انا خريج جديد وتواصلوا معي شركة مرموقه اليوم وقالوا لي بنسوي معك مقابلة شخصية بعد العيد.
انا الحمد لله خريج مرتبة شرف وعندي مهارات كثيرة ك كتابة التقارير بشكل جيد و مهارات العمل الجماعي ووو الخ…
لكن انا اعاني من التاتاه، اشتغلت على نفسي و الحمد لله تحسنت كثير ومن الاساليب اللي اتبعها و تدربت عليها اني ابدل الكلمات الصعبه بكلمات اسهل بالنسبه لي بسرعه اثناء الكلام بدون ما احد يحس او يشك حتى.
لكن مشكلتي بالانجليزي، انا لغتي جيده ك كتابة و فهم و مفردات و استماع لكن التحدث يخونني كثير بسبب التاتاه.
التاتاه عندي بالانجليزي أكثر بكثير من العربي لقله الممارسه وانا بصراحه خايف اني ما اعبر عن نفسي و نقاط قوتي بشكل جيد بسبب التاتاه وخايف اخسر فرص وظيفية بسبب مشكله او عيب ليس لي فيه أي ذنب.
اول شي الله يعطيك العافية والله يكتبلك افضل الوظايف الي تتمناها يااارب ومبروك التخرج ومرتبة الشرف يامهندس!! ^ـ^ . معك شخص نفس حالتك تماما خريج امريكا مهندس ميكانيكي وقدمت على كم شركة بالسعودية وامريكا وسويت فوق ١٦ مقابلة وكنت ملم فيها بس زي ماقلت التاتاة تخونك خصوصا بلغة ماهي لغتك وانرفضت في كل المقابلات ( شركات كبيرة ارمكو معادن بيكر هيوز و و و ) والسبب الرئيسي كان التاتاة ( نشبت لبعض حقيت التوظيف الي قابلوني وقلتلهم ابغا اعرف السبب الرئيسي لرفضي وكان التاتاة هو السبب لنسبة كبيرة من لمقابلات الي سويتها) حتئ كنت اقولهم باخر المقابلة لاتحكم على التاتاة احكم على شغلي, مشروع تخرجي, انجازاتي, درجاتي, دوراتي و جودة عملي بالمشاريع بس الحمد لله علئ كل حال وان شاء الله يكتب الي فية خير يارب. الي ابغاه منك تسوية من تجربتي للمقابلات وعلشان ان شاء الله تعديها هو كالتالي ياصاحبي العزيز:
اجلس مع ثلاث من اخوياك المقربين جدا وتمون عليهم وتعطيهم كل واحد بعض الاسالة الي تتوقع بتجيك بالمقابلة ( تقدر تقرا باالقروب هذا اذا فية القسم الي بيقابلونك فية وتعرف الاسالة) وتسوين زي المقابلة الجدية ثلاثة اشخاص مقابلك. مخرجات هذا التدريب هو كالتالي:
١- اولا بتتعود على اجواء المقابلات وطبيعة الاسالة والحركة الديمانيكية للمقابلات من التحية والسلام, تلقي الاسالة والجواب عليها
٢- تزيد ثقتك بنفسك من ناحية كلامك بالمقابلة والتدرب على الكلمات الاساسية في هذا الوظيفة
٣- تجربتك هذي بتعطيك خبرة كاملة شاملة عن المقابلات وكيف تتحكم بالتاتاة وكيف تتجاوز عقباتها قبل لاتدرخل المقابلة الحقيقية
٤- اخر شي خل اخوياك يعطونك وين تاتاة بالضبط وتقدر تطورها قبل المقابلة الاساسية
وترا للمعومية من خلال مقابلاتي وبحثي و سوالي في فترة بحثي عن وظيفة لقيت في عدد من المهندسين مثلي ومثلك يمرون بنفس هذا المشكلة فاانا احيك والله لقدرتك وجرائتك في طرح هذا الموضوع!!
الله يوفقك ويكتبلك افضل الوظايف يارب وثق ثقة تامة اني اشعر فيك وان هذي المقابلة يمكن تكون مفترق طرق وبابك للنجاح. انت لها ان شاء الله!!
فخور جدا فيك لتحديد نقطة من نقاط ضعفك وهذا يعكس كمية وضوحك مع نفسك.
اولا هذه نقطة للاسف تؤخذ بعين الاعتبار من بعض ممثلي الشركات الي مايركز في مخرجات المتقدم بشكل جيد، فنصيحتي لك كالتالي:
اتمرن قبل المقابله كثير علي الاسئلة الدارجة فالمقابلات وحاول تركز علي بداية المقابلة ، صافح بقوة وابتسم وابدا بالحديث عن نفسك بافضل طريقة تناسبك انت.
بعد ذلك حاول تتكلم بكل اريحية حتى لو ماقدرت تطلع بصوره ممتازه فالبداية حاول انك تركز علي تسويق نفسك بشكل ممتاز، اخبرهم بكل النقاط الي تميزك عن غيرك مثل بعض النقاط الي ذكرتها. حاول ترتب نفسك ،التحدث علي مهل ووزع نظرات للجميع. كل هذا راح يضبط بالممارسة . حاول تكسر التوتر لانه هو السبب اذا ماقدرت تخيل انك جالس تحكيهم قصة واضيف لها بعض الابتسامة فهذا راح يضيف لك جرعة ثقة.
مرره اخري مارس مارس مارس لين ماتكسر التوتر الي يسبب الاضطراب في خروج الكلمة. واخيررا تذكر ان لن يحدث شي ماهو مكتوب لك لذالك تفائل كثيراً.
اتمنى لك التوفيق وان شالله نسمع اخبار جيدة فالمستقبل القريب.
ثالثا : تقبل وضعك واحمدالله أنت ماشاء الله تبارك الرحمن شخص متميز كثير يتمنى يصل للتميز الذي وصلت له تقبل وضعك الحالي أول خطوة للحل.
رابعا: هناك حلول سريعة ونافعة أنصحك بها:
1) ادخل بثقة وتوكل على الله واستأذن وقل كلمات سهلة تكون مجهزها عندك قبل البدأ في المقابلة أنك متميز في الدراسة لكن لديك مشكلة في التأتأة وأنك حاولت ومازلت تحاول حل المشكلة وأنك تحسنت بسبب المحاولة المستمرة وترجو منهم تقبل هذا الأمر لإنه سيتحسن بإذن الله أكثر مستقبلا (راح يقدرون جرأتك وصراحتك ومحاولاتك لتحسين نفسك) هنا تكون كسبت أول المقابلة - حتى لو تأتأت في الكلام -
2) تدرب على الأسئلة المتوقع أن تأتي في المقابلات بشكل عام والشركة التي أنت مقبل عليها حتى تسهل عليك المهمة مع مجموعة يكون أفضل
3) حتى لو حصل الرفض لعلمك الرفض يحصل للجميع وهذا شيء طبيعي
يكفي أنك عارف عن نفسك أنك متميز وأنك بذلت الأسباب
وأنا متوقع بحول الله أنك بتتوظف بشركة ممتازة.
هناك الكثير غيرك كانت التأتأة طريق للنجاح ! واعطيك مثال حي محمد القحطاني صاحب خطبة the power of word اللي أخذ الأول في الخطابة
في مسابقة عالمية !
الناجح هو من يحول نقاط ضعفه إلى نقاط قوة وانتصار في حياته وأنت لها بحول الله
أخيرأ اسأل الله لك التوفيق والسداد في الدنيا والآخرة
وعليكم السلام أحمد ، على البركة التخرج ونورت المنتدى ( بما أنها أول مشاركة ).
شوف أحمد ، لو أنك بالفعل خسرت وظايف كثيرة بسبب التأتأة كان كتبت لك رد طويل. لكن أنت خريج جديد وممكن هذي أول مقابلة لك. ابعد الخوف عنك واعرف أن أكثر الأشياء اللي نخاف منها ما تحصل.
والمسألة في ظني مسألة تمرين وراح تضبط وتكون ممتاز. وبما أنك فرش فماراح يسألونك كثير. السؤال المهم عندهم راح يكون تكلم عن نفسك. عشان كذا جهز نفسك للسؤال هذا زين وتدرب على إجابته كثير.
بالنسبة لجملتك هذي ، أدري انك ماتقصد بها معنى سيء.
لكن اللي ودي أقوله ان اللي أعطاك الذكاء والصبر والمهارات اللي تخليك تأخذ مرتبة شرف هو اللي خلاك تتأتأ في الكلام. فالحمدلله أولا وأخرا.
ومرتبة الشرف مالها علاقة بالجهد والتعب في المذاكرة بقدر مالها علاقة بذكاء ومهارات الشخص اللي حباها الله له.
والشخص اللي اجتهد في المذاكرة أكثر مما اجتهدت أنت ولاحصل على مرتبة شرف. فما يصح يقول أن عدم حصولي على مرتبة الشرف ليس لي فيه أي ذنب فأنا اجتهدت ولم احصل على مرتبة الشرف بسبب أن عقلي محدود أو ذكائي قليل. وكأنه فيها رائحة اعتراض على الله أنه لم يعطه عقل متقد وذكاء حاد. بل عليه أن يقول الحمدلله.
أخذ الشركات هذي النقطة بعين الاعتبار من حقهم إذا كانت الوظيفة تتطلب مهارات التحدث. مثل تقديم البرزنتيشن والحديث في الاجتماعات مع الكلاينت.
مثلها مثل العسكرية لما تتطلب طول معين أو وزن معين.
أول شي مبروك التخرج وما شاء الله تبارك الرحمن والله يزيدك فوق مرتبة الشرف هذه شرف تحقيقك لحلمك.
لو مثلا كنت انا أحد اعضاء اللجنة وقابلتك، أبدا هالموضوع م يكون معيار أو مقياس لشخص مميز مثلك؛ ولكن في حال كانت الوظيفة تتطلب طلاقة في الكلام وسرد للأفكار سريع واقناع، ممكن يتغير الوضع. والصراحة عندي ايمان ان هذه مهارة مالها شغل بالتأتأة أو غيرها والدليل كثير من الناس ما عندهم تأتأة ولا شي ولا يجيدون هالمهارة وأنا اولهم بالمناسبة.
شخص مبدع ويملك مهارات عمل جماعي مثلك ما اعتقد انه ينقصه الثقة بالنفس وهي أهم شي؛ وانسان يتعرف على المشكلة ويسعى ويجتهد لحلها ما اعتقد انه نصايحي بتزيدك شي بقدر ما ممكن تنبهك على جوانب تفكيرك ما تطرق لها.
اول شي تحقيقك لتقدم في هالمسألة يعتبر انجاز ومشروع عرفت تديره. تعرفت ع المشكلة وبحثت عن حلول لها وحطيت خطة واتبعتها ونقذتها وحققت نتايج. هذا يعتبر لك انجاز وتقدر تذكره كانجاز شخصي في حال سألت عن انجاز تفتخر فيه غير مرتبة الشرف.
تقدر تذكر ايجابيات لهالشي ومنها انك صرت تختار كلماتك بدقة وكلامك تفكر فيه وتوزنه قبل تقوله.
وممكن تقدر تكسر حاجز الخوف ببداية المقابلة بانك تصيغ نكته بسيطة مثلا اتمنى تأتأتي ما تاخذ وقت اكثر للمقابلة.
وممكن تقدر تبحث عن طريقة توظفها بان تخلي هالتأتأة البسيطة لصالحك. ما ادري كيف اشرح لك لكن بعطيك مثال لحاله مختلفة ممكن توضح لك وش اقصد.
الأمير سعود الفيصل الله يغفر له آخر وقته كان مريض اعتقد اسم المرض الشلل الرعاشي فما كان يقدر يتحكم برقبته، لكن لاحظ وهو يقرأ خطاباته يستخدم لحظات م رقبته تكون خارج سيطرته يوزع فيها انظاره ع المستمعين.
تطمن وثق بنفسك وباذن الله قدامك كل خير ودعواتي لك بالتوفيق
اخوي احمد لقيت هذا الملف من هدف صندوق تنمية الموارد البشرية اقرا للفائدة ويعطيك امل انو ان شاء الله اذا كانت عندك المؤهلات وانت ماشاء الله تبارك مرتبة شرف ماراح تكون التاتاة عائق ان شاء الله
ياخوك التأتأة عمرها ماتوقف الطموح بالعكس المفروض تزيد الطموح عندك. اشتغل على نفسك وشوف وش الكلمات الي عندك مشاكل معها، بعدين شوف وش الاحرف الصعبة عندك في النطق بعدها تمرن على الاحرف وفالك التوفيق
لن اطيل عليك لكني افهم شعورك تماماً لان لدي مشكله شبيهه بمشكلتك
بنصحك عدة نصائح طالعة من قلبي ومن خلاصة تجربة حوالي ٢٠ مقابلة
الرزق بيد الله - على كثر المقابلات الي سويتها , حالياً موضوع توظيفي بإذن الله بالطريق بشركة لم اعمل معهم مقابلة يعني بدون مقابلة!
الإستمرار في عمل المقابلات يرفع ثقتك بنفسك و همتك مهماً احبطت - استمر لا ترفض اي مقابلة لا تشرح لأحد وضعك , كل شي واضح , بالعكس اذا انت شرحت لهم كأنك تضع الخط الأحمر و تقولهم ارفضوني اذا انت مشكلتك بالانجليزي اكثر , انصحك تستخدم برنامج كامبلي cambly و تتدرب مع الاجانب وفيه مختصين , يرفع ثقتك بنفسك و يطلق لسانك و يعودك على الكلام لوقت اطول و استخدام الكلمات المهمه في المقابلات
استمر استمر استمر… ستصل بإذن الله اكثر من الاستغفار و الحوقله افعل بالأسباب - اذا تحتاج طبيب او مختص بتوجه إليه فليس العيب بالمشكله بل العيب بعدم حل المشكلة اذا كان هناك حل احدى اقاربي تواصل مع رقم مختص للصحة النفسية لوزارة الصحة و وجهوه و هو الأن يتعالج و كسر حاجز الخوف الي عنده و استمرت حياته بافضل مما كانت , و دائماً يقول ويني انا عن هالعلاج ؟ كبف كنت و كيف صرت!
اتمنى لك التوفيق و السداد و الرزق و الوظيفه و المنصب الي يرضيك يارب العالمين بيجي يوم و بتقول انا توظفت بالشركة الي كنت اتمناها
انا كنت أعاني من هذه المشكلة اخوي ، لكن لازم تتغلب على الخوف وتقنع نفسك انها مو مشكلة وتدخل وانت واثق من نفسك ومن معلوماتك الشي الثاني انصحك تزور طبيب نفسي وتاخذ معه جلسات سلوكية
