شباب انا حاليا شغال في شركة بمسمى فني ميكانيكي مع العلم اني مهندس ( مع العلم ان الشغل كرف ومتعب وشغل باليد لكن الراتب نوعا ما جيد )
لكن انعرض علي وظيفة بمسمى مهندس ميكانيكي براتب اقل ب ٣٠٠٠ ريال ( لكن الشغل شغل مهندس واريح من شغل الفني )
ايش تنصحوني ؟
راتب اقل من 3000 الاف !!!!!!!!!!!!!!!!!!!!!!!
المهندس الهندي الي بدون خبرة راتبه اقل شي 4000 الاف … رجل الامن راتبه لا يقل عن 5000 الاف
من رأيي تاخذ العرض الوظيفي و ترجع ترميه في وجه الشركة
حاول مع شركتك الحاليه يعدلون وضعك خصوصا انك اثبت نفسك و اكتسبت خبره فنيه
الراتب اقل من راتبي الحالي بمقدار ٣٠٠٠ هذا الي اقصد
للاسف الشركة الحالية لايوجد فيها مهندسين ولا عندهم بوزشن مهندس نهائيا يعني راح اظل فيها فني
فرق الراتب يتعمد ع كم الراتب فلو راتبك ك فني 13 الف مثلا ومهندس 10 الالف بقولك رح لوظيفة المهندس
لكن لو راتبك ك فني 9 الالف و مهندس ك 6 اقولك خلك ع وضعك ،
عموما الراتب مايشكل الشي الوحيد اللي تتخذ عليه القرار . عندك اسم الشركة والخبرة ومكان العمل
Up
وضح كل شي على شان الشباب يفيدونك اكثر
يعني وضح طبيعة عملك كفني وايش مهام وظيفة المهندس اللي انعرضت عليك
برضوه وضح الراتب الاثنين
وانت ايش حاب تكسب خبره
بالنسبة لطبيعة العمل بالنسبة للفني ( تشتغل باليد وتطلع السايت وتفك وتركب وتنظف وتشحم وتغير زيت طبعا تحت الشمس وكل شغلك شغل بدني واي واحد ممكن يسويه وتعامل معاملة الفني او العامل )
بالنسبة لطبيعة عمل المهندس المعروضة راح يكون تدريب في البداية و بعدها راح يرسلونك في مشروع كبير وطبيعة العمل اشرافية تقريبا
اما بالنسبة للراتب الفني حدود ال ١٠ والمهندس حدود ال ٧
دام في مشروع كبير الخوف لا تكون بس سعوده
بالنسبه للراتب فالوضع صعب لانه ضئيل
فأذا الشركه الثانيه معروفه بأنها تأهل المهندس السعودي واضافه قويه في السي في فتوكل ع الله اما اذا العكس فابقى في مكانك
بسهل عليك الموضوع بقولك اللي عملته انا
انا تخرجت من الجامعه و قعدت فتره طويله ما حصلت وظيفه هندسية
حصلت وظيفه مخلص اعمال (معقب) بشركة و الراتب توتال سبع الاف و شوي
و طبيعه عملي مراجعه الوزارات و الجهات الحكومية و الشركات
يعني كانت الشغله متعبه شوي و المسمى ماله مستقبل لكن حلوه كبدايه و ما اقدر انكر اني اكتسبت خبره فيها
و عرفت كيف الشركات تشتغل
و بعد فتره حصلت وظيفه مهندس جوده و سيفتي لكن التوتال اقل بألف ريال
طبعا الشركة كانو حاطيني الخيار الاول و فيه احتياط كذا واحد و بعضهم دبلوم
فحسيت اي مفاوضه على زياده الراتب بيستبعدوني على طول
على طول توكلت على الله و قدمت استقالتي
جوني ناس قالو كيف تقبل باقل من راتبك السابق !!
كلامهم مبدئيا مقبول لكن شوف المستقبل و المسمى و الخبره اللي راح اخذها
حتى مدير الموارد البشرية فوقت المقابلة يوم علمته اني اشتغل معقب جلس يهز راسه 
و يقول “لاحول و لا قوة إلا بالله”
طبعا ممكن تكون ردة فعل فيها اكشن زياده عشان اجزم اوقع معهم ههههههههه
-----------------
فرأيي مبدئيا اتوكل على الله و فرق الثلاث الاف بإذن الله ما راح تتأثر كثير
لكن نفس ما قال الاخ Mechanicalll تأكد انك بتشتغل ما يحطونك سعوده عشان وزارة العمل