ياشباب انا خريج معدلي 2.30 من 4
جامعتي ليست الملك فهد بل جامعة متواضعه جدا
ونفسيتي ماهي تمام مع الاوضاع الحاليه للتوظيف
احس اني لست خريج ولست مهندس بذا المعدل
وفكرت ادرس تخصص اخر ارغب به بشدة
اخوي المعدل مجرد رقم يدخلك للمقابله أول ما تدخل للمقابله ينتهي دوره
لأن المقابله هدفها معرفة شخصيتك و مهارات التواصل عندك و يشوفون هل هي تناسب البوزشن او لا
شوف اخوي، المعدل بيدخلك اول وظيفة بس و ممكن اول مقابلة فقط بعدها ما راح يسالك احد عنه…
ياما و ياما ناس توظفوا بمعدلات اقل منك
صحيح المعدل العال مهم وبيفتح لك فرص كثيرة لكن في نفس الوقت مب معناه ان لو ماجبت معدل عال ماراح تتوظف
بتواجه صعوبة ممكن خاصة في بعض برامج التوظيف الي عدد المتقدمين فيها كبير لأن غالبا يتم الفرز على حسب المعدل ، بس في نفس الوقت فيه شباب كثير معدلاتهم متوسطة أو منخفضة وتوظفوا قبل خريجي مراتب الشرف ، فلا تتحطم لكن نصيحة حاول تسوي الي عليك وتقدم على الشركات بكل الطرق و حاول تستغل فترة التخرج على الأقل في برامج التدريب التعاوني الي تسمح للمتخرجين بالتقديم عليها ، عشان محتوى السيرة يخلي مسؤول التوظيف يتغاضى عن المعدل المنخفض .
الله يوفقك ويرزقك الوظيفة الي تتمناها
اولا جامعة الباحة لسيت متواضعة جدا، هناك خريجين من جامعات اقل منها مستوى وشغالين فأرامكو وشركات كبيرة، ومعدلك جيد لانه من 4، صحيح لو من 5 كان منخفض لكن تقدريك جيد وليس بالمعدل اللي يخليك ما تحس انك مهندس!!
اهم شي الثقة بالنفس واثبات نفسك وليس المعدل، اعرف ناس معدلاتهم عالية جدا ولكن هم مجتهدون فقط ولكن ليس لديهم الفهم الكافي يعني اللي اقل منهم معدل افضل منهم هندسيا، حاول تبحث على اي وظيفة فتخصصك وهذا ليس بالشيء الصعب وانما يعتمد على احتهادك فالبحث ولازم تكون صيغة السي في ممتازة وتبرز مهاراتك، بمجرد ما تحصل على وظيفة مهندس في أي شركة بغض النظر عن الراتب ولكن المهم ان لا تكون سعودة يعني يكون فيها شغل هندسي ومسؤوليات، بعد ذلك لن ينظر احد الى معدلك بل الى خبرتك العملية، اتمنى لك التوفيق. وللمعلومية كثير من الشركات الصغيرة والمتوسطة تفضل خريجي المعدل المتوسط.
شكرا من القلب لكم …
أخوي سالم خذها نصيحة , المعدل هذا خلاص اتركه ورا ظهرك لأنك ماتقدر تغيره … الحين لازم تتعب في الأشياء الي جايتك قدام … حاول تاخذ دورات حتى لو على حسابك … واتعب على السيرة الذاتية … و لا تفقد الثقة أبداً لأن بعد كم سنة من التخرج , يصير المعدل ماله داعي أبداً و المهم يكون شنهو حصلت بهالسنوات …
بالتوفيق إن شاء الله .