السلام عليكم ورحمة الله و بركاته ,
يأخوان عندي غدا مقابلة مع شركة مطارات الرياض كمهندس في قسم مكتب إدارة المشروع - PMO
وأنا خبرتي الآن في نفس المجال 10 شهور تقريبا و حاجة , أيش ممكن الأسئلة اللي يسألونها ؟
أو اللي له تجربه سابقة معهم ياليت يفيدني لاهنتم .
ومشكورين مقدما .
واحد من الشباب توه مخلص مقابلة معهم و كان فيه شرط انه يكون ON CALL
فيدقون عليك متى ما يبون بدون ما يدفعون لك اوڤر تايم
عموما هو قدم على وظيفة غير هندسية فممكن تكون الشروط غير
كل التوفيق لك صالح
كيف التقديم عليهم الله يسعدكم
هلا أخوي …
جايني عن طريق اللينكد ان .
بحط اللي جاني في المقابلة ممكن أحد يستفيد منها في المستقبل .
قابلتني بنت من مكتب إدارة المشروع - PMO , في البداية , عرف عن نفسك وخبرتك , بعدها قامت تسئلني في إدارة المشاريع كالتالي :
1- دورة حياة المشروع ماهي ؟
2- ماهي مهام ال PMO ؟
3- لو كان عندك Portfolio فيها خمسين مشروع مثلا , ك PMO وش مهامك ؟
4- اهم صفة لازم تتوفر في مدير المشروع ايش هي ؟
5- كمهندس مدني ايش ممكن تقدم لنا في مكتب إدارة المشاريع ؟
6- أنواع مكاتب إدارة المشروع ؟
7- المنهج اللي تمشي عليه شركتي في إدارة المشاريع أيش هو ؟
8- مهمي في وظيفتي الحاليه ايش هي ؟
9- سالتني كذا سؤال عن PMP
ايضا تعريف عن مشروعي الحالي وعن خبرتي السابقة , وكذلك وضعتني لأمثلة في حالات مختلفة وأيش بيكون تصرفي فيها .
المقابلة كانت نص ساعه تقريبا , هذا اللي أتذكره حاليا وفيه اسئلة نسيتها , بالنسبة لي كانت المقابلة فيها حقها مقارنة بخبرتي في إدارة المشاريع .
موفقين .
1 Like
ياإخوة
بصراحة انا درست هندسة كهربائية
ودخلت عالم المطارات والله يرزقني ترسيم قريبا
لكن يوم شفت وعرفت رواتب الإطفااء بالمطارات تندمت بشدة ع دراستي ووقتي حول ست سنوات دراسة واخرتها موظف شركة عقد بالمطارات
اكاديمية الطيران المدني عندها برنامج دبلوم الاطفاء والانقاذ
تخيلوا تدريب سنتين فقط منتهي بالتوظيف
تدرون ان الراتب الأساسي يعين ع المرتبة العاشرة
والاساسي حقه 9240 ريال
مع بدلات راتبين سكن وراتبين رمضان ومواصلات وفوقها بدل خطر وانقاذ حول 45%
يصك راتبك مبدئي قريب من 14 ألف ريال
وهذا انت دبلوم تدريب ماسمه دراسة
وترقياتك كل ثلاث سنوات وعلاواتك السنوية ثابتة اعلى من علاوة دكتور جامعة ولا تقييم ولا ظلم ودوام راحة اشد مما تتصورون
تخيلوا اعرف واحد بالاطفاء شهادته متوسط راتبه الآن 23 الف ريال وخدمته قريب 15 سنة وهذا اعرفه شخصيا.
وواحد تخرج من الاكاديمية قبل عشر سنين تقريبا راتبه الآن 26 ألف ريال ماشاء الله تبارك الله وعمره الآن قريب من ثلاثين سنة
الراتب ذا مايستلمه المهندس إلا يكرف بالمواقع والحقول .
ولا تنسون فرق الراحة سواء بالتدريب سنتين ووظيفتك مضمونة ومسجل بالتأمينات عمرك صغير يمديك اذا الله احياك تخدم اربعين سنة مثل الحلاوة عكس لما تتوظف عمرك +25
ودوامهم تقريبا يوم بالأسبوع وتنسيق مع خوياك
نصيحة اتركوا الهندسة والقرف والتعب واختصروها بالاكاديمية ووالله يوم شفت الرواتب والبدلات تعض اصابع الندم ع الهندسة
واعرف لك مهندسين فيها تتجاوز رواتبهم الـ 30 الف وهم خدمتهم 6 او 7 سنوات
مطارات الرياض رواتبها جداً جداً ممتازة ، خصوصاً اللي لحقوا على بدايتها
الدعوى كلها ارزاق
مرحبا
احد عنده علم متى راح يعلنون القبول او الرفض ؟
واحد عنده علم كم العدد الي يحتاجونه ؟
انا مثلك تماماً هندسة مدنية وادارة PMO
هلا اخوي , لا والله ماعندي خبر , نقول ان شاء الله خير وقريب .
كم
كم يبدأ المهندس بهيئة الطيران وايش البدلات الي ياخذها غير السكن ورمضان؟
وكم مرتبته
مطارات الرياض جديدة اخوي مالها ثلاث سنين حتى.
اعتقد قصدك المهندسين بالهيئة الي لهم ست سنين
يعني ع كلامك هل يعقل راتبه مبدئي عشرين ألف؟؟
مستحيل
المعروف ان اعلى رواتب الهيئة هي هيئة الاتصالات وهيئة تنظيم الكهرباء وهيئة الاستثمار والسوق المالية
بعدها الطيران والنقل والجمارك الخ
الله يعافيك على الرد
طيب كانت مقابلتك عربي ولا انقلش ؟
انا قابلتني بنت ورجالين
والصدق جبت العيد بالانقلش ♂️ بالاضافه خبرتي بادارة المشاريع والPMO ضعيفه بس عندي خبرة في الهندسة المدنية
الله يعافيك , لا كانت انجليزي كلها .
اللي قابلني بنت و رجال , بس فعليا اللي كان ماسك المقابلة كلها هي البنت .
وأنا مثلك الصراحة خبرتي في إدارة المشاريع ماهي كثيرة أقل من سنة , لكن سوينا اللي علينا و الله ييسر .
الله يوفق الجميع يارب
هل احد يعرف هل عندهم ابتعاث ؟
وشكراً
ماني متأكد , لكن أتوقع و العلم عند الله .