوي
لو ماعليك امر تقدر تشرح ايش انواع الاسئلة اللي جاتكم , يعني مثلا مثل اختبار القدرات مسائل حسابية واشكال تحلها وهل يوجد جزء لفظي ؟
السلام عليكم
تفاصيل الاختبار للي يسأل، على الكمبيوتر- 6 أجزاء - كلها خيارات
الأول: اختبار شخصية ( تقدر تقول نفسي ) تقريبا 160 سوال
يعطيك حدث معين و يسألك عن رأيك / ردة فعلك.
أمثلة
يقلك أنت واقف في سرا و جا واحد سقط، ايش راح تسوي؟
مديرك في العمل نشبة وكل شوي يسألك، هااا ايش سويت في الشغلة الفلانية؟
رحت مطعم و كانت الخدمة سيئة، تشتكي؟
أهم شيء في الجزء هذا انك ماتغير رأيك لأنه راح تلاحظ نفس السؤال يتكرر أكثر من مرة بصيغة مختلفة.
الثاني: إختبار شخصية أيضا - 30 الى 50 سؤال
يعطيك شيئين و المطلوب ايش الشيء اللي تفضله أكثر
أمثلة
أ - حل مسألة رياضية معقدة ب - لعب الكورة مع الاصدقاء
أ - طلب المساعدة من الأخرين في انجاز عمل معين ب - تسويه بنفسك
الثالث: منطقي رياضي ( حسابات ) 15 الى 30 سؤال
أسألة متنوعة مابين نسب مئوية و حسابات ربح/خسارة و متسلسلات
الرابع:منطقي لفظي - 30 الى 50 سؤال
يعطيك كلمتين بينها علاقة معينة و ثم كلمة و خيارات، المطلوب تختار الكلمة اللي علاقتها مع الثالثة مثل علاقة الاولى مع الثانية
الخامس و السادس: منطقي رياضي ( حسابات ) 15 الى 30 سؤال
أسألة متنوعة مابين نسب مئوية و حسابات ربح/خسارة و متسلسلات
أنصح بالاتي:
- خذ كفايتك من النوم قبل الاختبار ( الاختبار مايحتاج مذاكرة يحتاج تركيز و مو صعب أبدا )
- اختار اللغة العربية ( للاسف انا توقعت الاختبار كله رياضيات و أشكال و اخترت اللغة الانجليزية و تورطت لأن المفردات صعبة جدا بالانجليزي مشابهه للـ GRE. لكن الجمد لله تجاوزته 
- خذ معاك الة حاسبة( مسموح استخدام الالة الحاسبة حقت الكمبيوتر لكن الالة العادية احسن و أسهل)
- قلم/مرسام و كم ورقة فاضية ( تحتاجها لبعض المسائل)
بالنسبة للمقابلة الشخصية أول سؤوال تكلم عن نفسك بالانجليزي و الباقي بالعربي و أكيد تختلف من لجنة الى أخرى لكن عموما من خلال تجربتي الهيئة الملكية بينبع شغلهم ماشاء الله مرتب و موفرين بوفيه مفتوح في مكان المقابلات وللأمانة تعاملهم مع المتقدمين أفضل بمراحل من شركات كبيرة مثل أرامكو و سابك.
و موفقين
نفس ماصار لك بالضبط ، ولكن المختلف ان المقابله كلها انقلش في انقلش … بالاخير بسس تحدثنا شوي بموضوع عربي وبسس والباقي كلهم يسلون انقلش ، احد صار له نفس وضعي ياشباب !؟
بخصوص النتايج انت سألت اللجنه وقالو لك بعد اسبوعين ؟! لاني سالتهم وقالو عندنا مقابلات الى 20 رمضان والنتايج راح تكون بعد العيد
سألتهم قالو بعد العيد
تمام نفس الوضع قالو بعد العيد ،، بسالك مقابلتك كانت انقلش ولا عربي ، لاني كانت المقابله كلها انقلش بس بالاخير شوي عربي ومافيها ولا سوال تخصص ولا سوال عام ولا شيء ، مجرد سوالف شخصيه عني فقط
كانت أغلبها انجلش وانا تعمدت ارد بالانجليزي ع اغلب الأسئلة وبالنسبه للتخصص سألني ع الخبرة حقتي وشوي أشياء تتعلق فيها بالتخصص. والله يوفقنا يارب للي فيه خير
اممين يارب ويكتب اللي فيه الخير للجميع ، سوال وانا اخوك الحين اول شخص يقابلون معاه من نفس التخصص هو افضل شخص بالاختبار ولا كيف ، لاني سمعت كم واحد قال ان اول واحد يدخل هو افضل واحد بالاختبار ، هل عندك معلومه عن هالشيء وشاكرين لك
لا والله اول مره اسمع بهذي المعلومة
يعطيك العافيه ، وان شاء الله يكون القبول من نصيب الجميع
سلام عليكم
سؤال يا أخوان هل الخبرة العملية تفيد في المفاضلة ؟ يعني اللي سوا المقابلة وواحد عنده خبره عملية و الباقين فريش هل ياخذوا الخبرة كأفضلية ؟؟
يا ليت تفيدونا بارك الله فيكم
شباب احد جاه رد نهائي ؟ قالوا اسبوعين تجي النتايج وللحين منتظرين !!
سلام عليكم ورحمة الله وبركاته
كل عام وانتم بخير جميعاً
هل احد عنده اي جديد بنسبة للتوظيف جاته رسالة او كلمهم
وياريت اذا احد عنده رقمهم يضيفه
عليكم السلام
وكل عام وانتم بخير وطاب عيدكم وعاش حبيبكم
حقين جيزان مختبرين قبلنا بكم اسبوع ولحد الان ماردو لهم فأتوقع انهم انهم مطولين وترا العدد مو هين .
وكل واحد منا بياخذ اللي كاتبه لي ربي وماراح تاخذ الا رزقك بهالدنيا . ونسأل الله التوفيق لنا ولكم .
اللهم ارزقني من حيث اعلم ومن حيث لا اعلم .
هذا رقمهم / 0143216380
0143216511