أنا انقبلت في ثلاث وظائف مؤخرا ولله الحمد ومحتار جدا بينهم … أنا بصراحة متحمس اكثر للمؤسسة لان فيها استقرار وظيفي وسلم رواتبها مثل ما سمعت ابدا مش بطال وكويس وفيها اجازات وراحة مش طبيعية والأهم من ذلك أن فيها ابتعاث مضمون مثل ما تم شرح هالشي لي أثناء المقابلة لان حابين يمنحوا شهادة البكالوريوس قريب فمحتاجين دكاتره كثير…
ولكن ولكن ولكن ما ودي ارفض عروض اخرى من شركة قوية مثل بيكر هيوز أو همبل للاصباغ ومتخوف من بيئة العمل في المؤسسة ومن مستوى الطلاب وبيئة العمل هناك بشكل عام… يعني مثلا بيكر هيوز فيها تدريب وتطوير مستمر وفيها تدريب في امريكا … وهمبل فيها تدريب شخصي في بريطانيا والدنمارك وارجع بعد سنتين استلم منصب كويس في الشركة
انا حاليا ما انظر للراتب كثر ما انظر للاستقرار والمستقبل الكويس … فاللي عنده معلومات طيبة لا يبخل علينا
تخصصي انا ماجستير في الهندسة الكيميائية من بريطانيا و البكالوريوس في نفس التخصص من امريكا والشهادتين كانوا مع مراتب الشرف
في رائي المقارنة غير عادله بقدر انت ويش طموحك ورغباتك وظروفك. المجال الاكاديمي مختلف جداً عن المجال الصناعي وكل مجال فيه مميزات وتحديات.
انا نوعاً ما كنت في نفس موقفك لما تخرجت ولكن كان هدفي المجال الاكاديمي والبحوث وحضور المؤتمرات وتكملة الPhd فتخليت عن عروض الشركات ومنها شركات كبرى جداً. وايضاً ما احب ساعات العمل الطويلة والبيئات القاسية اللي تبعدني تدريجياً عن المجتمع وهواياتي. غير ذلك الاجازة في المجال الاكاديمي ماتقدر بثمن. هذي كلها رغبتني بالمجال الاكاديمي.
بالمقابل صديق لي حصل على فرصة في المجال الاكاديمي وجلس فيها ٣ اسابيع فقط بعدين جاه عرض في شنايدر وطلع لانه ماكان يرغب المجال الاكاديمي ولم يجد نفسه فيه.
القرار قرارك والله يدلك لما فيه صلاح امرك.
والله كلامك جميل اخوي وحلو اني استفيد من شخص مثلك مر بنفس الظروف والخ… أنا اتوقع كل يوم يجي اتمسك في رأيي اكثر وقراري الاخير اني اشتري راحتي واتجه الى المجال الاكاديمي وابني سيرتي الذاتية وخبرتي فيه واكمل الدكتوراه
الله يوفقنا معاكم اجمعين وفي الاخير اعلم تماما أن اللي فيه خير لك وصلاح ربي حيكتبه لك
هلابك اخوي
بالنسبه للرواتب المؤسسه للماجستير 15 وعليها وأغلب الظن وظيفتك راح تكون باحث ومطور للمناهج الكليه من المميزات إجازات تقدر تنقل اي مكان خلال كل 3 سنوات بما ان الكليات التقنيه متوفره بجميع مناطق المملكة استقرار وظيفي تام بعد الله
أيضا السلم الوظيفي واضح ولا يوجد أي فروقات في الرواتب بين الزملاء
بخصوص تكملت الدكتوراه احتمال في المستقبل يفتحون المجال للموظفين للابتعاث لأن النظام حاليا لايوجد ابتعاث الا للماجستير فقط
استخير والله يوفقك وانا انصحك فيها وبقوه
بالنسبه للشركات الوضع الاقتصادي بشكل عام غير مستقر
ابتعاث الدكتوراه في المؤسسة عاد في سنة ٢٠١٥ والحين اتجهت المؤسسة وبقوة لابتعاث الدكتوراه لانها تطمح في استيعاب اكثر من ٥٠٪ من مخرجات التعليم الاساسي سنوياً والاتساع في برامج البكالوريس ومن المحتمل الماجستير التطبيقي والرؤية ايضاً تعتمد عليها كثيراً في مد السوق بالسعوديين المؤهلين فنياً في مجالات التقنية وغيرها. فاذا رغبت مجال التدريب فهي خيار سليم خصوصاً ان سلم رواتبها جداً ممتاز مقارنة بسلم رواتب الاكاديمين في الجامعات.
كلامك جدا سليم وصحيح … اكدلي هالشي بالفعل اللي قابلني وشرحلي توجه المؤسسة في الفترة القريبة القادمة … بصراحة شي يكمن ويحمس … يعطيك الف عافية على تعليقك وملاحظاتك
المؤسسة ميزتها لو تبغى تستقر وظيفيا بحكم انها حكومية ولها سلم رواتب واضح وراح يكون وضعك واضح فيها بعكس الشركات ممكن يكون الوضع مبهم مستقبلا للموظفين وخصوصا الشركات الصغيرة والوسط
اما الشركات الكبيرة بيكون وضعك اوضح وفي الغالب رواتب اعلى بس طبعا بيكون مقابله مجهود اكثر وساعات عمل اكثر قد تؤثر عليك في بعض جوانب حياتك الاجتماعية ( فراح تعتمد على حسب الشخص)
وظيفة مدرب اول ب من الوظائف الممتازة الصراحة علاوتها ممتازة والراتب حول ١٥ غير بدل الخطر
ميزة اللي معهم ماستر بالمؤسسة يقدر يدرس مواد بكالريوس مسائية ( على حسب الكلية المتعين فيها) وبتكون فرصة له بزيادة راتبه غير يمديه يمسك مناصب
طبيعة عملك راح تعطي محاضرات وساعات مكتبية وتصحيح ورصد درجات ومراقبة في الاختبارات وممكن تمسك اي تكليف له علاقة بالعملية التدربيبة (يعني الشي المتوقع من اي مدرس في جهة تعليمية انه يسويه )
بيئة العمل على حسب الكلية اللي راح تتعين فيها وعلى حسب الادارة فيها لان عندك اظن حوالي اكثر من ٦٠ كلية بالمملكة فتلافي بيئة العمل تختلف
مستوى الطلاب يختلف من مكان ومكان يعني المدن غير القرى ولكن بشكل عام اقل من مستوى طلاب الجامعة
النقل يمديك كل سنة تقدم نقل عادي وتنقل كل سنة اذا المكان اللي تبغاه في شاغر لكن النقل على المدن الرئيسية بيكون اصعب ( لكن مو شرط على حسب التخصص)
دراسة الدكتوراه موجودة اذا تخصصك من التخصصات اللي المؤسسة تعطي عليها مؤهل
وفي كم شرط ثاني لكنها ممكنة ومتوفرة بالمؤسسة ابتعاث الدكتوراه
في عيب بالنسبة للمهندس انه خبرته في المؤسسة ما راح تفيده في الغالب اذا حب يروح شركات ويجرب القطاع الخاص وخصوصا اذا طول في المؤسسة ويكون ماله قيمة في نظرة الشركات ( توقع شخصي)
لكن تفيده في نفس المجال طبعا اذا حابب ينقل من المؤسسة الى الجامعات
والله احرجتني بصراحة اخوي من تعليقك … وفيت وكفيت وحمستني اكثر للمؤسسة … أنا تعيني حيكون في كلية الدمام وهو المكان اللي ابيه من الاساس فعشان كذا أنا متحمس كثير وخصوصا في بالي الاتجاه الاكاديمي وخاصة اني حاب اكمل دكتوراه في نفس تخصصي الهندسة الكيميائية…
وبالنسبة للشركات مثل ما قلت… الراتب ما بيفرق كثير في أول للتعيين ولكن ممكن مع الوقت والخبرة اكيد راتب القطاع الخاص حيفرق ولكن حيكون ع حساب صحكتك وعلاقاتك وارتباطاتك الاجتماعية
الحكومة وخاصة المؤسسة خيار اكثر من طيب بعد اللي قريته وسمعته من أهل الخبرة مثلك وشرواك